لم أنجح في أمناء قسم ضبط حاب تعرف ليه ؟ الجواب هنا .

[amir faouzi]

لم أنجح في أمناء قسم ضبط حاب تعرف ليه ؟ الجواب هنا .
بكل بساطة أبي إنسان متقاعد ...
ماعنديش المعرفة الفوق وين راهم يصححو و ين قاعد تتبدل النتائج من يوم إلى أخر .
عمرك شفت قائمة تاع المسابقة تبقي في وزارة أكتر من شهرين ....
كل واحد يحب يدخل معرفتو و كل واحد يحب واحد قريب ليه يدخلو يخدم حتى ولكان معندوش مستوى ... عليها بقين لخرين .
بصح كاين ربي ... وأنا عارف بلي ربي كبير ، وشد فيه
ونقولها لناس لي ميخفوش ربي وكيلكم ربي ليوم الدين .
حرمتو ناس من الخدمة يستحقونها و خذلتوا ولاد الشعب الضعفاء
كسرتو فينا حوايج بزاف و قطعتو فينا الأمل .
شباب ضاع ...
ويقولك كترة المشاكل و كتر الظواهر الإنحراف ....
وبصح نقولها ورأسي مرفوع ماشي نتوما لتوقفونا ، ربي معانا وربي وكيلكم
و نبقوا ناضلوا و نكافحو و نجاهدوا و عمرهم ما يجي واحد و كسرلنا العزيمة تعنا .
ما تلومنيش قلبي معمر و علبالي بلي ما في يدي والو نقدر نديرو
غير نقول حسبي الله و نعم وكيل في كل من تسبب في تدمير طموح الشباب .
ملاحظة : حاب الفريق الوطني الجزائري يربح مصر على الأقل باش نفرح شوية و ننسي شوية التعب لي كنت فيه .
سمحوني
أخوكم الضعيف

[نينا الجزائرية]

حسبنا الله ونعم الوكيل
ربنا معانا يا أخي انا تاني مجبتوش الكنكور بصح كيما قلت الشدة في الله هو الذي يتولانا

[nadjib25]

الله لا تربحهم يا ربي .. إنشاء الله يعطيهوم بومبة وربي ما فيه غير الخير إنشاء الله يعوضك بما أحسن منها

[futur officier]

المشاركة الأصلية كتبت بواسطة nadjib25

الله لا تربحهم يا ربي .. إنشاء الله يعطيهوم بومبة وربي ما فيه غير الخير إنشاء الله يعوضك بما أحسن منها

السلام عليكم ايها الاخوة انا حبيت نقول للفائزين مبروك عليكم و الي ما نجحوش نقولهم خيرها في غيرها
المهم ما دام الانسان عندو ليسانس ما يخافش
و لكن نتاسف من grifier ولات بالليسانس و بكري كانت بالمستوى سنة 3 ثانوي
انا ما نكدبش عليكم لوكان فوت و خسرت مايبقاش خاطري عليها و نزيدكم بدا العد التنازلي للاعلان عن مسابقة القضاء الله ينجحكم
حقيقة هدي واه خدمة في المستوى و يبقى عليها الخاطر.
سلام

[amir faouzi]

سمحوني نسيت باش نبارك لي ينجحوا ، نقوللكم كلش مبروك ..
بالتوفيق .

[didodroit]

حسبي الله ونعم الوكيل

[asma 85]

يا خاوتي راني منشوكيا منين جبتوا هذي الهدرة .وين خرجت النتائج وشفتوا رواحكم نجاحتوا و مانجحتوش. جاوبوني يرحم والديكم.

[حميد20]

واش ايدير العبد لازم يصبر و يشد في ربي سبحانه ربي ما يضيعش عبده
و انشاء الله ربي يرزقكم لفيه الخير

[هويدة الجيجلية]

السلام عليكم
من فضلكم هل ظهرت النتائج النهائية لمسابقة معاون أمين ضبط
أرجوا اللإجابة من فضلكم

[المعزلدين الله]

مبروك للناجحين
وحظ سعيد للراسبين
المعريفة اي فيها فيها ى
المهم الى فيها اللي بلا معريفة

[المعزلدين الله]

هل فيكم من يعطينا قائمة الناجحين في جيجل

[هويدة الجيجلية]

من لديه قائمة الناجحين في مسابقة معاون أمين ضبط لولاية جيجل
أرجــــوكم أعلموني

[omarzant]

ربي خير والله واحد البروكيرور قالنا كي جوزنا احنا نخدموا اللي راهم عمال في المحاكم والمجالس هؤلامء من لهم الاولوية
واللي ما عندوش المعريفة الله غالب
والله السيد قالها قدامي
وربي يعوض علينا بالخير
والله اكبر

[djemmali]

في الجزائر لازم تشارك ومتخزرش وراك رزقك عند ربي وربي ما ينساش العبد نتاعو خيرها في غيرها .

[algerois77]

المشاركة الأصلية كتبت بواسطة amir faouzi

لم أنجح في أمناء قسم ضبط حاب تعرف ليه ؟ الجواب هنا .
بكل بساطة أبي إنسان متقاعد ...
ماعنديش المعرفة الفوق وين راهم يصححو و ين قاعد تتبدل النتائج من يوم إلى أخر .
عمرك شفت قائمة تاع المسابقة تبقي في وزارة أكتر من شهرين ....
كل واحد يحب يدخل معرفتو و كل واحد يحب واحد قريب ليه يدخلو يخدم حتى ولكان معندوش مستوى ... عليها بقين لخرين .
بصح كاين ربي ... وأنا عارف بلي ربي كبير ، وشد فيه
ونقولها لناس لي ميخفوش ربي وكيلكم ربي ليوم الدين .
حرمتو ناس من الخدمة يستحقونها و خذلتوا ولاد الشعب الضعفاء
كسرتو فينا حوايج بزاف و قطعتو فينا الأمل .
شباب ضاع ...
ويقولك كترة المشاكل و كتر الظواهر الإنحراف ....
وبصح نقولها ورأسي مرفوع ماشي نتوما لتوقفونا ، ربي معانا وربي وكيلكم
و نبقوا ناضلوا و نكافحو و نجاهدوا و عمرهم ما يجي واحد و كسرلنا العزيمة تعنا .
ما تلومنيش قلبي معمر و علبالي بلي ما في يدي والو نقدر نديرو
غير نقول حسبي الله و نعم وكيل في كل من تسبب في تدمير طموح الشباب .
ملاحظة : حاب الفريق الوطني الجزائري يربح مصر على الأقل باش نفرح شوية و ننسي شوية التعب لي كنت فيه .
سمحوني
أخوكم الضعيف

عسى أن تكرهوا شيئا و هو خير لكم، بالاك ربي راهو كاتبلك خدمة خير من هادي.