طبق اسكالوب فارسي

[wissamcamo]

السلام عليكم بغيت نشارككم بوصفة الاسكالوب فارسي ب viande hachée من مطبخي هدي الطبخة بزاف بنينة و presentable نبداو
المكونات نسحقو
* شرائح اسكالوب
* لحم مرحي
* قشطة طازجة creme fraiche
* moutarde
*curdon
* مهراز
* ورق المنيوم
* ملح فلفل اسود
* شوية زبدة
*shampignon

تحطي الشرائح تاع الاسكالوب و دقيهم خفيف بالمهراز

وممبعد تملحيهم وديري الفلفل الاسود وممبعد تقسميهم ادا كانو كبار بزاف كيما في الصورة

ودوكا اللحم المفروم تملحيه وديريه كويرات


ووجدي لا سوس من جهة اخرى تفرغي la creme fraiche et la moutarde انا درت قاع العلبة تاع الكريمة مع زوج مغارف كبار موتارد و شوية ملح

دوك نولو للحم تاعنا تبسطس الشريحة تاع الاسكالوب و ديري في الطرف اللحم المفروم و تلويها كيما البوراك وتحكميها ب curdon كيما راهي في الصور


ادا كانت كرية اللحم كبيرة نحي منها والعكس يعني عينك ميزانك
دوك ستفيهم في plat تاع فور مدهون

وسربي عليهم لا سوس

وديري فوق كل واحدة مغرف صغيرة زبدة و ممبعد غطيها ب الالمنيوم و دخليها للفور مسخن مسبقا درجة 200



دوكا حمسي الشومبينيو في شوية زبدة وملح وفلفل اسود


كي تفوت 45 دقيقة خرجي البلا من الفور و زيديلو الفطر و نحيلو ورق الالمنيوم ونرجعوه للفرن باش يحمار و يجمر واحد النص ساعة

وهادا هو بلا تاعنا و شهية طيبة

نتمنى تسييوه ويعجبكم وكاس استفسار راني هنا

[أم إناس]

اممممممم كيد بنييييين شكرًا لك

[أم محمد تاج]

ممممممممممممممممم يهبل يعطيك الصحة

[rachid5555]

تسم الأيادي اختي على الوصفة الشهية

[wissamcamo]

شكرا على الردود

[omelhabib]

جزاك الله خيرا على الوصفة الشهية ويقول لك إبني من فضلك أبعدي الصور لأنها تجوعتني نجوبها بإذن الله

[zizou19332]

يعطيك الصحة اختي الجاج واللحم بينا تجي بنينا