لاتارت نتاع بنتي عيد ميلادها الثاني...بالصور والخطوات.....ادخلوا ومدولي رايكم

ام ملاك. · 2012-10-16, 22:22

ديرت لانيفرسار نتاع بنتي 2 اكتوبر اللي فات وهاذي لاتارت اللي درتهالها ان شالله تعجبكم
نخليكم مع المقادير
انا درت كمية كبيرة يعني كلشي متضاعف
13 بيضة
2 كيسان زيت
2 كيسان حليب
6كيسان فرينة
لافاني
3 ونص خميرة القاطو
للكريم باتيسيير شريتها واجدة في لي صاشي تديري كل صاشي في نص لتر حليبتتخلط مليح وتحطيها على النار وتكملي تحركي حتان تثقال وتنحيها خليها تبرد مليح وديري بواطة ونص زبدة وابداي ضربي فيها مع الكريم باتيسيير اللي خدمتيها حتان تتحصلي على كريمة الزبدة وتحشي بيها التارت وتغطي بيها
للتزيين عجينة السكر والملون كل واحد واش يحب انا كنت حابة ندير وردي فاتح درت لحمر شوية جاني قاسح بزاف كيما زدتلها عجينة السكر ماحبتش تجيني لون مليح انشالله تعجبكم
نخليكم مع التصاور وان شالله تجيكم ساهلة
المقادير

نبداونزيدو السكر والزيت

الحليبوالخميرة

الفرينة ونخلطو

انا ديرت زوج خاطرش بياس امونتي
نعرغوها في السينيات

هنا نديرو سينية واحداخرة باش نبلاطيو لاتارت خاطرش تخرج بومبي شوية باش تولي بومبي شوية

لاكريم باتيسيير تتباع هكذا ولا تقدرو تخدموها نورمال

كي تبرد مليح نضربوها ونتداو نزيدو الزبدة بشوية حتان نتحصلو على كرم باتيسيير بالزبدة

كي طابت نبداو نسقيوها بالسيرو درت ما وسكر وقارص امباعد ندير من لاكريم باتيسيير فوق الطبقة الاولى

ونزيدو نسقو الطبقة الثانية وندير لاكريم

نبداو في التزيين نسيت ماصورتش كيفاش فتحت لابات خاطرش عييت بزاف والديكور كيما راكم تشوفو

وهذي كي كملتها

واش رايكم عجبتكم ولا لا ؟؟؟؟؟؟؟؟؟؟؟؟؟؟

الردود والتقييم

وهذي ليكم قع

*عاشقة الجنة* · 2012-10-16, 22:31

الله الله على الفحلة
والله هايلة مشاء الله
والتزيين تحفة
تبارك الرحمن

ربي يحفظلك هدوك اليدين
ويخليلك بنتك الغالية
كي اليوم تشوفيها عروسة
ان شاء الله

zaklam · 2012-10-16, 22:39

كل عام و هي بخير
و لعقيبة نشالله كي دريلها حلوة التخرج تاعها
كي اليوم نشالله
ماشاء الله و الله يبارك فيك و فيها

sarah3113 · 2012-10-16, 22:48

تحفة مشاء الله وربي يخليلك بنيتك وتتربى في عزك ان شاء الله

ام ملاك. · 2012-10-17, 08:01

صباح الخير عليكم يالبنات
يعطيكم الحة على الردود التشجيعية اللي تفرح الله يسلمكم ويحفظلكم ولادكم واللي مازال انشالله يبعثلها وليد الحلال اللي يفرحها

blessful · 2012-10-17, 08:11

ربي يخليك لبنتك و لينا هاذي هي الام الفحلة عجبتني بزاف راني نستنا في الجديد حبيت نسقسيك على المل تاع الورد بشحال يتباع اذا ممكن شكرا

*أم كوثر* · 2012-10-17, 08:11

ماشاء الله تحفة ومجهوود تشكرين عليه
للاسف مقدرتش نحطها في المسابقة لانو نقصتها الورقة فقط
ومنقدرش نكون متحيزة لاحد
فعذرامنك
ربي يحفظلك ليديا وتشوفيها عروس

ام ملاك. · 2012-10-17, 08:16

اقتباس:

المشاركة الأصلية كتبت بواسطة blessful

ربي يخليك لبنتك و لينا هاذي هي الام الفحلة عجبتني بزاف راني نستنا في الجديد حبيت نسقسيك على المل تاع الورد بشحال يتباع اذا ممكن شكرا

الله يسلمك حنونة لي مول حنونة غاليين شوية انا ماعنديش نتاع ماما خاطرش كنت في دارنا هذوك الايام ودرت لاتارت عندهم ماما شرات الكبير ب ستين الف واقيلا اذا راني شافيه والصغار والله مانكذب عليك راهم في حدود ربعين الف ولا ثلاثين

ام ملاك. · 2012-10-17, 08:18

اقتباس:

المشاركة الأصلية كتبت بواسطة *أم كوثر*

ماشاء الله تحفة ومجهوود تشكين عليه
للاسف مقدرتش نحطها في المسابقة لانو نقصتها الورقة فقط
ومنقدرش نكون متحيزة لاحد
فعذرامنك
ربي يحفظلك ليديا وتشوفيها عروس

مشكورة مافيهها والو
زعفت شوية من بعد خلاص
الله يسلمك وربي يحفظلك ولادك

الأمنيات · 2012-10-17, 09:35

حياتي نبع امل · 2012-10-17, 09:43

الله يبارك يا الشاطرة ربي يخليك لوليداتك ويخليهملك ويفرحك بيهم
التارت هايلة برك اللون شوية غامق يعنى لوكان جات غوز كلار تجى روعة
عموما هكداك وخلرجتيها فور يعطيك الصحة

zahra30 · 2012-10-17, 10:14

ما شاء الله .....روووووعة ....ربي يحفظك ويحفظلك بنتك ....عقبال نجاحاتها ان شاء الله

serine alger · 2012-10-17, 10:16

هاااااااااااايلة يعطيك الصحة. عيد ميلاد سعيد للأمورة.بالصحة والهنا.

oum rahma · 2012-10-17, 10:30

يعطيك الصحة الله يبارك روعة

والببونة لي في الصورة اللي عاونت ماماها ربي يحفظهالك

جيجلية · 2012-10-17, 13:15

ما شاء الله

رووعة

عيد ميلاد سعيد وكل عام وبنوتك بخير ربي يحفظها ويجعلها من الصالحات