راكم معروضين عدنا

[ريم الفلى]

البسملة1

كيف الحال حبيباتي توحشتكم كامل
وانتوما توحشتوني؟؟؟


يوم 4 ديسمير يصادف يوم ميلاد أغلى الناس على قلبي
من قدم حياته وضحى بها ليبني حياتي
من يتسم بالهيبة والوقار
من أحمل اسمه بكل افتخار
من رافقني بحبه وصبره وتضحياته الجسار
من علمني ورباني وحَلٌمَ بأن يراني بمنزلة الكبار
من كلماتي لاتضاهي جزءا من جمائله الكثار
انه حبيبي وقرت عيني
أنه أبي الغالي
بهذا اليوم 04 ديسمبر 2013 يكون أبي حبيبي قد بلغ من العمر الرابعة والخمسين عاما


وبهذه المناسبة قد صنعت له هذه الكعكة المتواضعة والتي أفرحت قلبه الكبير فقد ضن أننا نسينا يوم ميلاده
هههههههه

وهذه يد أبي الغالي دار هجوم على الكيكة وقطعها إربا إربا هههه

وهذه من الداخل:

وهذه حصة كل وحدة دخلت للموضوع




لمن تسأل:
هذه الكيكة عبارة عن
1-جينواز: 6 بيضات، 150غ فرينة،50غ نشاء،لفاني، قرصة ملح،150غ سكر عادي، باكي خميرة
والطريقة عادية نخفق البيض والسكر وقرصة ملح جيدا حتى تولي بيضاء ويزيد حجمها
من بعد نضيف الفرينة والنشاء والخميرة مغربلين مع بعض على دفعات ونحرك من الاسفل الى الاعلى حتى نكملو كل الكمية
نديروها في قالب فرن مدهون بالزبدة ومرشوش بالفرينة وندخلوها للفرن مسخن مسبقا من تحت لما تشمي الريحة تاعها شعليلها من فوق تتحمر مدة الطهي حوالي 20د
لما تطيب خليها تبرد جيدا انا درتها الصباح وزينتها في المساء
2-كريمة الشكلاطة الرائعة: في طاوة حطي كاس ونص حليب ومغرفة نشاء وأخرى فرينة وأخرى ككاو من النوع الجيد ومن 3 ألى 5 ملاعق سكر وحركي جيدا وحطيها على النار لما تثقال قطعي فيها علبة شوكولا انا درت شوكولا سوداء وحركي حتى تذوب وخليها تبرد
3- الشاربات: لما تبرد الكيكة نقصها على 2 ونشربها بالشاربات واللي هي:
كاس ماء و5 مغارف سكر حطيهم على النار لما يغلي نحيهم وزيديلهم المربى وحد ال5 مغارف تاني حتى يولي سيرو ثقيل وشربي بيه الكيك تاعك
من بعد ديري طبقة لاباس بيها من كريمة الشكولاطة وحطي الطبقتين فوق بعض
4- الكريم شونتيي: من بعد غطي الكيكة من فوق وفي الجوانب بالكريم شونتيي المطلعة بالحليب انا داتلي 120 غ مذوبة في كاس ماء بارد جدا وشويا فاني و2 مغارف سكر عادي
5-غلفي الجوانب بالكوكاو المحمص
6-زيني الكيك كيما حبيتي
وهاهي النتيجة:

واش رايكم؟
ملاحظة: قبل لا تخرجي ادعيلي ةلبابا بدوام الصحة وطول العمر ان شاء الله

[جوهر دعوة]

كل عام والوالد بالف خير طول العمر يا رب
يعطيك الصحة اللي فرحتيه وربي يخليهولكم ويطول في عمرو وتفرحيه
كيكة رائعة

[ريم الفلى]

المشاركة الأصلية كتبت بواسطة sousou batna

كل عام والوالد بالف خير طول العمر يا رب
يعطيك الصحة اللي فرحتيه وربي يخليهولكم ويطول في عمرو وتفرحيه
كيكة رائعة

شكرا سوسو ربي يعيشك حنونة

[أم إناس]

ماشاء الله تارت رووووووعه والاهم عيد ميلاد سعيد للولد ان شاء الله كل العمر ربي يخليهلك فوق الرأس ويحفضو لك يارب.

[ريم الفلى]

المشاركة الأصلية كتبت بواسطة أم إناس

ماشاء الله تارت رووووووعه والاهم عيد ميلاد سعيد للولد ان شاء الله كل العمر ربي يخليهلك فوق الرأس ويحفضو لك يارب.

amine ya rab merci

[om inas]

الله يطول في عمرو

[ريم الفلى]

المشاركة الأصلية كتبت بواسطة om inas

الله يطول في عمرو

امين يا رب شكرا لك

[nfifi2011]

يعطيك الصحة فرحتي والدك ان شاء الله كل عام وهو بصحة جيدة وانتي يرزقك الله من خيراته
من فضلك الكيكة ماشي عندها بزاف سكر

[yara djoumana]

ربي يحفظلك باباك و يطول في عمرو استحفظي عليه

[ام اريام]

كل عام والوالد بخير ربي يعيشوا انشاء الله و يفرح بيك يعطيك الصحة داومي على طاعة ااوالدين .

[روضة من رياض الجنة]

ربي يخليهلك تاج فوق الرأسك ويحفظه لك يارب.الله يطول بعمره و يفرح بك

شهيتيني جاتك هايلة

[ريم الفلى]

المشاركة الأصلية كتبت بواسطة nfifi2011

يعطيك الصحة فرحتي والدك ان شاء الله كل عام وهو بصحة جيدة وانتي يرزقك الله من خيراته
من فضلك الكيكة ماشي عندها بزاف سكر

الله يسلمك لكن الكيكة مهيش حلوة بزاف لانها فيها كريمة الشكلاطة هب اللي تعدل المذاق تاني لاشنتيي درتلها 2 مغارف سكر صغار في 120غ يعني حتى هي مجاتش حلوة بزاف اما اذا بيك على الشاربات راهي ثقيلة بالمعجون يعني متجيش مشمخة بزاف حنا كليناها في نفس اليوم كون باتت تولي الذ وطبعا تتشمخ اكثر بالشاربات

المشاركة الأصلية كتبت بواسطة yara djoumana

ربي يحفظلك باباك و يطول في عمرو استحفظي عليه

امين يارب هذاك معندي غير هو ماعندي اخ ماعندي سند الا ابي الحبيب

المشاركة الأصلية كتبت بواسطة ام اريام

كل عام والوالد بخير ربي يعيشوا انشاء الله و يفرح بيك يعطيك الصحة داومي على طاعة ااوالدين .

ربي يعطيك ما تتمناي حبيبتي شكرا لك

المشاركة الأصلية كتبت بواسطة روضة من رياض الجنة

ربي يخليهلك تاج فوق الرأسك ويحفظه لك يارب.الله يطول بعمره و يفرح بك

شهيتيني جاتك هايلة

شكرا لك حنونتي

[meharga]

نتي بلاك تقولي حاجة صغيرة لكن عندها أثر كبييييييييييير عند الاب تاعك
يعطيك الصحة يالشاطرة
وعيد ميلاد سعيد للاب وان شاء الله دوام الصحة والعافية وطول العمر ان شاء الله يقعد ديما تاج فوق روسكم

[fati0722]

كل عام وابوكي بالف خير ربي يطول عمرو ويعطيه الصحة والعافية ويحفضولك

[ام الهضاب]

مقدمة تبكي ياااريم حتان كأس آلتاي ماقدرتش نشربو
ربي يعيشوووو و يعطيه الصحة و العافية يا رب و يشوفكم ناجحييين كاااامل بإذن الله تعالى و لاتارت جات تهبببببل
هيا سخنيلي ضرك كأس آلتاي انتاعي نشربووو