فلفل رولي

[sinda]

مساء الخير هاذي وصفة الفلفل الحلو لي طلبوه العضوات
جيبي فلفل حلو حليه على 2 ونحيلوا الزريعة وملحيه واقليه ولوحيه في كيس بلاستيكي باه تقدري تقشريه.ومن جهة جيبي لحم مفروم حسب ما عندك داويه بنصف ملعقة صغيرة فلفل أسود وملح شوي بصلة مفرومة وسنة أو2 ثوم ومعدنوس مقصوص وبيضة حسب الحاجة.
كي يعرق الفلفل نقيه وديري اللحم تاعك مشيه عليه كامل ورولي حتى تكمليه كامل وجطيه في صحن الفرن
وجدي الطماطم رابيها حسب ما بغيتي +فلفل أسود+ملح+ثوم 4سنات أو5+2ورقات رند وإذا تحبي الحار ديري شوي هريسة والزيت والماء ولوحيهم فوق الفلفل وحطيه يطيب حتى يتحمر مليح
جربوه وردولي أنا شخصيا درتوا وكلاوه كامل والبنة ما نقولكمش.
ملاحظة:ما درتش القيس خاطر عيني ميزاني واللحم اشري قليل خاطر ما يهزش بزاف وادعولي بالتوفيق

["جُوهَرْ"]

ربي يوفقك وينجحك دنيا واخرة .بارك اللّه فيك على الوصفة الرائعة

[ام احمد]

بالفعل هي وصفة رائعة و لقد جربته فلن تندموا

[شقراء]

سلمت يداكي وبالتوفيق في الدنيا و الاخرة

[ملكة الورود]

شكرا جزاك الله خيرا

[سَلْسَبِيّلْ]

امممممممممم باينة بنينة الله يحفظك

[انتصار عربي]

ماشاء الله ....رووعة ممممممممممممم...بارك الله فيك

[chawiya]

وصفة رائعة انا مانحبش الفلفل الحلو نجربها بالفلفل الحار و نردلك الخبر
يعني اكيد راح تجي بنينة

[حواء الجزائر]

شكرا على الوصفة

[نفوسة]

شكرا يعطيك الصحة

[*سيرتا *]

المشاركة الأصلية كتبت بواسطة sinda

كي يعرق الفلفل نقيه وديري اللحم تاعك مشيه عليه كامل ورولي حتى تكمليه كامل وجطيه في صحن الفرن

هدا فلفل رولي و كانه فلفل محشي..ام اني مخطئة..
شكرا على الوصفة