الفطائر الكورية أقتصادية وشهية

[ريم الفلى]

البارح من لي روحت من الخدمة وانا نغني على ماما باش نجرب هاد الوصفة:

لكنها محبتش

وانا زعفت

ماما قاتلي معليش انت سامطة والسامط يغلب لقبيه

مالا فرحت بزاف

وجربتها تحت تشجيعات اختي هههههههه

الوصفة ساهلة ماهلة
-كاس فرينة مغربلة يعني غربليها وكيلي كاس
-فنجال سكر متكثريش من بعد نقولك لاه
-مغرفة قهوة تاع خميرة الخبز
-زعفران
-قرصة ملح
-نصف فنجال حليب بودرة
خلطيهم جيدا مع بعض من بعد زيديلهم بيضة
واعجني بالحليب الدافئ حوالي كاس
المهم تتحصلي على عجينة خاثرة تشبه شويا لتاع البان كيك

خليها في مكان دافئ تخمر مليح

وحطيها بالملعقة في مقلة تيفال متلصقش ووزعيها حتى تاخذ شكل قرصة فطائر كيما هادي

لما تحسيها تحمرة من تحت اقلبيها على الوجه الاخر

وهكذا حتى تكملي كامل الكمية

بشرط انك تطيبيها على نار هادئة واذا حبيتي تديريها قرصات كبار بحجم المقلاة معليش لكن شكلها الحقيقي يكون هكذا صغار

واخير تقدميها مع نوتيلا ولا عسل ولا مربى الفراااااااااز فهمتي لاه متكثريش السكر؟

لكن بصراحة ورغم حبي للفراز انا نحب ناكلها مع النوتيلا اممممممممممممم وكاس عصير روعة

وهاهي جاهزة

واش رايكم فيها:

وجربوها راهي هااااااااايلة وخفيفة مفيهاش الزيت ههههههه ومغذية خاصة للاطفال اللي ميحبوش يفطرو الصباح بالحليب ههههه
والمهم اقتصادية
هدرت بزاف


نخليلكم تشوفو الموضوع ولا تنسو التقييم

متنساونيش بالدعاء
نحبكم

باي