حلوة البودا من مطبخى

[ilhemdetlemcen]

للعجينة
400غ مارغرين دائبة و باردة
2م ك سكر عادى
قرصة ملح
ماء+ماء زهر للم العجينة
1كيلو فرينة
الحشو
1كيلو قاوقاو مقلى مليح وهو سخون نطحنومع 500غ سكر عادى ونطحنو مليح مليح حتى يولى يتعجن و كى نجى نستعملو نعكرو بالزيت قيمة ما يقبطلى الحربول
نحضر العجينة بخلط الفرينة+الزبدة والسكر و نبسسها مليح بيدى ثم نعكرها بالماء قيمة ما تنطملى العجينة نخليها ترتاح 1سا ثم نخدمها.
نورقها على شكل مستطيل كبير سمكه 5مم نضع حربوش من العقدة فى الوسط ونلويها دورة وحدةو نقص مقروطات ننقشها بالنقاش وندخلها للفرن تولى وردية نجبدها نخليها كيما راها ولا نرش فوقها سكر قلاصىاو نبيها بالنباج ونضع فوقها لوز ايفيلى
جربوها اخواتى و ما راح تندمو تجى هشيشة ودوب فى الفم ليدوقها يحسبها مصنوعة من حلوة الترك ما تخطانى حتى فعيد سانبل وساهلة و خفا تنطم .و بنينة.

[أم إناس]

امممممم باين بنييييين شكرًا على الوصفه

[صابرة2013]

يعطيك الصحة

شكرا اختي على الوصفه اممممم

[ikhlasse25]

اكيد راها تبان هايلة
تسلم يد=يك يعني الكوكاو نرحيوه في المولينات

[ilhemdetlemcen]

واه اختى و هو سخون ترحيه فالمولينات مع السكر العادى معا لازم تطحنيهم مليح حتى يوليو يتعجنو و تزيديلهم شوية زيت قيمة ما يتشكلك حربول..

[tahiya]

choukran jazilan laki okhti