ممكن حبيباتي مسااااااااعدة

[محبة الدعاء]

السلام عليكم حبيباتي من فضلكن اريد منكن مساعدة بخصوص الحلويات تعلمت منكن اخواتي بعض الحلويات وطبقت وصفاتكن وخاصة اختي ام اماني وصورتهم لكن لم استطيع ان احملهم لكي ترون تطبيقاتي ومن ذاق حلوياتي عجبتهم وطلبو مني نصنع لهم الحلويات وانا صراحة لا اعرف كيف يتم حساب القاطو وحق عملي ولا ثمن حبة القاطو لهذا اطلب منكن حبيباتي ان ليس فيه احراج ان تنوروني
هل لكن مساعدتي........

كم هي حبة القطو باللوز وخاصة قاطو البيظة
...............قاطوالنواد كوكو وان كان على شكل بيظةبكم
..............الكوكاو
..............المقروض
.................الصابلي
........................القاطو المعسل
...........................القاطو بالقلاصاج
.............................الغريبية
..............................

[oum anas 69]

إن شاء الله يدخلو ذوي الإختصاص و يجاوبوك للأسف مانعرفش

[عطرالذهب]

اختي انا نخدم القاطو بالدراهم ونقوللك بلي نحسب على التعب نحسب الحق السلعة +التعب اذا ما يتعبش قد السلعة قد التعب يعني السلعة ب100000 والخدمة ب100000بلا مانحسب قداش من حبة طيحت
انواع اللوز او الكاوكاو المعسلين زي السكندرانيات نخدم بالحبة يعني خدمة الحبةب3000واذا 100 حبة الخدمة فقط ب300000 وزيديلها حق السلعة راهي تختلف من لوز الى كوكاو بالصح الخدمة هي هي
البقلاوة البلا نتاع كيلو كاوكاو نبيعو ب 135000واذا باللوز نزيد حق اللوز في بلاصة الكاوكاو يعني لوز اوكاوكاو الخدمة بنفس السومة نغير فقط في حق السلعة

[iman dadou]

انا نخدم القاطو للناس بصح نحسب حق السلعة حق الخدمة تاع يدي وكل نوع حسب مكوناتو

[mistral288]

السلام عليكم اختي عندي شهرين ملي شريت قاطو لنفاسي واحد باللوز يدير 3500 وحلوى السيار 2500 ووحد النوع ما يطيبش الحبة ب 2500 ثاني للعلم السلعة من عندها

[lahna moka]

أختي عندي صاحبتي تخدم القاطو و تبيعو و الأسعار تفضلي للكيلوغرام الواحد بالضبط
الحلويات الجافة مثل البوتي فور و الصابلي ,,,الخ تديرو ب 500 دج
الحلويات المعسلة التقليدية كالمقروط و الحنيفيات و القريوش تحسبو ب 600دج
الحلويات بحشوة الكاوكاو 700 دج
الحلويات الشرقية كيما السكندرانيات و المظفورة و غيرها بحشوة الللوز 1300دج
نتمنى أفدتك حبيبتي