الى ام شروفة

[غزالة1]

السلام عليكم
ادري انو ليس القسم المناسب لكن كتبت هنا حتى تراه المعنية بلامر

ام شروفة ان شاء الله تكوني بخير اليوم حبيت نذكرك ببعض النقاط التي نعرفها ولكن نغفل عنها في دوامة الحياة
اول حاجة نطلب منك انو تلقاي وقت صغير صلي فيه ركعتين و ادعي ربي يوفقك و اشكيلو بهمك و ابكي ابكي و افرغي قلبك باش الجبل لي راكي رافدتو يخف عليك
ثانيا فكري في حل لابنك يعني نظن كاين حالتين
1 يكون كاين مركز لي تقدري تديه ليه
2 لا يوجد مركز اذا راح يكون عندك طريقين الاول تستعيني بطبيب نفسي الي راح يختصر عليك الوقت و الجهد باش تعرفي التعامل مع ابنك الثاني انو تتوكلي على ربي و تبداي الطريق وحدك يعني تبحثي في النترنت و تجربي و الحاجة لي تخرج على وليدك سجليها و اعتمدي عليها يعني بالمختصر راح تراقبي ابنك و تلاحظي الاوقات لي تجيه النوبات هل لها اسباب( مثلا الصوت العالي) و الا هي نوبات عشوائية لا تياسي مهما كان الطيق طويل فاخره الجنة باذن الله
ثالثا و هذه نقطة مهمةجدا و هي زوجك اذا كسبتيه راكي كسبتي دعم كبير ادعي ربي يحنن قلبو عليك و عليه فهو على كل شيء قدير لكن لازم تتعبي على هاذ الشيء
اولا لازم يشوفك دايما تحمدي ربي على هاذ النعمة و تذكري بلي راهو سبب لدخول الجنة و سبب لزيادة الرزق و حتى تصرفاتك لازم تطابق كلامك و اذا ضاقت بيك اشكي لربي سبحانه وحدك بلا ما يسمع هو لانو الرجل اذا سمعك راح يكره الدار و ماراحش يعاونك في ولدكم و افهمي مليح بلي الراجل يجي للدار باش يرتاح و يحب يشوفك مبتسمة و راضية و استغلي انو عندك بنت اخرى مديهالو تلعب معاه ياك يقولو البنت حبيبة ابوها
رابعا هي في الحقيقة لازم تكون النقطة الثانية و لكني اخرتها لاهميتها و هي انت نعم انت يا ام شروفة بعد ما تستعيني بالله لازم تحاولي تركزي مع نفسك و تعرفي بلي انت عمود الدار و كون تضعفي تروحي انت و ولادك و زوجك( بعيد الشر عليكم) امالا تحداي نفسك و كما قالت حبيبة لا يهم كم مرة ستسقطين المهم انك تعرفي بلي راكي ماشية للتغيير
اسفة على الاطالة رغم اني حبيت نكتب اكثر لكن خانتني الكلمات
هذا تذكير لنا كلنا حتى نشكر الله على نعمه التي لا تعد و لا تحصى
اللهم ا ن اصبت فمنك وحدك و ان اخطات فمن نفسي
ربي ينير لك دربك و يهدي زوجك ليك و يفتحلك الابواب

[أم شروفة]

مشكورة اختي وربي يعطينا القوة ويقدرنا نربو وليداتنا ونخرجوهم جيل صالح كما فعلو اباءنا ان شاء الله

[oumhana]

المشاركة الأصلية كتبت بواسطة غزالة1

السلام عليكم
ادري انو ليس القسم المناسب لكن كتبت هنا حتى تراه المعنية بلامر

ام شروفة ان شاء الله تكوني بخير اليوم حبيت نذكرك ببعض النقاط التي نعرفها ولكن نغفل عنها في دوامة الحياة
اول حاجة نطلب منك انو تلقاي وقت صغير صلي فيه ركعتين و ادعي ربي يوفقك و اشكيلو بهمك و ابكي ابكي و افرغي قلبك باش الجبل لي راكي رافدتو يخف عليك
ثانيا فكري في حل لابنك يعني نظن كاين حالتين
1 يكون كاين مركز لي تقدري تديه ليه
2 لا يوجد مركز اذا راح يكون عندك طريقين الاول تستعيني بطبيب نفسي الي راح يختصر عليك الوقت و الجهد باش تعرفي التعامل مع ابنك الثاني انو تتوكلي على ربي و تبداي الطريق وحدك يعني تبحثي في النترنت و تجربي و الحاجة لي تخرج على وليدك سجليها و اعتمدي عليها يعني بالمختصر راح تراقبي ابنك و تلاحظي الاوقات لي تجيه النوبات هل لها اسباب( مثلا الصوت العالي) و الا هي نوبات عشوائية لا تياسي مهما كان الطيق طويل فاخره الجنة باذن الله
ثالثا و هذه نقطة مهمةجدا و هي زوجك اذا كسبتيه راكي كسبتي دعم كبير ادعي ربي يحنن قلبو عليك و عليه فهو على كل شيء قدير لكن لازم تتعبي على هاذ الشيء
اولا لازم يشوفك دايما تحمدي ربي على هاذ النعمة و تذكري بلي راهو سبب لدخول الجنة و سبب لزيادة الرزق و حتى تصرفاتك لازم تطابق كلامك و اذا ضاقت بيك اشكي لربي سبحانه وحدك بلا ما يسمع هو لانو الرجل اذا سمعك راح يكره الدار و ماراحش يعاونك في ولدكم و افهمي مليح بلي الراجل يجي للدار باش يرتاح و يحب يشوفك مبتسمة و راضية و استغلي انو عندك بنت اخرى مديهالو تلعب معاه ياك يقولو البنت حبيبة ابوها
رابعا هي في الحقيقة لازم تكون النقطة الثانية و لكني اخرتها لاهميتها و هي انت نعم انت يا ام شروفة بعد ما تستعيني بالله لازم تحاولي تركزي مع نفسك و تعرفي بلي انت عمود الدار و كون تضعفي تروحي انت و ولادك و زوجك( بعيد الشر عليكم) امالا تحداي نفسك و كما قالت حبيبة لا يهم كم مرة ستسقطين المهم انك تعرفي بلي راكي ماشية للتغيير
اسفة على الاطالة رغم اني حبيت نكتب اكثر لكن خانتني الكلمات
هذا تذكير لنا كلنا حتى نشكر الله على نعمه التي لا تعد و لا تحصى
اللهم ا ن اصبت فمنك وحدك و ان اخطات فمن نفسي
ربي ينير لك دربك و يهدي زوجك ليك و يفتحلك الابواب

ربي يبارك فيك أختي حسيت كلامك شغل موجه ليا من قوة حسيت بأم شروفة وربي شاهد كنت باه نحطلها جواب لكن كقريت جوابك حسيتو في الصميم و حسيت بلي هدرتي خير مني ربي يوفق و يكون في العون لأم شروفه و لكل المؤمنين. بارك الله فيك .

[oumhana]

المشاركة الأصلية كتبت بواسطة أم شروفة

مشكورة اختي وربي يعطينا القوة ويقدرنا نربو وليداتنا ونخرجوهم جيل صالح كما فعلو اباءنا ان شاء الله

اختي أم شروفة ربي يكينلك فالعون راهي أختي غزاله قالت لي عجزت انا عليه ربي يوفقك ويكتب تعبك في ميزان حسناتك .

[واحة الوجدان]

وانا اضم صوتي لصوت غزالة لازم انت تكون واقفة على رجليك ابحث على جمعيات تساعدك لا اعرف ان كنت من سكان العاصمة احمد الله انك وعية واستطعت توصلي رسالتك عبر النت هناك نساء يتعذبون في الصمت وخاثة ليسكن في الريف باعد على كل شيئ مايعرفش وش يديرو ربي يكون مع كل ام للعلم هناك نساء عندهم ولدهم مرض بتوحد فتح جمعيات في عاصمة عليك ان تبحث فقط

[الوردة الندى]

ختي الفاضلة ام شروفة كيما قالو الاخوات راهي الاخت غزالة كفات وفات لكن الشئ اللي حبيت نضيفو هو انو احنا النساء من كثرة الاعباء والمتاعب يتخلطلتا كل شئ نبداو راني عييت راني كرهت وهذا شئ طبيعي لاننا نبحثوا على الصدر الحنين اللي يطبطب علينا فقطو يفهم هذا الازواج لكن لازم شوية من القوة
وحبيت نذكرلك حادثة لزوجة حدث نزاع بينها وبين زوجها قالتلو انتا كي يوجعك راسك ترفد روحك وتخرج البرا تريح قالها:
]نا راحتي نصيبها في داري
ربي يكون في عونك وديري في بالك بالي الكثيرات مثلك راهي تعاني