ربي يخليكم ساعدوا ابنتي صفاء

[ام حاتم]

بسم الله الرحمن الرحيم**السلام عليكم و رحمة الله و بركاته اما بعد /////ابنتي صفاء تبلغ من العمر عام و خمسة اشهر منذ شهرين ظهرت عند جفنها تحت العين مباشرة حبة ----ما يعرف بالتلال----ولم تختفي مند شهرين اخدتها للطبيبة قالتلي بالداريجة ///اذا عندك العرف في lopital يكووهالها سقسيت بزاف ناس قالولي ماتتقلقيش عليها بالاك تمشي بوحدها نتمنا من اهل الحكمة و الخبرة يعطونا رايهم انتظر الرد ربي يرزقكم الجنةةةة

[kari yacine]

اختي هل تسيل بالدم اذ ا لقفتها انا كانت بنت اخي ك دارت شهر

ظهرت تحت الجفن شيء احمر و ك تسيل بالدم تكبر شوية

و داك العمر تبوجي بزاف فالنهار تسيل بالدم اكثر من مرة

و جرينابها حتى لقينا جراح كواها وعير هداك لي نحاه

ك كان عندها3اشهر وفرح لان اول مرة يخدم رضيع

ما تستهزايش و شوفي في المستشفى لي عندكم

[lola22]

سلام اختي
ياك حبة لونها ابيض ؟
باسكو انا ثاني كانت فيا وحدة تحت العين
مي مع الوقت راحت عليا وما درتلها والو ... ننصحك ما اديري اي حاجة بلا ما يقلك الطبيب باسكو العين صعيييبة بزاااف
ربي يشفيهالك..

[ام حاتم]

السلام عليكم شكرا على الرد بالنسبة للحبة لونها مثل لون البشرم ماشي حمرا بصح هاذي شهرين كبرتلها شويا و حبس النمو نتاعها شوف خوفوني مين قالونا واعرا من جاتها في العين و الله اعلم شكرا على الرد

[ام حاتم]

السلام عليكم اختى ربي يحفظك والله لرنا نخافوا من السبيطارات خطراتش ما عندك والوا يقولولك مرض كامل مكانش سرات لبزاف ناس منهم خويا عام و نص و هو يشرب في واحد الدوا les corticoyid حتى ولا انسان وحداخر من بعد ديناه ل دزاير قالونا الطبه حبسوله الدوا معنده والوا النتيجة خويا مشاتله صحته و طبة قاعدين يعاودو نفس الغلط مع الشعب غير ل ربي رحمه مرانيش باغيا نطيح في نفس المشكلة ربي يحفظكم طولت عليك ختي

[kari yacine]

الله يشافي اختي حنا درناهالها في وهران و هدي مدة 8 سنوات

والحمدلله والعقوبة لابنتك

[أم رمزي]

ا[b]

السلام عليكم و رحمة الله و بركانه

[size="7"]ماتخفيش يا أم حاتم أنا ثاني دارتلي وحدة في منطقة من جسمي و كبرتلي شوية عندها بزاف , و راني بها ما رحتش حتي عند طبيب ,

لاكن خفتي اسشر طبيب خاص , و ربي يجعلها الشفاء .

[/b][/

size]

[أيمن عبد الله]

موجودة طيبية المنتدى أم مازن في قسم الطب شوفي الصفحة الأولى للمنتدى تجديه

أطرحي عليها سؤالك وفهميها امليح هي طبيبة أطفال

كان الله في عونك

[ام سارة ورقية]

هل الطبيبة قالت لك ان الحبة اسمها شالازيون
تجي تحت الجفن السفلي وتكبر بالشوية كي تشوفي الجفن من داخل تكون بلاصتها حمرا بزاف
بنتي كانت مريضة بيها لكن مع الدوا والمتابعة الحمد لله برات منها
رب يشفي بنتك

[ام حاتم]

السلام عليكم ***قالتلي الطبيبة اسم الحبة الثولال و الله اعلم لونها عادي ماشي حمرا *

[أم محمد تاج]

حبيبتي أم حاتم والله حاسة بيك حاجة كي تمس فلذات الكبد تمالكي روحك حبيبتي واستشيري أطباء آخرين اختصاصيين في مرض العيون وشوفي رأي الأغلبية وماتديش بنتك للمستشفى راهم يزيدو يأزمو الوضع
حبيبتي راني ندعيلك هذا مانقدر وطمنينا ربي معاك ويشف بنتك

[ام حاتم]

بارك الله فيك ام محمد على ردك ربي يحفظك انشاء الله

[oum yahya]

ولدي ثاني صراتلو كيما بنتك قاتلي جداه احكمي 7 حبات قمح و دوريها لى عينه 7 مرات على اليمين و 7 مرات على الشمال وطيشيهم يعني لوحيهم في مكان فيه الزرع و الحشيش و خلاص جربيها واش راح تخسري تاع الجدود

[ام حاتم]

شكرا ام يحى على مرورك الطيب////نجربها باذن الله

[zineb hanifa]

اذا كانت هذه الحبة ثلالة خذي قشرة بصل او...قطعة بصل.و ضعيها في كاس وغطيها بالخل واتركيها من الصباح حتى للمساء عندما تنام ابنتك خذي قطعة البصل وثبتيها على الثلالة بواسطة.شاش او سبغادغا واتركيها حتى للصباح.

كرري العملية حتى تزول الثلالة باذن الله الشافي المعافي.