نهار الخطبة عمل هاد الجاست

[قمر السلام]

السلام عليكم

منطولش عليكم بإختصار وش رايكم واحد نهار الخطبة هناوهم بيت العروسة وقبلوا وخلاص ودخل باش يشوفها

دخل هاد السيد شاف خطيبتوا وهي مع خالها ومع امها ومع جداتها يعني مش وحدها

ناض خالها والخطيب هادا كيشاف خالها ناض باش يخرج من الغرفة

هو لمسلها يدها قعد حاكمهالها كي عطالها الدراهم ومنبعد عمللها حركة بعينوا اسمحولي على هاد التعبير

بصح كيما نقولو حنا غمزها وقعدت تضحك هي وياه ودارلها بزاف ليجاست

عادي هادي ولا لالا

[مراد سابقا2]

هذا ليس برجل صالح

أكيد

من اليوم ألول هكذا

[الحب و الوفاء]

نظن تكون تعرفه من قبل ومادام ضحكت معاه اذا هي قابلة بيه

[ايمان ألماس]

عادي اذا كانت تعرفو و مخبية عليهم

[wafa16]

7ab y9oul kanet ta3arfou me9bel

[○•ميسون•○]

اكيدج معريفة قديمة

[قمر السلام]

ولكن التصرف نتاع الغمزة عادي ولا لا


يعني هاد التصرف يعطي شيئ عن شخصيته ام لا

اما اذا تعرفه اولا هاذي البنت تعرفوا من قبل



واكيد مش انا هادي بنت خالي حضرت للخطوبة نتاعها

[sarl02]

وانت علاه راكي طالعة عقبة معاهم يا اختي ...السيد هذا مع خطيبتو راهم متفاهمين ..غمزها ولا عطاها بدماغ طيحها ياخي قبلت بيه وقبل بيها مالا ..ارمي عليك ..الامر ما يعنيكش ما تكسريش راسك بتحليل الحركات والشخصيات.

[فحلية]

المفروض يبقى معهم محرم
لا يجوز لمس المرأة المخطوبة
هذا الرجل عفوا الذكر ( الرجال لا يفعلون هكذا مع بنات الناس ) قلت هذا الذكر لم يحترم حرمة البيت ولا شرف البنت وهذا التصرف لا يليق

[hodahodahoda]

غريبة

الا اذا كان يعرفها من قبل
لكن حتى و لو ماصاحبها من قبل
كاين حدود

هذا يخوف بزاف

[قمر السلام]

المشاركة الأصلية كتبت بواسطة فحلية

المفروض يبقى معهم محرم
لا يجوز لمس المرأة المخطوبة
هذا الرجل عفوا الذكر ( الرجال لا يفعلون هكذا مع بنات الناس ) قلت هذا الذكر لم يحترم حرمة البيت ولا شرف البنت وهذا التصرف لا يليق

ههههههه والله عجبني جوابك بزاف صح الكل يخلقو ذكور ولكن الرجلة تجي بالمعاملة وبالتجربة

[حرة في بلادي]

ولم تريدين تحليل شخصيته يا اختي
فو عاجبها ويعرفها وهي تاني
الله يسهل عليه

[RABHA ALI]

وعلاش راكي تعبي في روحك الامر لا يعنيك

[اريج الاخلاق]

هاذي اكيد تعرفوا وهي اصلا ماشي متخلقة لانها خلاتوا يلمسها
ربي يسترنا ويسترك اختي

[hanadi21]

نورمال لكان قابلين ببعض لادخل لاحد

بصح نورمالمو الانسان ما نضلوش ندرسو فيه

نحن عرب ويجب نحتارمو غيرنا ونحتارمو انفسنا باش يحتارمونا غيرنا

بصح راهم يقلدو فالغرب ومازال الجيل القادم ربما اكثر من هكدا

ربي يستر او لادنا امين