هل صحيح أن القبائليات

[مراد وهراني]

لدي سؤال لانني سمعت الكثير عن نساء القبائليات

هل يشترط أهل العروسة الذهب على العريس وهل يغالون القبائليون في مصاريف الزفاف

انا اطرح هذا السؤال لأنني سمعت كتيرا ورايت احد ردود الاخوة هنا قال ان القبائليات لا يشترطون الذهب على الرجال

انا للأسف حالتي المعيشية متواضعة واريد ان اتزوج ولكنني اجد صعوبة في جمع مصاريف الزواج حاليا

لانني اشتريت به شقة من غرفتين و مطبخ

ارجو الافادة من اخواني القبائليون رجال او نساء

هل المعلومة صحيحة

[sali-sali]

السلام عليكم

مانيييييييش قبائلية و لكن زوجة اخي قبائلية

لا يشترطون الكثير في المهر

لكن انا تبانلي و حسب ما شفت انهم بعد الخطبة يبداو بالشوية يبينوا في طلاباتهم
والله اعلم ان شاء الله يفيدوك باقي الاعضاء

و كاين ولايات بزااااااااف لا يشترطون الذهب خاصة في الغرب

[alilho]

نعم صحيح أخي

وخاصة في تيزي وزو في القرى و الدشرات

لان هؤلاء مازالوا يتمسكون بالتقاليد والاعراف

وليس لديهم تكالب على الدنيا
توكل على ربي وأنضر حولك من اقاربك ربما تجد قبائلية تكون لك نعم الزوجة

الله يهنيك أخي

[the traveler]

نعم اخي هذا صحيح
لدي صديق من المسيلة يسكن هنا في العاصمة لديه 2 اخوة جابو قبايليات من تيزي وزو
و هو عنده عامين منذ تزوج جابها قبايلية من بجاية
لتلك الاسباب ايضا
و الله اعلم

[thawizat]

نعم أخي نحن لا نشرط لا ذهب ولا هم يحزنون و مكاش منها جع هاذي أمبعد يشرطو ، واش تفهمتو عليه هو هذاك كلمة رجال إرgازن
لدي قريبتان تزوجتا من قريب ، أقصى ما أحضره أزواجهم خاتم
و في الماضي القريب كان المهر رمزي جدا و هو 10 دج ثم يقدم الرجل ما يستطيع
و شعارنا هو كما تقول جدتي لهنا يغلب لغنا
والله تقريبا هذا هو الملاحظ عند الأغلبية الساحقة من القبايل سواء في تيزي أو بجاية أو البويرة
لكن بلاك تلقى كاين حالات خاصة
أرجو أن تكون نيتك صالحة ماشي غير على خاطر ميشرطوش دهب , ربي يسهلك و تلقى زوجة صالحة

[سَـآجدة]

السلام عليكم ورحمة الله

أولا أنا لست بمعرفة في هذه الاشياء
ولكن لأخبركم ان منطقتنا نحن في تيزي وزو
يشتهر ناسها بأنهم لا يشترطون إلا كما نقول *** الهناء**** ولكن بشرط ان تكون مصاريف العرس من العريس

تقبلوا مروري

[King.josef]

المشاركة الأصلية كتبت بواسطة thawizat

نعم أخي نحن لا نشرط لا ذهب ولا هم يحزنون و مكاش منها جع هاذي أمبعد يشرطو ، واش تفهمتو عليه هو هذاك كلمة رجال إرgازن
لدي قريبتان تزوجتا من قريب ، أقصى ما أحضره أزواجهم خاتم
و في الماضي القريب كان المهر رمزي جدا و هو 10 دج ثم يقدم الرجل ما يستطيع
و شعارنا هو كما تقول جدتي لهنا يغلب لغنا
والله تقريبا هذا هو الملاحظ عند الأغلبية الساحقة من القبايل سواء في تيزي أو بجاية أو البويرة
لكن بلاك تلقى كاين حالات خاصة
أرجو أن تكون نيتك صالحة ماشي غير على خاطر ميشرطوش دهب , ربي يسهلك و تلقى زوجة صالحة

ما شاء الله عليكم

اامالا نديها قبايلية ههههههههه

[khawlita.dz]

اسمع بهكدا كثيرا
لكن تقدم احد اقاربى لخطبة فتاة قبائلية فقالو له قدما لها ماتقدمون لبناتكم
و هدا ما كان مهر+دهب و بقية التقاليد يبقى الموضوع نسبى وفقك الله بالحصول على مبتغاك
و امراة تكون لك سندا بحياتك فى دينك ودنياك
لكن جال بخاطرى سؤوال ولا اشاء ان اضايقك
الا يهمك من تكون شريكة حياتك يعنى شكلا و مضمونا هل المهر و المصاريف هى كل المشكلة
اؤكد سؤوال فقط خطر ببالى فان اردت ان تجيب فمرحبا والا فالامر يعود اليك
احتراماتى

[كاميلا]

والله يا اخي عن تجربة في عائلتنا
المهر ميشرطوش خلاص بصح الذهب يتشرطو فيه مي من بعد العقود يبداو الطلبات انا اخي راهي عراتوا غير الذهب وجات وجابت معاها غير فاليزا وزيد في الاول يبينولك الدنيا وردي منشرطوا والو ومن بعد يبداو يحلبوا في النقود وعندهم طرقهم الخاصة في ذلك هي في الاصل من تيزي وزو وهم من بجاية الشيء اللي قلق اخي انه لو كانوا صرحاء من البداية يعني ماش حتى يجبدوا ولاد الناس يوليو يبدلوا رايهم وهذا مش لاخي برك صرا للعديد من ولايتنا واللي تقوله جبت من القبايل يقولك يا لطيف نقصلوا في الطول زيدلوا في العرض وزيد بنتهم ميصرفوش عليها خلاص حتى حق الحلاقة والروب من عند اخي كلش دار كاملة من عندوا مفروشة هذا كامل ومكفاهمش من ورا العرس الفرح اللي لموا منعرف كيفاش قنعتوا وشراهم ذهب ليها

[Basketteuse]

انا خويا تزوج قبائلية من الدشرة ، قالهم راني قيس روحي ماعنديش ،قالو هيه مسمحين حتى في الجهاز واتفاهموا ، من بعد احنا حبينا نكبرو بيها درنالها الجهاز ولاو يتشنفو وقالولنا ماعجبهمش، وامبعد ماعجبتهمش غرفة النوم تاعها ولاو يريكلاميو ، وقالولنا بنتنا كيفاه راح تعيش ؟ بالرغم من ان اهلها هم لي خطبو اخي ماكانش يعرفها ..........وماخفي كان اعظظظظظظظم
ننصحك خويا فتش على بنت الاصل قبائلية او صحراوية لانو ،مصاريف العرس مرحلة وتفوت ،

[ابو اكرام]

السلام عل يكم والله انا عندي وليد خالي خطب قبايلية شرطولوا 15 مليون والذهب شرطولوا سلسلة وقوغمات خيرتهم ب17 مليون وخاتم ومزال تبروفيتي وين تعود رايحة تشري الجهاز ابعثلي حق الطاكسي والفليكسي وخليك مرت خالي راحا تهبل قالتنا ماخلاتوش يلم دراهم العرس مي الواحد مايظلمش مش كامل الناس كيفكيف يقولوا ناس البويرة مايشرطوش وربي يوفق

[بلقاسم 1472]

المرأة الصالحة تبدأ المسيرة بتيسير التجهيز، وكذلك الرجل الصالح يطلب في المرأة دينها وأصلها وليست المال والجاه والحسب
أما البذخ والمباهات فتلك مصيبة الفراق
كثير من البيوت هدمتها الديون والمصاريف الزائدة
والله المستعان

[الواثق]

اظن ان هذا موجود
لدي ابناء عمي متزوجين من قبائليات وماشاء الله لم يثقلو عليهم ابدا
حتى ان القبايلات تلقاهم يجيدون العمل وخدمة الزوج ماشي كي بعض الحوريات لي عندنا عمرها 30 وماتعرف والو ومازالها صغيرة وراهي لاتيا بالقراية والخدمة ؟؟؟
والله المستعان

[" أبو عبود"]

ابن خالتي تزوج قبائلية 19 سنة مثل القمر ولم يشترط فيه شيء غير الصلاة وخدعهم فو لا يعرف القبلة هههههههههه ودفع لهم ما اراد وقد اقامت معه بالبادية وعملت معه في نقل اطنان من الحجارة لانشاء سد في الصحراء وسكنت معه من قرية الى قرية وهو في الف نعمة.
ابن خالي مؤخرا تزوج طبيبة قبائلية من عائلة ثرية دفع ما اراد ولم يشترطو عليه درهما ولا ذهبا. واظنه دفع 10 ملايين وخاتم. وهو في الف نعمة.
اخي مثلك يلزمه قاورية خاتم في الكنيسة ثم انتى كل شيء ههههههههههه لا شرط لا هم يحزنون. لان الزواج اصبح حراما في بلادنا. نفاقت تصل الى 70 مليون هل يعقل هذا؟ 70 اقل عرس وهناك من يصل الى 200 مليون.لم يعد لدينا زواج بل مشروع تهديم
لهذا قال المثل الشعبي" اللي ما بنا ما عرس ما يقول مالي تهرس" مبروك عليك التهراس مسبقا اخي والعقبة للي مزال ما تهرسش ههههههههههههههههههه ربي يهرسكم قاع لكن ببنات فاميليا اليل تعوضك عن كل درهم جابلا من السعادة

[كاميلا]

وعملت معه في نقل اطنان من الحجارة لانشاء سد في الصحراء

هاذي واقيلا حمقاء ماهيش نورمال ههههههههههههههه تهزلوا لحجر والله ربحت حمارة تاعو والا كيفاش ؟ هكذك الطنهة تجيبها في صحتها كي يتكسر مسلانها يرومبلاسيها بزوجة ثانية سع تطفر فيها هي هذه مبالغة ومن الغباء
مالا تحوسوا عيلها داية منين تمشيها تمشي