ممكن مساعدة

[رنيم بيسان]

صباح الخير ياوجوه الخير كيف الحال ان شاء الله بخير راني راح نخدم قاطو لعرس سلفي حصلوه فيا مالفة نخدم لافامي في الاعراس ومناسبات وراني حابة نخدم حاجة تحمر وجه راجلي راكم عارفين بيت الشيخ بلا مانقول لا زم نخدم علي قد ما نقدر وياربي نعجب وشفت ليمودال يلي حاطتهم الاخت nour ali عجبوني مودلاتك اكل بزاف ولا تقدري تعطيني مقادير قالولي اخدميلنا 500حبة من كل مودال يحوسوني نخدم 5مودلات جاوني بزاف انا قلت 4 موديلات و300حبة من كل مودال ساير واش تقولواسمحولي طولت عليكم وكثرت الهدرة العرس في 28 في شهر شكرا

[احلى حياة]

اختي نقترح عليك تخدمي المخبز بالكوكاو راه يبان كانو لوز وتاني حلوة معسلة متلا السكندرانيات والتالت يكون كفتة او اي قاطو بالشيكولا

[احلى حياة]

اختي ادا حبيتي نساعدك مكاش مشكلة راح نوريلك الخطوات من الالف للياء ان شاء الله

[رنيم بيسان]

مشكورة حبيبتي علي الرد ولا تقدري تساعديني معنديش حتي مشكل مدا بيا باش نعرف واش راح نخدم ونتهنا نرتاح

[احلى حياة]

اختي بالنسبة للحلوي الاولي اعملي مخبز او عرايش بالطلية شوفي انتي واش يساعدك وقوليلي اختاري واحد منهم.وانا نقولك علي الخطوات بالتفصيل وتاني راح نساعدك علي حساب ادوات العمل اللي عندك يعني قوليلي ادا عندك ادوات للتزيين واشن هوما باش نقد نخيرلك الحلوي المناسبة واداكان عندك ***** ابعتيلي في رسالة خاصة باه نوريلك حلويات اخري

[رنيم بيسان]

حنونه ربي يخليك شكرا متخفيش عني عندي كل انواع الوردات وكل ليمول قتلك راني تقريبا كل 15 يوم نجرب مودال كل ما نشوف مودال ويعجبني نخدمو وبنسبة للمخبز او العرايش انتي واش تقولي ان قلت العرايش راح نخدمهم با اللوز واش رايك وكاين مودال راني سمعت بيه اسمو حريم السلطان سمعتي بيه ولالا وحابة نخدم الرولي نتاع ام اماني ومقروط النقاش ومودال يكون مايطيبش وراني حايرة بين البقلاوة عادي او بقلاوة الكنافة وشفت مودال من عند الاخت نور جاي شكل مقروطات وفية حبة لوز من فوق اسمحيلي كثرت عليك ولا عندك فيس بوك قوليلي راني حبيتك وحابة نحكي معاك

[احلى حياة]

اختي انا عندي فيسبوك بصح منقدرش نمدولك هنا وحتي الرسايل الخاصة لازم وقيلا 500 مشاركة

والله غير راني حابة نعاونك حتي تكملي حلوة العرس كلها

[احلى حياة]

اختي رنيم رايحة نحطلك وصفة المخبز موضوع بصح للاسف بدون خطوات لاني مصورتهمش وادا عندك مول السيلكون تع عنقود العنب راه يجي روووعة سواء في المخبز او العرايش وبالنسبة للحلوة الباردة انا خدمت لاموراسك بعجينة اللوز الصناعية وخرجت هايلة ووننصحة بعجينة اللوز اسمها بوجدير تجي في بيدون بلاستيك خمسة كيلو دوقها كانو لوز بصح لازم تشري الطابع تع لاموراسك وخدمتو ساهلة خلاص