رأيكم الصواب يهمني ساااااااااااااعدوني

[مشكلتي]

السلام عليكم اريد رأيكم ونصيحتكم ارجوكم
انا فتاة ابلغ من العمر 26 سنة مخطوبة لشاب لا بأس به ماديا و على قدر متوسط من الدين وسبق ان فسخت خطبتي ورجعت بعدها و انا حاليا مخطوبة
المهم خطيبي دائما قبل ما نرجع ليه كان معايا ناس ملاح فوق ما تتصوروا ولكن بعد ما رجعت حسيتوا عاد هايني يعني ما عادش مقيمني خلاااااااااااااص لدرجة ان امه كل ما تكون جايتنا في كاش مناسبة تخلي لآخر دقيقة و ايعيطلي و ايقلي بلي ما راهيش جاية و ما تتخيلوش شحال نحشم قدام دارنا تبهديلا نحسو ما هوش مقيمني و من بعدا تجي في النهار لي يضهرلها هي
و زيدو خوه راح يتزوج ايعاون فيه بكل ما يملك وان حاقرني في الكسوة تع العيد و المواسم ايجيبلي غير حوايج شماتة و زيد ايمعني عليها قبل ما يجيبهالي باش ما نقول والو (زعمة ايقولي صاحبي جاب كسوة لخطيبتو و ماعجبتهاش دخل فيها باباها و يماها و ايزيدايقولي احنا عندنا عيب لي جاست هادو) ; و نصيب في الأخير كل الهدرة تمعنية ليا يعني الهدرة ليك والمعنى لجارتي
ولي زاد الطين بلا كي قالي بلي صاحبو قالو اعطيت الشرط لخطيبتك قالو انا مرت ما هيش محتاجة راها خدامة وقت لي ووجدولي نمدلها مع انو خدام ولاباس بيه ماهوش محتاج ولا زوالي
انا خممت نبطل منو وخلاص لاني انا خايفة اولا من دارهم يماه واعرة و حاكمة في بنها و خواتاتو كيف كيف ما كانوش قابلين نرجع ليه كي بطلت المرة الاولى المهم استخرت ربي و قلت نشوف رايكم تعيشوا عاونوني بآراءكم
ولكم مني فائق الشكر و التقدير

[يونس معبدي]

وعليكم السلام ورحمة الله

من خلال سردك لمشكلتك
يظهر انو هذا الزواج فاشل منذ البداية

فسختي الخطبة ومن بعد رجعتي
ما عادش مقيمني خلاااااااااااااص
يماه واعرة و حاكمة في بنها
و خواتاتو كيف كيف ما كانوش قابلين نرجع ليه كي بطلت المرة الاولى
...
اختي الكريمة الزواج ليس لعبة
ويقتضي موافقة جميع الاطرف
انا اعرف ان المقبل على الزواج يكون مدعوم من طرف العائلة من خلال مساعدته في التحضير للزواج
وتكون عائلته راضون على خطيبته
وهم ينتظرونها بفارغ الصبر
...
على حسب ما نشوف هناك صراع بينه وبين عائلته
هم لا يريدونك وهو يريدك بدليل قبولك للمرة الثانية
لكن هل ترضين ان تكوني زوجة لشخص عائلته يكرهونك ؟

موفقة اختي

[نورسين.داية]

السلام عليكم

أختي أبدأ رأي من العنوان الذي كتبته .....(رأيكم صواب )....عزيزتي ليست أراء الأعضاء صواب ...بل هي مجرد وجهات نظر تحتمل الخطأ و هو الراجح كما تحتمل الصواب .......

بالنسبة لهذا الخطيب الرائع ....بكل صراحة و ماتزعفيش هو ليس مجبر لا قانونا و لا شرعا لى كسوتك إلى أن تصبحي زوجته شرعا و قانونا يعني هاذي فكرة كل عيد ...راه جايب حاجة هاذي غير عوادنا لمعوجة ....لي أسسوها و حولها إلى قاعدة قابلة للزيادة بصفة حتمية دون النقصان .............

مسألة معاملته لكي باين الصراحة إنسان يحسب بالغرام .....و داير في حسابه عملك ..........و أنتي نظن فهمتي قصدي

مسألة الوالدة .....أغلقي هاتفك ....و لما تجي ما تحلوش ليها الباب ..حتى دير demi tour لدارها ..و لما يلومك بعدها ....علاش درتو هداك الجاست ......قليلو حنا حسبناها ماش راح تجي ....خرجنا ................حتي يدوق من نفس الكأس و يتربى و يعرف الإحترام كيف يكون ......لما تجي في والدته ..........
مسألة تفسسخين .......و الله هذا يعود إليكي ....أنتي ....لا يستطيع احد أن ينصحكي ...بالفسخ .....

وفقكي الله أختي

[مراد سابقا2]

المشكل فيك أنتي أختي وليس فيه

ربي يهديك

[محمد جديدي التبسي]

ما دام نظرتك مادية للأمور وبينكم حساسيات كثيرة فالمرجح أم المشاكل ستكثر مع مرور الوقت وطول فترة الخطبة لذلك استخيري ربك وشاوري أهلك واحسمي أمرك

[آلاء فهد محمد]

توكلي على ربي
صلي الاستخارة ولي فيه الخير ربي يقدمه

[knives66]

اعتقد ان سبب هذا تحول هو بسبب فسخ الخطبة والواضح انوا كان متعلق بيك قبل الخطبة لكن كي فسختي

تبلدت عقلية وافضل تفسخي مرة ثانية لان علاقة ما عدتش كيما بكري

[يونس معبدي]

المشاركة الأصلية كتبت بواسطة مراد سابقا2

لماذا حذفت ردي أخي المشرف

حتى أنا اعتقد أن ردك غير مناسب لمشكلة الفتاة

فهلا حذفته

حذفت ردك ليس كونه مناسب او لا
لكن عندما نلوم شخص يجب ان نوضح له الامر
فأنت في ردك قلت لها

نقولك ربي يهديك

أنتيا ماشي هو

الا وضحت لنا سبب قولك لها هذا الكلام ؟
اما اننا نتحدث وخلاص
ثم اني آراك قد اعدت نفس الكلام

المشاركة الأصلية كتبت بواسطة مراد سابقا2

المشكل فيك أنتي أختي وليس فيه

ربي يهديك

ننتظر تفسيراً لكلامك

[السيدة كرمين]

انصحك بفسخ الخطبة
ان كنتي مؤمنة وتصلي صلاتك في أوقاتها فقلبك دليلك
وماحدثتك به نفسك هو الصواب وربي يعوضك ويعوضوا
خبري اهلك بقرارك بعد الاستخارة

[khadidja1988]

ادعي لربي وهو لي فرج كل الهمومومهما كانت كبيرة

[الفاتحة]

حاجة واحدة مفهمتهاش هي انو خطيبك قبل ما تفسخي الخطوبة كان ناس ملاح فوق مانصورو ايمالا علاش فسختي الخطبة ، وفرضا حدثت بعض الامور اللي ماعجبتكش علاش الملاحة الكبيرة تاع خطيبك ماشفعتش عندك ، وزيد دام رجعت ليه كان من باب اولى تبدلي العقلية تاعك وتحاولي تعدلي من روحك في نقاط اللي كانت سبب المشاكل ، و حاولي تصبري لانو كل الامور اللي تحكي عليها تافهة جدا الهنا موش في كسوة العيد أو الحوايج اللي يجيبها ، شوفي روحك إذا كنت تحبي الماذة وما تصبريش على العيشة معه افسخي خير لك ونزيد نقولك حاجة القيمة أنت اللي ديريها لروحك وانت اللي تعلمي الناس كيفاش تقدرك وتحترمك وصدقيني كيما يطيح القدر بين زوج راه صعيب بزاف يرجع عموما ربي يسهلك ياختي ويفرج عليك

[ام محمد انيس]

اختي الحبيبة يقال في ديننا التمس لاخيك 70 عذرا بالنسبة لمشاكلك اعتقد انها ليست تافهة كما يقول البعض لكنك ربما لا تحسنين التصرف بالنسبة لخطيبك اذا كان المشكل في الماديات والمظاهر فدعك من هذه التفاهات فلكل وجهة نظر وما هو حقير في عينك قد يكون ذو قيمة بالنسبة له اما ما يخص معاملته لك فانت ادرى بذلك هل يقيمك ام يحتقرك وهنا يجب ان تاخذي موقف لانه اذا كان فعلا يحتقرك لا اقصد ماديا طبعا فعليك مناقشة الامر معه حول ذلك . اما بالنسبة للوالدة والاخوات فليس مشروط عليهم ان يحبوك ولكن اعلمي ان العشرة قد تبين وتغير اشياء كثيرة فان لم تبادليهم الكره والحقد صدقيني سوف تكسبينهم مع الوقت مع انه من يهمك بالدرجة الاولى هو الزوج خلاصة القول راجعي نفسك وابحثي عن اخطائك ان وجدت وناقشي كل ذلك مع خطيبك مع الاستخارة طبعا فان كان فيه خيرا وفقكم الله وان كان العكس فالله يوعضكم بما هو خير

[ٱولادي ٱحبابي]

صلي صلاة الاستخارة و اذا شاف ربي فيه الخير اكي تكملي معاه و اذا ماشافش فيه الخير راكم تتفارقو ذرك خير من بعد مايقع الفاس في الراس ربي يجيب الخير يا ربي

[Jin]

انتي لم تقولي لماذا إنفصلتم ثم رجعتو ...و لكن من خلآل كلامك حسيت ب أنانيه نوعا ما
اخووه رح يتزوج و يعاونه هذا شيء لآ يخصك يعاون خوه و يزيد عذرا منك
...و ملابس العيد و الماديات هذيك أختي صدقيني لآ يوجد شيء دآيم الألبسة تتلبس و تتقطع و تروح ماشي رح دووم اللي يدوم هو الإنسان
و لكان ماجاش إنسان مليح و شاريك عمرو مآ كآن يفسخ الخطبه و يرجعلك إذا كآن خاطيه البنات و الشراب و السرقه و إنسان خدام لاباس بيه ما تفرطيش فيه ..عمرك26سنه
و زيد أمه و أخواته هاذي حاجه منظنش مشكله كبيره نتي اللي تعرفيي كيف تتعاملي معآهم حبوك و إلا كرهوك المهم زوجك
.........كوني رزينه و دعكي من التوافه و ربيي يجيبلك اللي فيه خير إن شاء الله

[samira135]

المهم خطيبي دائما قبل ما نرجع ليه كان معايا ناس ملاح فوق ما تتصوروا

لانك ماقدرتيش هذا الشيء هو قرر يبدل العقلية باش لمرة الجاية تعرفي حدودك مش تتلاعبي بـالراجل

و زيدو خوه راح يتزوج ايعاون فيه بكل ما يملك

هذا خوه من واجبو يساعدو وانتِ ماكيش متزوجة بيه و تتدخلي بينو وبين خوه مالا كي تتزوجي بيه واش ديري !!! وزيد خوه أولى من وحدة ممكن تكمل معاه و ممكن تنفصل لاسباب تـــافهة ؟؟

وكان جيتي صغيرة نعذرك مي راكي كبيرة ما شاء الله