يقتلوا القاتيل ويمشوا في جنازتوا

[فاطمة شلف]

ياعجبة مايخافوا مربي ومايقولوا حرام علينا
شتى يسلك العود من عودوا هذي دنيا فانيا وراهي تضحك علينا
يكلوا ويشربوا وفيك يفلحوا
يضحكوامعاك ويلعبوا
ومن وراك كاطير يتقلبوا
شتى هاذ العباد كثر فيهم الحسد والنفاق
وجه فضة وجه النحاس وجه يقابلوا به الناس
حرام حرام ياخي حرام
فتحت الدار ولفت الانظار وليت نسمع شكاوي كبار
كل واحد نعطيلوا حقوا وانا صبار
تافقوا عليا وهدمولي الساس
خربولي بيتي وركبوني الوسواس
وليت تايهة في لوطان وحيران
والمضرب لي نروح ليه نقول ماعندي فيه مكان
ياربي راك تشوف خدعوني الجيران وخلوني مكشوف
شكوى ليك يالعالي القدير
تشفيلي الجرح الكبير
جات الطيور وبيا دارت
مال خيتي اليوم مابنت
جات الطيور وبيا حامت
قتلها راني محقور وباهت
دفنوني تحت القبور ورموا عليا الحجور
وخلاوني فظلمة وظلام وهذا حرام
درتها خيتي وفتحتلها بيتي
خدعتني وخربتلي بيتي
واقفة وفيا تساند
تحسبها بريئة للايمان تعاهد
كشفتها والله واحد
وسدت الضراعي
وعانيت من جراحي
رشوني بدموع
وطفاو عليا الشموع
حتى حزني سكن فضلوع
وين الباب يالحباب
راه غمني التراب
جات امي تشوف صابتني مكشوف
بشكيلي ريدوا
نجرحت تحطمت انتهيت باعوني برخيص وسومي غالي
عايت عيطة شينة وحنينة
قلبي مجروح واك شاف الغبينة
مال حالي تبدل
خانوني وخلاوني نرحل
مال حالي تودر
حدثني همي وقالي هجر
شتى يصبرني يالخوان
راهم نغلقوا عليا البيبان
تافقوا عليا النساء
وسيتهم ماتتنسى
ياربي راني صبار
لجرحني يتمس بالضرار
بقلم فاطمة شلف