ميني كيك *كواترو-كواترو* اقتصادي و سهل و بنين * خاصة للمبتدئات ღ :)

[« أبْجَدِيَّاتْ »]

مساكم بالخير يا طيّبات
هاد الوصفة هزّيتها على الشّيف أحمد القاضي، غيّرت فيها و جرّبتها و حبّيت نفيدكم بتجربتي
خاصّةً للمبتدئات (كيما انا ) ، وصفة ساهلة و بسيطة و مقاديرها اقتصادية ، و النتيجة حقيقةً طعم سَاحر جدًااا

بنّة و هشاشة و شكل جدّ جميل





المقادير : ( 20 حبّة )

100 غرام سكّر أبيض عادي
100 غرام زبدة مُذابة و دافئة بدرجة حرارة الغرفة
85 غرام فرينة
1 ملعقة كبيرة كاكاو
2 بيض ( حجم كبير )
50 غ شوكولا سوداء ( قطع صغيرة )
ربع ملعقة صغيرة فانيليا بودرة ( إختياريّة )
ثلث ( 1/3 ) ملعقة صغيرة خميرة حلويات
Moules en papier * قوالب ورقيّة

ملاحظة : تقدري تستعملي مضرب البيض أو الخلاط الكهربائي ،

1● اخفقي البيض مع السكر حتان يبياض و يشكّل رغاوي
2● أضيفي المكونات الجافة : الفرينة + الكاكاو + الفاني + الخميرة و استمري في الخفق
3● لماّ تلاحظي أن المزيج تجانس صُبّي الزبدة مع الخفق بسرعة




القوام النهائي يجي سائل و يتلاصق ، و لازم توزّعيه مباشرةً على القوالب الورقيّة لأنّو يجفّ بسرعة
أمّا اذا خرجلك جافّ ( يعني استعملتي أقلّ من 100غ زبدة ) زيدي شويّة حليب و امزجي ( قدر 2-3 ملعقة ك )




4● الآن : كيفيّة ملء القوالب :
في كلّ مول حطيّ ملعقة ك من الخليط ، ثم قطعتين أو 3 شوكولا سوداء في المنتصف
ثم ملعقة كبيرة ثانية من الخليط تغطّي بيها الشوكولا ، بحيث ما تعمريش المول تمامًا ، فقط الثُّلُثَيْن منه ،
وإلى الفرن مدّة 12 دقيقة على 200 درجة مئوية







وهذي النّتيجة




شوفو كيفاش شكلو متحوف و لونو يهبّل













تقدري تزيّنيه كيما تحبيّ ، ( أنا ذرّيت عليه شوكولا فارميسال )




ان شاءالله يعجبكم خاصّة أنو ما يكلفش وما يديش الوقت والجهد
وفي انتظار تعليقاتكم بشغف، نهاركم طيّب

ღ ----------------------------

شهادة أخت مصريّة

https://forums.fatakat.com/showpost.p...2&postcount=21

[mounia hse]

الله يبارك روووووووووووووووووووعة يعطيك الصحة

[lamia zina]

تبان خفيفة بصح شكون شيف احمد القاضي

[*نآدرة~]

هالة المبدعة يعطيك الصحة خرجلك هايل راني ديت كامل الحبات شربت بيهم القهوة
ربي يخليلك ذوك اليدين راكي شاطرة تاع الصح،ماشاء الله عليك
ان شاء الله نجربو كاش نهار ونقوقلك كيفاش خرجلي بنين
يعطيك الصحة

[أم إناس]

رووووووعه يعطيك الصحه وبيان. بنيييييينه

[ابداع جزائرية]

جمييييييييييييييييلة يعطيك الصحة حبيبتي

[ابداع جزائرية]

المشاركة الأصلية كتبت بواسطة ~الشّذى الفوآح...

هالة المبدعة يعطيك الصحة خرجلك هايل راني ديت كامل الحبات شربت بيهم القهوة
ربي يخليلك ذوك اليدين راكي شاطرة تاع الصح،ماشاء الله عليك
ان شاء الله نجربو كاش نهار ونقوقلك كيفاش خرجلي بنين
يعطيك الصحة

لالا اااااااااااا اختي خليلنا وحيدة
هههههههههههههههههه

[الأمنيات]

اتمزحين اختي ابجديات مبتدئة وكل هادا الجمال حلوة تشهي تبارك الله

[mojab]

شهتني دوك انود وندرهم

[*نآدرة~]

المشاركة الأصلية كتبت بواسطة ابداع جزائرية

لالا اااااااااااا اختي خليلنا وحيدة
هههههههههههههههههه

ابداع سبقتك،لوكان جيتي بكري
ايا معليش راني نخليلك وحيدة تفطري بيها غدوة الصباح

[samira15]

هايلين اخمي بصحتكم.

[« أبْجَدِيَّاتْ »]

المشاركة الأصلية كتبت بواسطة mounia hse

الله يبارك روووووووووووووووووووعة يعطيك الصحة

الله يسلمك حبيبتي مونيا
فرّحتيني و شرّفتيني بأوّل ردّ
جزاكِ الله خيرًا

[« أبْجَدِيَّاتْ »]

المشاركة الأصلية كتبت بواسطة lamia zina

تبان خفيفة بصح شكون شيف احمد القاضي

صح يجي خفيف على المادلان
الشّيف أحمد القاضي يقدم عادةً برامجه على قناة النّاس وقناة النّيل للأسرة والأطفال
و هاذي القناة الخاصّة به على اليوتوب ، عندو وصفات هايلة :
https://www.youtube.com/playlist?list=PLE9BAFCF80437F62E

شكرًا على المرور الطَّيب أختي لامية

[« أبْجَدِيَّاتْ »]

المشاركة الأصلية كتبت بواسطة ~الشّذى الفوآح...

هالة المبدعة يعطيك الصحة خرجلك هايل راني ديت كامل الحبات شربت بيهم القهوة
ربي يخليلك ذوك اليدين راكي شاطرة تاع الصح،ماشاء الله عليك
ان شاء الله نجربو كاش نهار ونقوقلك كيفاش خرجلي بنين
يعطيك الصحة

يا فرحي شكون زارني اليوما ، ألف ألف مرحبا بأحلام الغالية
شحال فرّحتيني بطلتك الحلوّة هاذي ربيّ يحفظك و يستر عليك أختي العزيزة
و بصّحتك القاطو و القهوة، مش خسارة فيك والله، راكي تعرفي مكانتك عندي بلا مانقولها
تحبي تزيدي نخدملك صينيّة أخرى و نبعثلك
ان شاءالله ياربي تعمليه و يعجبك حلّومة
وما تنسايش تخبريني

[« أبْجَدِيَّاتْ »]

المشاركة الأصلية كتبت بواسطة أم إناس

رووووووعه يعطيك الصحه وبيان. بنيييييينه

تعيشي حبيبتي أمّ إناس،
ربي يحفظلك البنوتة الصغيرونة و تفرحي بيها ان شاءالله
نورتي