حقرة ولا زهرنا...

3Issamo · 2013-10-28, 20:30

السلام عليكم
عندي استفسار انا و مجموعة من الآصدقاء عدنا نفس المشكل. حنا متحصلين على شهادة صيدلة 07/2013 وكملنا السورسي 09/2013
وصلنا اورد دبال واحد عام من قبل وكلنا فوتنا لفيزية كيكان عدنا 18 عام.
كي رحنا رنوفلو سورسي بديبلوم بمكتب فرعي تابع للمنطقة العسكرية الثانية مبغاوش يمدولنا. قالولنا هدا قانون جديد ولي هبلتني قالولنا بلي حتى 03/2014 كلي راه عدنا تـأجيل بصح ميعطوناش ورقة تتبث دلك.
انا باغي نفهم هدي كاين منها و لا غي حنا معدناش زهر.
ارجو الاجابة و شكرااا.

AB Pixel · 2013-10-28, 20:38

انا متلكم لم اتحصل على ورقة ثثبت التأجيل

madjoda99 · 2013-10-28, 21:20

انا متلكم لم اتحصل على ورقة ثثبت التأجيل
مكتب تجنيد ورقلة

صالح القسنطيني · 2013-10-28, 21:44

و عليكم السلام

وجب التفريق بين من له استدعاءات

و بين من له سورسي

و بين من ليس له لا استدعاءات و لا سورسي

فمن له استدعاءات متقدمة لا يكون له تأجيل إلا إذا توجه للمدرسة و وجدهم قد اوقفوا التجنيد و لم يكن ذلك الاستدعاء مرفوقا بأمر الالتحاق

و من كان له سورسي ينتهي قبيل تأريخ قادم فلا يعطى له تأجيل لأنه سيجند في الدفعة القادمة تلقائيا

و أما الذي لم يكن له سورسي و لا استدعاء و هذا ينطبق على المجند المتطوع فهذا اذا دفع الدبلوم في شهر سبتمبر يكون له تأجيل الى شهر مارس و لو دفعه في ديسنمر مثلا كذلك يكون له تأجيل إلى مارس

لماذا يكون له تأجيل لأنه ليس مجند للدفعة القادمة تلقائيا

amine eco · 2013-10-28, 21:46

شهادة ارجاء التجنيد اصبحت لا تمنح للاسف بعد دفع الديبلوم

3Issamo · 2013-10-29, 09:26

مشكورين على الردود انا استفسر لأنو راتا في فترة توظيف وعلى يبدو مراهيش مكتبه....المهم الله يفرج علينا و عليكم.

أحبك ربّي · 2013-10-29, 11:23

شهادة الإرجاء نحاوها

amir ching · 2013-10-29, 19:13

يوم انا تاني في مكتب البليدة محبوش يمدولي شهادة ارجاء قالولي في مارس تجيك لوردبال

houssamovii · 2013-10-29, 22:39

zharna m9awd ....ana roht nedfa3 soutien de famiile ana wahdii tfol f dar + baba mayakhdemch w yema matakhdemch w mordha aya men zahriii galouli nta corps mèdical w les corps medical mayedef3ouch soutien de famille lazem tedih dossier m3ak l untè li rah trouh liha ....ida kayen djma3a 3andhoum cas kima ana !!!

جناتي الشيخ · 2013-10-29, 23:08

القازيرنات راه معمرة بزاف والفصيلة لحقت في افلو 130 سرجان لاول مرة موالفين 50 هذا المرة الي عندهم سورسي برك 4000 اخر ااحصائيات فرقة الدرك الوطني بورقلة
وقازيرنا انتاع الاغواط راه لاشارج مكانش وين يرقدو

قريبا نوضعلكم ماسات التجنيد والموت البطيء
ومقاطعتي التجنيد وعدم لبس اللباس الزي العسكري كي كنت في القازيرنا
تحدي واصرار هو عاصي ويحكم فينا مجياش وانا اسبيرو حاب نلبس بسيف وداير عملية والله نعرف روحي نقتل روح بسلاح
رحلة التحدي ومعرفة طبيب الفحص للاسف لقيناه تخصص بيطرة

يتبع

charafo dz · 2013-11-01, 12:59

وكي نخرجو من العسكر نلقو كل المناصب اخذوهم البنات + لازم يدرونا حل لهاذ العسكر ولا نوضو الفوضى

3Issamo · 2013-11-01, 18:01

خاوتي انا مفهمتش حنا تعبنا قرينا باه نخدمو نورمالمو الدولة تعاونا (خاصة المجال الطبي) بصح حنا عدنا العكس.
مزيه كاين ربي و نشا الله تفرج..

أحمد زابانة · 2013-11-01, 23:50

أنا نقولكم ما بقاتش هدرة و تبلعيط باللسان .
هدي فتنة نتاع واحد يتخرج 2013 يخدم بالسورسي و يتوظف و واحد متخرج 2008 فما تحت يبلع الريق برك .
و طفلة عمرها 22 سنة تتوظف و راجل بطوله و عرضه تجاوز الثلاثين لا يزال قلبه متعلق بكارث صفراء .
أنا بطلت ما نعشق والو غير وليت نعشق في لاكارث جون نتزوج بيها .
يا جماعة بركاونا رايحين تهدو هد البلاد ، خليونا نعيشو أصاحبي أو.
خليونا بلا مشاكل الشباب راهم كارهين و ما يخسرو والو كون نحبو نخلطوها أرواحو منبعد صفيوها . أو ما خاسرين والو حنا .

amine eco · 2013-11-01, 23:59

قولو حسبنا الله و نعم الوكيل .................

Alpa · 2013-11-02, 11:22

وي نحاوها رانا كيف كيف نسناو في مارس ني خدمة ني كارت جون