لست غسالة باغية تتنظف

ليلى الجزائرية1 · 2013-02-21, 20:16

كيف حالكن حبيباتي في المنتدى؟
المحظوظة اليوم هي الست "الغسالة الأوتوماتيك".....شوفو المسكينة كيف كانت حالتها

وهذه الصورة عن قرب

وهذه من فوق

وهذا منظر الكاوتش اللي تحت الباب

أول شيء في إناء بلاستيكي المخصص للصابون مزجت شوية من مسحوق الغسيل وبضع قطرات من ماء الجافيل مع الماء

بعد فصل الغسالة عن الكهرباء،قمت بغسلها من الفوق بواسطة ليفة اواني.
وغسلتها من الجوانب ومن الباب الزجاجي....

وبعد كل عمليات التصبين هذه اللي قمت بيها جاء دور الشطف بالماء.والنتيجة كانت مثل ما بالصور

هذه من فوق....

والباب صار هكا
..

والمنظر النهائي شوفو كيفاه ولى......

وفي الاخير مستنية تعليقاتكم

amouna oum · 2013-02-21, 20:20

انا نكون الاولى اللي نردلك والله راكي فحلة الايام هادي نضتي شغل الحكان و التشيات واش من قلقة تمشي فيك هههههههه قولي و الله خرجت روعة الماشينة تاعك يعطيك الصحة

fifiarch · 2013-02-21, 21:48

جميييل
نحيتيلها غبنة مسكينة

ام عبودة · 2013-02-22, 00:23

يعطييييييييييك الصحة.
رأهي تدعيلك بالخير.

نبض الفؤاد · 2013-02-22, 10:05

يا اختي انا ......الماشينة نحسها كالعبد معاونتني لازم نتهلا فيها وكي تكمل نخاطبها ونقولها صحيتي حنونتي

mamlakatafkar · 2013-02-23, 12:07

يعطيييك الصحة أختي ليلي خرجتيها تشعل و لكي ننصحك بأن لا تضيفي الجافيل مرة أخرى في غسلها هي ولا الثلاجة أو الكوشة باش ما تصيرش صفرااء من الأفضل بعد ما تغسلي بالصابون أو جيف شليها بالماء و الخل

وفاء سعاد · 2013-02-23, 14:17

يعطيك الصحة اختي ولات تشعل انا مدايرتلها غطاء شريتو خصيصا لها كي نخلص منها نلبسهولها راهي حاجة ضرورية في الدار كون تخطينا نضيعو

ساندي 28 · 2013-02-24, 22:15

4444444444444444

ام البنتين · 2013-02-25, 13:34

اسمحيلي اختي ماشينتك المسكينة واش راكي دايرة فيها لوكان تخطيك تضيعي واش بيك ؟ انا ماشينتي متهليا فيها و نحافظ عليها كيما بناتي و نظفها و نغطيها و ما نخليش حتا واحد يستعملها بلا انا من شدة خوفي حليها لانها هي اختي الحنونة لى تعاوني و ما تقوليش اوه اغلبت و كي تكمل نقولها كثر خير .حرام عليك هذيك الكومة تاع القش لي فوقها المسكينة ديري سلة خاصة و اجمعي فيها القش الله غالب راهي غاضتني .ارحميها كيما هي ترحمك .

ليلى الجزائرية1 · 2013-02-25, 13:37

اقتباس:

المشاركة الأصلية كتبت بواسطة ام البنتين

اسمحيلي اختي ماشينتك المسكينة واش راكي دايرة فيها لوكان تخطيك تضيعي واش بيك ؟ انا ماشينتي متهليا فيها و نحافظ عليها كيما بناتي و نظفها و نغطيها و ما نخليش حتا واحد يستعملها بلا انا من شدة خوفي حليها لانها هي اختي الحنونة لى تعاوني و ما تقوليش اوه اغلبت و كي تكمل نقولها كثر خير .حرام عليك هذيك الكومة تاع القش لي فوقها المسكينة ديري سلة خاصة و اجمعي فيها القش الله غالب راهي غاضتني .ارحميها كيما هي ترحمك .

لالا اختي ما تخافيش الكومة حطيتها اكسبري على جال التصوير برك