لعرايش بglacage royale تع العيد

miro1508 · 2012-08-21, 10:20

[IMG][/IMG]

المقادير
كيلة سمن ذايبة "سمن مدينة"
3 كيلات فرينة "فرينة سيم"
ملعقة صغيرة فانيلية
نص كبلة او اكثر ماء الزهر حسب الحاجة.

الحشو
كيلة سكر قلاس
3 كيلة لوز
ملعقة كبيرة سمن "السر باش يخلي الحشو تاعك ما ييبسش"
ماء الزهر باش طمي اللوز

قلاساج
بياض بيضة 1
1 كيلو سكر رطب "fabelco "
1 كاس ماء الزهر
عصير حبة ليمونة
ملون اصفر
ملمع غذاءي
للتزيين عجينة اللوز "تتباع في الاسواق"

الطريقة

نذوب السمن ونخليه يبرد في هذا الوقت نغربل الفرينة و الفانلية من بعد نخلط السمن مع الفرينة بدون عجن ونحاول نبسسها من بعد نضيف ماء الزهر حتى نطم العجينة وتكون ما طرية بزاف ما يابسة ونحطها في كيس نظيف ونخليها تريح تقريبا ساعة مدخلهاش الثلاجة.
نحضر مقادير الحشو نخلط اللوز المرحي مع السكر و السمن ونطمو بالماء الزهر حتى نتحصل على عجينة ماتكنش طرية بزاف .
نفرض العجينة حوالي 3 mm ونقطع دوائرقطرها حوالي 6 سم ونحط حربوش اللوز وعطيها شكل العرايش .

raoufnina · 2012-08-21, 10:22

تقول شكرا كتير على هذه الجهود الرائعه وجعلها الله بميزان حسناتكم شكررررررررررررا

ريان 7 · 2012-08-21, 10:25

رووووووووعة يعطيك الصحة و الجلاساج جا هايل

maiar · 2012-08-21, 10:26

بارك الله فيك بصح وينها الطريقة تع القلاصاج
و صح عيدك

miro1508 · 2012-08-21, 10:55

نحط العرايش يطيبو "180 درجة حتى يبياضو و يتحمرو من تحت

نخليوهو يريحو يوم او يومين باش ما يعيوناش في القلاساج .

طريقة القلاساج

نخلط بياض بيضة حتى تولي ثلج وضيف قيس 2 مغارف كبيرة سكر قلاس مغربل ونخلط ثم نضيف 2 مغارف كبيرة ماء الزهر وهكذا نكرر عملية السكر و الماء الزهر حتى نتحصل على الكمية المطلوبة اما التلوين انا استعملت اللون الاصفر نص ملعقة صغيرة و ذوبتو في عصير ليمونة مصفي وضفتو ام الخلط نفضل تخلطي بيدك مليح باش تحسي بالسمك تاعها حتى تسيي حبة عرايش اطليها اذا ما سالش بزاف يعني راهي مليحة لكن نصيحة خلي القلاساج تاعك يريح حتى يخرجو les boules d'airs حوالي 5 د .

خليها تنشف 24 ساعة من بعد التزيين

السر الي نعطيهلكم نفرغ كمية اللماع لون doré فوق قطعة من الاسفنج نعم .........
و انا نستعمل اسفنج les épaulettes وتدلكي برفق العرايش توعك حتى تشرب هداك اللماع مليح ثم تزينيهم بالشكل لي تحبيه .............والنتيجة راكم شفتوها و كاش سؤال راني هنا وشكرا

silina20103 · 2012-08-21, 10:58

الحمد الله على سلامتك صحا عيدك مممكن تزيدي تشرحيلي لقلاصاج المملع دريه في لقلاصاج قبل متغطسي الحبة ولا بعد متقلاصي حبة و تنشف ممكن توضيح

maiar · 2012-08-21, 11:15

بارك الله فيك

miro1508 · 2012-08-21, 11:17

اقتباس:

المشاركة الأصلية كتبت بواسطة silina20103

الحمد الله على سلامتك صحا عيدك مممكن تزيدي تشرحيلي لقلاصاج المملع دريه في لقلاصاج قبل متغطسي الحبة ولا بعد متقلاصي حبة و تنشف ممكن توضيح

شكرا لكي على الرد و صح عيدك قلاساج يجي يلمع من الليمون يعطيلو لمعة و اللماع يجى كي ينشفو العرايش تحطيه و الاسفنج يعاونك باش يدخل اللماع في الطلية

salima14 · 2012-08-21, 11:36

شكلو يهبل والقلاساج أنا خلطتو بيدي بصح يدير بولات صغار ماعرفتش من واش؟
يعطيك الصحة

miro1508 · 2012-08-21, 12:01

اقتباس:

المشاركة الأصلية كتبت بواسطة salima14

شكلو يهبل والقلاساج أنا خلطتو بيدي بصح يدير بولات صغار ماعرفتش من واش؟
يعطيك الصحة

شكرا اختي بولات صغار تكوني ما غربلتيهش مليح السكر تاعك او مخليتيش الطلية تريح و تخرج les boules d'airs
و شكرا

muslimone · 2012-08-21, 12:15

يعطيك الصحة أختي والله الله يبارك حتى انا درت عرايش باللون الأصفر ولكن ما خرجش كيما تاعك أصفر رايح للبيج تحفة ربي ينورك ويعطيك الصحة

muslimone · 2012-08-21, 12:16

ممكن أيضا كيفاش خدمتي عجينة اللوز بالنسبة ليا مين شريتها ضفتلها المايزينة ولكن غبنتي مين حبيت نقطع تاعك باينة مشكلة مليح

أم عبير · 2012-08-21, 12:42

شكرا حنونة خدمة متقونة برك حبيت نقولك انا للقلصاج درت 2 بياض +400غ سكر رطب خلطت بالباتور ثم بالفوي بصح الكمية تجيني دايما قليلة تا ع القلاصاج قد مايزوق 20 حبة فقط اين هو المشكل اختي

miro1508 · 2012-08-21, 13:05

اقتباس:

المشاركة الأصلية كتبت بواسطة muslimone

ممكن أيضا كيفاش خدمتي عجينة اللوز بالنسبة ليا مين شريتها ضفتلها المايزينة ولكن غبنتي مين حبيت نقطع تاعك باينة مشكلة مليح

مع هذه السخانة صح تعتبك كتري المايزينة وماتبطايش عليها كل ما ديري وردة زيني بها و الشكل يرجع لنوعية القالب انا درت تع وردة صغيرة ندير 2 وردات و نجملهم معا بعض على شكل بوكي ونحطهم خسارة ما كانش عندي الوقت باش نصور الخطوات المرة الجاية ان شاء الله.

miro1508 · 2012-08-21, 13:14

اقتباس:

المشاركة الأصلية كتبت بواسطة أم عبير

شكرا حنونة خدمة متقونة برك حبيت نقولك انا للقلصاج درت 2 بياض +400غ سكر رطب خلطت بالباتور ثم بالفوي بصح الكمية تجيني دايما قليلة تا ع القلاصاج قد مايزوق 20 حبة فقط اين هو المشكل اختي

اختي راكي كثرتي البياض نقدر نقولك انو بياض بيضة واحدة تلحقك حتى 60 حبة عرايش لكن السكر تلحقي 3 كيلو على حساب نوعية تاعو ان كنت قلت نكررو عملية السكر و الماء الزهر حتى نلحقو الكمية المطلوبة لكن نبقاو مع بياض بيضة وحدة لان كثرة بياض البيض تيبس الطلية تاعك وتفسدلك القاطو و شكرا