طلب مساعدة بخصوص لابيري

enar · 2013-12-20, 14:35

السلام عليكم و رحمة الله و بركاته

رانا نعانو من البطاطا كي راهي تجي حلوة لذلك قلت نديروها لابيري و بما اني مبتدئة في الطبخ فانا ما عنديش خبرة فيها لذلك اطلب مساعدتكم حول كيفية عمل لابيري تكون بنينة خصوصا لاصوص اللي نديروها معاها

ارجو مساعدتكم لي و بارك الله فيكم

mahdiak · 2013-12-20, 14:45

سهلة اهلة ديري زيت وملح وسوية لحم يقدر يكون ضلوع مع ثوم وفلفل اسود وقلي مليح فوق نار قوية وزيدي سوية ماء وغلقي لاكيكوت حتي تتخثر ويطيب لحم تقدري زيدي جزار وتكون لصوص مليح .....................وبطاط زيدلها ملح زبد وفرمج

كوثرنيل · 2013-12-20, 17:35

كاين عدة طرق لعمل صوص لابيري الطريقة الاولى وعملوها الطباخين وهي من الاحسن بالدجاج فقط نقلي الدجاج مع قليل من الزيت والملح و الفلفل الاكحل على نار هادئة ولما يقترب الدجاج من النضج نكونو محضرين كمية من التوم معتبرة دون ان نهرسها بحيث تبقى التوم حبات ونستمر بقلي التوم مع الدجاج حتى ينضج التوم ولازم الثوم تبقى عبارة عن حبيبات ثم نضع قليل من الماء ونترك الدجاج يطهىقليلا حتىيتخثر المرق ومن الاحسن نضعة يتخثر في الفرن وفي نفس الوقت يتحمر الدجاج وادا نشف االماء ضفي قليلا من الماء المهم في الاخير تكون خاثرة وعند وضع لاصوص فوق لابيري نوضع حبات الثوم معها وراح اكون التقديم انتاعها جد رائع الطريقة الثانية ساهلة نقلي لحم في قليل زيت لما تتشكل عندنا لاصوص ننزع اللحم ونكملو نطيبوها في مقلاة اخرى ولاصوص لعندنا نضيف لها ملعقتين حليب وقليل من الثوم مهروس وفلفل اكحل ونتركها تنضج على نار هادئة جدا وعينك ميزانك ماتخلهاش تنشف وممكن اضافة قليل ماء لكان نشفت المهم تكون خاثرة هده الطريقة لازم تكون اللحم بكمية معتبرة الطريقة الاسهل هي بصلة صغيره جدا وثوم ولحم وفلفل وتقلي على نار هادئة ثم ضفي قليل ماء وطماطم مصبرة حتى نضج اللحم وتخثر الصوص يمكن ان نعملها باللحم او الدجاج لكن من الاحسن دجاج ونتمنى كل واحدة استفادت وجربت اي طريقة تحطلنا التطبيق ان امكن ودعيوه خير لتفريج الهم خير من اي شئ

ايوب ب · 2013-12-20, 22:09

اول شيء حطي البطاط نتاعك تطيب في الماء ولمح في طنجرة خلاف حطي البطلة مع الملح مالفلفل الاسود مع الدجاج قليها مليح ومن بعد مرقي غير بالشوية ماء لان ايري متحتاجش لصوص بزاف هدي لكان حبيتي بلصوص بيضاء اما بصوص حمراء خدي السدر نتاع الدجاج قله في شوية زيت مع التوابل كي يتقل مليح حطي شوي طماطم مصبرة طلقيها في شوة ماء وزيدها لدجاج خليها تختار وطفي عليها نتمنى تكوني فهمتي كل ما قلته

رانيا لوك · 2013-12-21, 07:57

حتى انا طريقة مثلهم