راني حاصل والله

[safiro]

السلام عليكم خاوتي وربي يدوم قوسطوكم

أنا عندي شهر ملي رحت للبوسطة و دومنديت كارني شاك عمرت المعلومات وكلش ودفعتو عندهم في لابوسط

قالولي 25 يوم بالكثير و يوصلك ... المهم راني في شهر ونص و مكان والو وكي رحت ليهم قالولي مزالنا ماوصلنا

والو على أساس لازم يبعثولهم مالجزائر العاصمة بلي راه وصل ... المهم درت طلب رقم السري و دخلت لحسابي

وطلبت كارني شاك من الموقع و كيف كيف ماوصل والو

والله غير راني حاير قولولي كيفاش نعمل ؟؟ راني حاير و ضايع كامل كيما درت ماصدق والوا

واسمحولي الا طولت عليكم

[مشغل الاشعة]

سلان خويا الشاك ماعندوش وقت محدد حتي يوصلك لازم تستني ولا اطلع للجزائر.ادا مقدرتش تجبد دراهم تقدر دير موندا كونت aكونت لواحد كونفيونس ويجبدلك من حسابو.شكرا

[حميد.ص]

اخي ما عليك سوى التوجه الى

Centre des Chéques Postaux

بالجزائر العاصمة و اسال هناك

[أَحمــد]

كاين ليبقاو ينتظروا أكثر من 6 أشهر.

[إكرام ملاك]

السلام عليكم
ما عليك سوى اعادة الطلب او التوجه Centre des Chéques Postaux بالجزائر

[youceflondon]

اخي الكريم اصبر فان الصبر مفتاح الفرج وباذن الله سيحل كربك

[anfale 86]

السلام عليــكم أخي الكريم أنــا تــاني كيفك طلبت الشــاك و مــاجانيش من نوفمبر 2012 ، مشيت سقسيت في la post خالتي تخدم تما قالتلي عمري شـاك سوكور بالرقم"نتاعك و هوما يرسلوه ل centre de chaque الأقرب وهاك يوصلك الشاك ان شاء الله في أقرب["]الآجــال

[chihabealg]

الصبر مفتاح الفرج

[anfale 86]

[anfale 86]

-يمكن طلب الحصول على دفتر شيكات بريد الجزائر بواسطة الهاتف او طلبه من موقع الانترنت او طلبه باستخدام البطاقة المغناطيسية:
1- باستخدام الهاتف
1-1 اطلب الرقم 1530 بعد الرسالة الترحيبية اضغط على( *)
1-2 نختار اللغة بالظغط على( 1) للعربية( 2) للفرنسية
1-3 الان تسمع الموزع الصوتي يتحدث
-اضغط على الرقم (1) من اجل معرفة رصيدك
-اظغط على الرقم(2) من اجل طلب دفتر الشيكات
-اظغط على الرقم (3)من اجل طلب الرقم السري
1-4 الان ادخل رقم الحساب البريدي ثم رقمك السري
تم الطلب الان اتنضر بعض الوقت ليصلك دفتر الشيكات الى بيتك

2-استخدام الانترنت
2-1ادخل الى الرابط التالي
https://eccp.poste.dz
2-2 ادخل رقم الحساب
البريدي CCP ثم ادخل الرقــــــــــــــــم السري وفي الأخير اضغط علىVALIDER
3-باستخدام البطاقة المغناطيسية
-املئ المطبوعة الرسمية تسلم لك عند مكتب البريد
-اكتب اسمك ولقبك وعنوانك
-اكتب رقم حسابك البريدى
-ثم اكتب التاريخ وقم بالامضاء
-قم بالتاشير على خانة طلب دفتر شيكات

[فتاة مجتهدة]

الصبر اخي انت في الجزائر الادرات كامل تمشي غير بالمعريفا اصبر تنال مرادك

[rami med nadjib]

عاود أطلب ذرك يوصلك إن شاء الله و لكن من الأنترنت دير الطلب

[safiro]

المشاركة الأصلية كتبت بواسطة anfale 86

السلام عليــكم أخي الكريم أنــا تــاني كيفك طلبت الشــاك و مــاجانيش من نوفمبر 2012 ، مشيت سقسيت في la post خالتي تخدم تما قالتلي عمري شـاك سوكور بالرقم"نتاعك و هوما يرسلوه ل centre de chaque الأقرب وهاك يوصلك الشاك ان شاء الله في أقرب["]الآجــال

والله ياختي هاد الخدمة تاع نعمر الشاك سوكور راني درتها في نوفمبر

رحت للبوسطة عطاولي شاك سوكور عمرتو وريحت نستنى و كي رحت ليهم ديك النهار قالولي

بلي مزال ماوصلناش ... وليت طلعت لساحة الشهداء قالولي دير واحد جديد

المهم درت طلب جديد ... وفي نفس الوقت دومنديتو بالانترنيت من الموقع قالولي بالكثير سمانة وراني نستنى

راني في زوج سمانات و مزالنا واقفين ... حسبي الله فيهم

[safiro]

Centre des Chéques Postaux تاع ساحة الشهداء ؟؟ ولا la grande poste ؟؟