راني في مشكل

[مشكلتي]

انا شاب ابلغ من عمر 27 سنة تعرفت على فتاة في عمرها 22 سنة احببتها وخطبتها ولان راني في مشكل لانها صارحتني بسر كبير وقع لها في حيتها وقعت في خطيئة مع شخص و فقد اغلى ما تملك الفتاة ولان راني حاير واش ندير
هي تحبني و قاتلي انها ندمت وحكايتها مؤلمة لانها حاولت تقتل نفسها مرة بشربها لادوية و راني خايف
مرات نقول نخليها ونخاف منها لان واش قامت بيه لا يغتفر ومرات نخاف نخليها نخاف تتحطم معنويا
لانها قاتلي اني نحبك واذا خلتني راني نمرض وهي صح تحبني من قلبها

والله راني في مشكلة واش ندير في رايكما

[مراد سابقا2]

سأقولها لك من الاخر

إذا أنت لم تفعل شيئا لا تتزوجها

وإذا فعلت انت فأسترها

ولكن ألا تتزوجها افضل فمن خانت للمرة الأولى قد تخون للمرة الثانية والثالثة ..........الخ

[janino]

بلاك ا اخى الطفلة ندمت و تابت ال الله و انت رايح تسترها فمن ستر مؤمنا فى الدنيا ستره الله يوم القيامة و انت تقول حاولت تنتحر فانا نضن لو ر ايحة تستمر فى الخطا لما حاولت الانتحار و عقاب نفسها اعطيها فرصة فممكن انها تكون زوجة و ام صالحة خاصة انك قلت بانها تحبك استخر الله و لا تخف

[yoya jijel]

أنتا وحدك الي تقرر أنت اللي تعرف هاذ الطفلة إذا كانت وحدة متربية ولكن غلطة غلطة وهي صغيرة نقولك أسترها وإذا كانت وحدة فالتة في هاذ المجتمع ودارت علاقات نقولك خطيك منها هذي غدوة تعاود تخونك واش نقولك سقسي عليها وعلى ماضيها مليح وقرر
وربي نشا الله يكون معاك مكانش لي معصوم من الخطأ كاين الي سترهم ربي وكاين اللي تفضحوكيما هاذ الطفلة .....صلي وإستخر ربي.....

[جويرية الإيمان]

يا أخي

هادي الطفلة أكيد لم تفرط في شرفها لأنها عابثة

بل لأن الرجل الذي وعدها بالزواج خدعها و تركها .

لو كنت رافضا لها لما ترددت هكذا و لكنت فسخت خطبتها مباشرة .

فتزوجها و استرها و من ستر مسلما في الدنيا ستره الله في الأخيرة

و التائب عن الذنب كمن لا ذنب له

فلعل الله يكرمك بتوبتها هذه

[aymen01]

و انت وين عمبالك بلي تحبك و حاولت تنتحر

لي يزني يقدر يكذب عليك و باين فيها شابا على هذيك حاب تزوجها

[aymen01]

المشاركة الأصلية كتبت بواسطة جويرية الإيمان

يا أخي

هادي الطفلة أكيد لم تفرط في شرفها لأنها عابثة

بل لأن الرجل الذي وعدها بالزواج خدعها و تركها .

لو كنت رافضا لها لما ترددت هكذا و لكنت فسخت خطبتها مباشرة .

فتزوجها و استرها و من ستر مسلما في الدنيا ستره الله في الأخيرة

و التائب عن الذنب كمن لا ذنب له

فلعل الله يكرمك بتوبتها هذه

شوف اسيدي

مالا اي واحد يوعد مراة بالزواج تروح تزني معاه وزيد كاتبا اكيد تقول تعرفيها

[أمة الله 12]

يا أخي ربي وحدو اللي علابالو وش كاين في القلوب,

أنا تبانلي اللي ماهيش خداعة لأنها صارحتك بالحقيقة الأن

كون جت خداعة و تحوس برك كيفاه تخبي غلطتها, راهي خلتها لبعد العرس و يبان كلشي وحدو

دير في بالك "من ستر مسلما ستره الله" , هاذي اجرها كبير و راهي ماهيش ساهلة

اذا انت قادر على الشي هذا اوكي, اذا راح تسكت ضركا و يوم اوخر تولي تعايرها بيها مكان لاه,

شوف انت مع روحك ماشي ردة فعلها هي,

[جويرية الإيمان]

المشاركة الأصلية كتبت بواسطة aymen01

شوف اسيدي

مالا اي واحد يوعد مراة بالزواج تروح تزني معاه وزيد كاتبا اكيد تقول تعرفيها

و انت تتحامل عليها تقول انت لي خدعتها .

[knives66]

نصيحتي ابتعد عنها نعم تحبك لانه انت املها الوحيد في ستر عيبها

وسوف تغدر بك عاجلا ام اجلا صدقني اخي زواجك منها سوف يستر عيبها 90% سوف تعود الى عشيقها بعد زواج

اذا انصحك ان تبتعد عنها ولا تسمع لمن يقول لك أسترها هذي زانية وهي ارتكبت هذه الجريمة عن قصد وهيا من اردات ذلك

احذر اخي ثم احد ان تلعب على مشاعرك بهذه الكلامات و بموضوع انتحار وكم من فتات فعلت نفس الشيئ

خيرها في غيرها وبنات فامليا بزاااااااااااااف اذا انفصل عنها و تركها

راك دير الخير وتندم

[knives66]

المشاركة الأصلية كتبت بواسطة janino

بلاك ا اخى الطفلة ندمت و تابت ال الله و انت رايح تسترها فمن ستر مؤمنا فى الدنيا ستره الله يوم القيامة و انت تقول حاولت تنتحر فانا نضن لو ر ايحة تستمر فى الخطا لما حاولت الانتحار و عقاب نفسها اعطيها فرصة فممكن انها تكون زوجة و ام صالحة خاصة انك قلت بانها تحبك استخر الله و لا تخف

زانية في حياتها ما توب وخاصة بنات هذا زمان وما تستهلش سترة

لا هيا ولا غيرها كون جات هكذا كل لبنات يرحوا يزنوا ومن بعد

يجوا يلسقوا في رجال به يستروهم

[/زهرة عصفور الجنة/]

عليك ان تسأل من عالم في دين ما حكم الزواج من زانية

[○•ميسون•○]

انت واش درت في عمرك حتى تقبل وحدة زانية تكون زوجتك


لا تتزوجها هاذي زانية و ما تصلحش


++لا تنسى ان العرق دساس يمكن مرة اخرى تكون بنتك مثلها و يقولو الناس ما تصلحش كيما امها

و الرسول يقول اضفر بذات الدين ترِبت يداك

[bellaluna]

الفتاة مخطئة و قد تكون تابت لخالقها أنصحك بالإستخارة و التأكّد من أخلاقها و علاقاتها السّابقة و أصدقائها لعلّها أخطأت لصغر سنها و ليس لأنّها فتاة ساقطة.و الله أعلم.

[chromato]

المرأة إذا زنت - و الزنى من الكبائر- ثم تابت توبة نصوحا فيجوز الزواج بها
أما من صفتها الزنى فهذه التي أختلف فيها لقول الله تعالى : و حرم ذلك على المؤمنين
فهل الإشارة إلى النكاح أم إلى الزنى

أما هذه الحالة فهي قد صارحتك بحالها و الأمر إليك
فإن استطعت أن تتحرى في الأمر و تستبين صدقها و أنها ابتعدت عن ذلك الشيء و رضيت بها و ألا تعيرها في المستقبل
و إن عرفت من نفسك أنك لا تستطيع إحتمال الأمر فاتركها شريطة أن تستر عنها ذلك و يبقى سرا عندك لا تخبر به أحدا