اانصحوني في مكرووند

زينة بجاية · 2014-02-04, 08:33

السلام عليكم حبيت نشري ميكرووند و لقيت انواع عديدة في محلات بينهم لسخن برك كاين لجي فيه الفور و انا معنديش تجريبة خفت لا نطيح في حاجة مشي مليحة قلت نشور لحباب في هذا المنتدى رائع

من فضلكم يا اخواتي لعندو تجريبة في مكرووند ينصحني لوجه الله شكون نشري ميكرووند متعدد خدمات يعني لجي فيه الفور ولا عادي لسخن برك بارك الله فيكم

ام هاديل وياسين · 2014-02-04, 13:08

السلام عليكم ورحمة الله وبركاته.. ياختي انا لعندي كوندور يسخن ويطيب بصح كي جربت فيه بعض الما كولات لطياب معجبتنيش راني مخلياتو فقط للتسخين ماننصحكش تشري تاع الفور لانو زيادة مصاريف.فقط. .نتمنى نكون افدتك

مودةخ · 2014-02-04, 15:03

اشري الي سخن فقط

amina nourhanne · 2014-02-05, 08:52

عن تجربة اشري لي يسخن خير لانو لي يطيب يأكل بززززززززززاااااااف الكهرباء انا عندى samsung ديجيتال و الداخل سيراميك مضمون 10 سنوات و الله ما ندمت عليه شباب و حطة في الكوزينة خليتو 8000 da نتمنى نكون افدتك

halaa801 · 2014-02-05, 10:44

انا شريت كوندور ب مليون و مية و فيه شواية فاني عجبني بزاف و حتى عجوزتي كي حبت تشري خيرتلها نفسو و راهي زاهية بيه

halaa801 · 2014-02-05, 10:45

https://www.condor.dz/condor-final/in...electromenager هذي صورة ليه

it's me · 2014-02-05, 11:02

ana 3andi BRANDT four micro ande hayel

زينة بجاية · 2014-02-05, 17:16

يعطيكم الصحة يا خواتاتي ام هديل و امينة و مودةخ و هالة و it's me على مروركن
اذا لا داعي لشراء ميكرو وند متعدد خدمات و نشري غير لسخن فقط
استفدت من نصحتكم و لله عندكم الحق نحتاجو ميكرووند إلا لتسخن فقط اما لباقي زيادة مصاريف و زيد يستهلك كهرباء شكرا هههههه

بنسبة لشواية يا اختي هالة801 هل استفدتي منها و لا لا

halaa801 · 2014-02-06, 13:05

انا صراحة ما خدمتش بيها لانو عندي شواية ديري كيما قالو البقية و اختاري تسخين فقط لكن حاولي شوفي واحد مليح و مبروك مسبقا