حياتي بعد الفراق

[مشكلتي]

مرحبا

انا فتاة متخرجة والحمدلله كنت مخطوبة من شخص اعشقه وكان حلم من احلامي ولكنه تركني منذ5 شهور تجاوزت تلك

المحنة وتأقلمت بحياتي بعيدا عنه ولكنني لم انسه ولن انساه لانه كان كل شيئ تمنيت رغم انه سيئ السمعة

الا انني احبه ورغم انه جرحني وكذب عني وتركني بلا سبب وكلت عليه ربي وعارفة قدر الحزن الي سببهولي

الا اني مزلت متفكراتوا ونكنلو المشاعر لخاطر هو الوحيد في دنيتي الي عطاني الاهتمام اللي نحوس عنوا

هوالوحيد الي عشت معاه سعادة لان حياتي قبله كانت حزن وبعده حزن كانت فترة جميلة وكان ركن صغير من حياتي اسميته سعادة

المهم فات الي فات وراني في الحاضر ؟؟ الحاضر الي منيش عارفة وشبيا فيه ..يعني انا بعد ما عشت الالم والحزن على فراقوا وخلاص
دك راني خليت صلاتي وخليت الاذكار بعد ماكنت مداومة عنهم والادعيه وخليت كل شي بلا سبب وليت كارهة

من الحياة مش على فراقوا لالا؟

انا وحدي بلا سبب كرهت كل شي ومعادش يهمني شي وليت فاشلانة ديما وملانة وكأنني حجر
منحسش

بلاك تضحكو عني بصح والله راني نحكي في الحقيقة رحت لطبيب نفسي عطاني تيزانة تاع القلق والحزن وقالي ولي بعد 10 ايام ومنبعد بدلت رايي وقلت منروحش ليه لخاطر حتى هو مفهمنيش ومش رح يفهمني

حابة نروح لمكان بعيد مفيه حتى احد كنت كي نتفرج مسلسل حزين متابعاتوا كنت نبكي بصح دك وليت منبكيش وليت منحسش بحتى شي ساعات راي نتفرج ونلقا فاتوني لقطات وانا مش حاطة

ياربي وش بيا

[أمة الله 12]

انتي تعانين من الفراغ, اجعلي لنفسك هدفا تسعين من أجله,

نصيحة, لا تعلقي سعادتك بشخص أو شيء ما,

احمدي الله كثيرا و اقنعي بما يأتيكي تكونين أسعد الناس

[jomana jiham]

يا أختي غير مرحلة و تفوت يجي نهار ربي يعوضك احسن منه,

راني حاسة بيك,أنت حتمتي على روحك باش تنسي كل شيء و صبرتي على حاجة صعيبة,و حاولتي ما تحسيش و ربما منعتي نفسك من البكاء و درك ما غاديش حاجة تاع والوا تبكيك و لا تزعفك,ما عليش نضن هذه حاجة ايجابية.بصح لازم تغيري تفكيرك باه تقدري تنسي,انت قنعي روحك بلي تقدريي تنسي,لازم تكون عندك تقة بالنفس و ايمان بالله.

و دعي ربي من قلبك و حاولي تخلي ايمانك بالله أقوى من كل شيء...

انت داوي نفسك بنفسك و الطبيب ما عنده ما يديرلك..

أكثري من الصلاة و الدعاء و راح تكوني بخير باذن الله.

[hodahodahoda]

اعطي لنفسك فرصة للنسيان
ثم كملي حياتك
راهو راح خلاص

[hamdanhamdod]

نساي مابقاش حب في هاد وقت وعمري فيد بكل وسيلة ممكنة بلطبع في مرضاة الله

[غربة أهل السنّة]

السّلام عليكم و رحمة الله و بركاته
ماذا ستفعلين برجل سيّء السّمعة؟ و ماذا ستفعلين برجلٍ كذّاب؟
لعل تركُهُ لكِ فيه خيركثير و أنت لا تعلمين
لا تبحثي عن من يفهمك في دنياك بل إسألي الله تعالى أن يرزقك من يحرص على دينك حرصا شديد و يأخذ بيدك للجنّة
هل تظنّين أن بكاءك مع المسلسل يدلّ على إحساسِك المرهف؟ أنت مخطئة يا أختي
البكاء الذّي يريح القلب يكون عند تلاوة و سماع القرآن أو من خشيةِ الله
عودي إلى صلاتِك يا أختي و لا تفرّطي في أذكارك و أكثِري من قراءة القرآن الكريم
و الله لن ينفعك خاطب و لا زوج و لا صديق
سوف ينفعكِ إلّا عملك الصالح يوم القيامة
لذلك إذا كنتِ تعرّفت على هذا الخاطب السّابق قبل الخطوبة أو تكلمتِ معهُ في فترة الخطوبة أنصحك بالتوبة إلى الله تعالى ,, فالله تعالى لا يُبارك في تلك العلاقات
و إذا تبت و إتقيت الله و إستغفرتيه سيرزقك من فضله و سيغفر لكِ و سيبدّل سيئاتك حسنات
و اتركي المسلسلات و الأغاني لأنها هي ما تزيد القلب همّا و غمّا و تذكّرك دائما بالحب و الفراق و تلك العلاقات
الحبّ الحقيقي يكون بعد الزّواج و إذا خطبك رجل إلتمستِ فيه الدّين و الخلق فاقبلي به و توكلي على الله
و ابتعدي عن سيئي الخلق و السّمعة لأنك لو تزوجت رجلا سيء السمعة بحجة الحب فتذكّري أن أولادكِ أول من سيتضررون
لا تنجري وراء عواطفك كثيرا و حكمّي عقلك فالزّواج ليس بالأمر السّهل

[sali-sali]

السلام عليكم

بكل بساطة كل ماتتفكريه قولي حسبي الله و نعم الوكيل و ستشعرين بالراحة و الثقة في الله اكييييد

وبدل الحزن طالعي اقرائي قران صلي صومي .... استغفري الله
و لا تدعي الحزن يسكنك

[نايفز55]

تحملي هذي هيا انت حبيتي وفتحتي باب لهذا ذكر به يدمرلك حياتك اذا تحملي

ما تحبوش ليستركم ويكون معكم فحل وينويكم للحلال انما تفضلوا غير ليذلكم


شوفي برك

((............رغم انه سيئ السمعة ................... هو الوحيد في دنيتي الي عطاني الاهتمام اللي نحوس عنوا))

انت عارفة انوا سيئ معو وبقتي معاه خلاص هذي حاجة تخصك



هذا درس لكم في هذا الدنيا به في مستقبل تصححوه و تربوا ولادكم على اساس صحيح

وشيئ لراكي تمري به هذا عذاب دنيا ليك

وما عليك غير تتحملي وانت فرحنة انو ربي عذبك لانك غلطتي وزدي اضحكي

مشكلتك معندها حتي حل هي مسألة وقت وتبداي تنساي


وسلام علكيم

[أمة الرحمان رقيّة]

حاولي تنساي
الراجل سيء السمعة ما ينفعك ما يضرك
روحي ديري حل لروحك خير ماكانش غير هو
صلي صلاتك قدقد
ارجعي لاذكارك
ما تخليش هاذ الحالة النفسية تطول معاك
حاولي تتغلبي عليها
ما دام بعدك ربي عليه راهو اكيد خير ليك
فلا ارحم من الله بالعباد

[نورالهدى بيولوجيست]

المشاركة الأصلية كتبت بواسطة نايفز55

تحملي هذي هيا انت حبيتي وفتحتي باب لهذا ذكر به يدمرلك حياتك اذا تحملي

ما تحبوش ليستركم ويكون معكم فحل وينويكم للحلال انما تفضلوا غير ليذلكم


شوفي برك

((............رغم انه سيئ السمعة ................... هو الوحيد في دنيتي الي عطاني الاهتمام اللي نحوس عنوا))

انت عارفة انوا سيئ معو وبقتي معاه خلاص هذي حاجة تخصك



هذا درس لكم في هذا الدنيا به في مستقبل تصححوه و تربوا ولادكم على اساس صحيح

وشيئ لراكي تمري به هذا عذاب دنيا ليك

وما عليك غير تتحملي وانت فرحنة انو ربي عذبك لانك غلطتي وزدي اضحكي

مشكلتك معندها حتي حل هي مسألة وقت وتبداي تنساي


وسلام علكيم

كفاك استهزاء بمشاعر الاخرين و التشفي فيهم

مادام مش رح تعطيها حل سكاتك نظن خير

كما تدين تدان

الله يهدي

و انتي اختي مشكلتك ايمانك ناقص خليك في طريق ربي سبحانو و اكيد رح تتريقل امورك

ربي يفرج عليك ان شاءالله

[AMINA.Z]

كملي مع الطبيب باه تفوتي هاد المرحلة

و جاهدي نفسك باه ترجعي لصلاتك و لطريق ربي

حزنك ما يعلم بيه غير ربي اتوكلي عليه و هو اللي يفرج همك

[ikram2805]

يا اختي علاه ما تقوليش هاذي دعوة الخير لاقات عليك؟و ربي راه يحبك بعدك على رجل سيء السمعة و كذاب؟؟؟ هذا غي كان خاطبك اكتشفتي هذا العيوب و كون تبلع عليكم باب واحد يعني تزوجتو واش تزيدي تشوفي و يكون فات الاوان؟؟؟؟؟؟ هاذي مرحلة و تفوت عمري قلبك بالايمان و يليق نامنوا بالمكتوب يا الحبيبة و اللي فيها الخير ربي يجيبها

[khalwi]

رجل سئ السمعة؟؟؟؟ فليرحل بعيدا.. الطيبون للطيبات.و الخبيثون للخبيثات

[رانيا لوك]

والله تاثرت بقصتك بزاف وراني حاسة بيك ولكن كلش بيد الله حاولي تحكي مع صديقاتك روحيلهم خليهم يجوك مرة مرة روحي لدار عمومك ولا تياسي ربي يفرج عليك

[نايفز55]

المشاركة الأصلية كتبت بواسطة nour el houda--cqa

كفاك استهزاء بمشاعر الاخرين و التشفي فيهم

مادام مش رح تعطيها حل سكاتك نظن خير

كما تدين تدان

الله يهدي

هذا هو كلام لما تحبوش تسمعوه كلام الحق على هذا طول حياتكم ضيعين