عاودت صورتلكم الموسكوتشو ديالي جربوه وادعولي

[chiraz16]

مساء النور حبيباتي جبتلكم. اليوم موسكوتشو ديالي بدون اطالة اليكم المقادير
المقادير*

-180 غ فرينة سفينة الخاصة بالحلويات مصيرة
-2 ملاعق اكل مايزينة او لحظة
-كاس الا ربع اتاع قازوز زيت
-كاس اتاع قازوز سكر
-2 خمارة حلوى
-قرصة ملح
- فانيلا او زاست برتقال او ليمون
-5 بيض حجم كبير او 6 حجم صغير
التحضير*
اشعلي الفرن على درجة 180
في خلاط كهربائي خلطي البيض قليلا مع قرصة ملح اضيفي السكر بالتدريج ثم ابقاي اتضربي حتى يبيض الخليط ويدوب السكر(هدا هو سر الموسكوتشو باش تجيك مليحة ) امبعد اضيفي الزيت وخلطي ثم اضيفي خليط الفرينة والمايزينة والخمارة والفانيلا بالتدريج لاحتى تتحصلي على خليط سائل نوعا ما وادا حبيتيها اتجي ثقيلة شوي زيدي الفرينة حوالى 2 ملاعق ثم صبي الخليط في مول مدهون بالزبدة ومرشوش بالفرينة قطرهحوالى23الى24 سم وادخليها الفرن من الاسفل مدة حوالة 20 الى 25 د حسب نوع الفرن تعرفي بلي طابت من ريحتها او انكماشها من المول واحمرار اطرافها وادا حبيتيها دهبية اكثر من فوق اشعليلها من فوق بصح بالاكي تفتحي عليها الباب طلي عليها غير من الباب كي تكون تطيب مام كي تكمل وتطفي عليها خليها ماتخرجيهاش حتى يبرد الفرن وشهية طيبة واي استفسار انا في الخدمة

[oumraja]

يعطيك الصحة أختي ما شاء الله ناجح

[كريمة الجزائرية 48]

بارك الله فيك اختي وجزاكي كل خير مشكوووووووووووووووووووووووورة

[زهرة الروابي]

رائعة جيدا مشكورة اختي

[أ م ساجد وسيم]

الله يبارك شببااااااب

[amel62]

شكرا ربي يجازيك

[chiraz16]

مشكورات حبيباتي ربي يجازيكم خيرا

[فاتي 05]

4444444444444444444444444

[معتزة بديني]

روووووووووعة

[La reine Nour]

44444444444444444444444444 4444444444444

[fofa08.ss]

ماشاء الله اختي

[chiraz16]

المشاركة الأصلية كتبت بواسطة fofa08.ss

ماشاء الله اختي

ربي يحفظك حنونة

[مطيعةالله]

الله يبارك راهو ثلاث اضعاف الموسكوتسو تاعي دائما نحلم يخرجلي كما هك بصح جامي اسكو حتى المول يلعب دور ولا لالا.

[chiraz16]

المشاركة الأصلية كتبت بواسطة مطيعةالله

الله يبارك راهو ثلاث اضعاف الموسكوتسو تاعي دائما نحلم يخرجلي كما هك بصح جامي اسكو حتى المول يلعب دور ولا لالا.

يبارك فيك حنونة كنت كيما بحالك الموسكوتشو يجيني ماشي طالع او مشمخ ملداخل رغم اني كنت نتبع الخطوات بدقة كنت كي نشوف الموسكوتشو اتاع لوستي يعجبني بزاف تبعت قاع كيفاش ادير وعرفت الغلطات اتاوعي وصلحتهم وهي****
- بدلت المول كنت ندير فالمول كيما هدا


هدا يحرق الموسكوتشو من تحت
وليت ندير في كيما هاد المول


- وليت ندهن المول بالزبدة ونرشو
- وليت مانستعملش الحليب في المقادير
- وليت مانستعملش فرينة الميزان خرجت عليا وحد الفارينة هي فرينة سفينة خاصة بالحلويات مرسوم عليها كعكة من فوق
- وليت نخلط البيض والسكر مليح حتى يولي لونه ابيض ويدوب السكر وهدا هو السر
-وليت مخلط اللخليط في الميكسور ماشي في الروبو كيما هاد الميكسور




نتمنى نكون افدتك وتنجحي كيما انجحت انا واي سؤال انا في الخدمة جربيه ورديلي الخبر على فكرة اشعليلو الفرن قاوي كي تبداي تخلطي الخليط اي واحد 15 د من قبل وكي اتدخلي المول نقسيلو 180د باش تطيب بعقلها واحد ةالساعة كحد اقصى ومن الافضل تطيبيها في فرن عادي وليس كهربائي

[مطيعةالله]

الله يفتح عليك يا أختي انشا الله رايحة نتبع نصائح والمول ديالي كما النوع الاول لصورتيه انشاء الله كنخرج نشري المول كما ديالك و نجربو بارك الله فيك كنعتيلي الاخطاء اوالاسرارتاعوا على خاطرش كل حاجة عندها اسرار نجاحها.