مؤسسة l'anem بباتنة تضيع ملف تشغيلي اريد حلاا ....؟؟

matagerbatna · 2013-10-27, 12:50

السلام عليكم ورحمة الله وبركاته

اعتقد الموضوع باين من عنوانو انا كأي مواطنة جزائرية تحصلت علي شهاده في الإعلام الآلي هاد الشهادة عندها اكتر من

15 سنة لديا خبرة لا بابس بها في مجالي عملي قررت متلي متل كل شابة جزائرية ان ابحث عن عمل في ولا يتي قالولي روحي l'anem واستخرجي

بطاقه الزرقاء باش يلقاولك عمل استخرجت البطاقه الزرقاء بصراحه ما كانتش صعوبات في استخراجها

بعدما ستخرجتها قالولي لازم تستناي حتي نبعتولك هادا ادا لقنالك خدمه انتضرت لمده تقريبا ثلاث سنوات

بدون فايده لا هما عيوطلي ولا انا رحت وسقسيت بعد هاد المده قررت نرجع لمؤسسة التشغيل ونستخرج وثيقه

من عندهم باش انا نروح ونحوس علي خدمه بنفسي المهم عاطوني الوثيقه وبدأت رحلت البحث الي تفاجأت من خلالها

مدي سوء معاملت اصاحب الشركات والمؤسسات الي كنت نروح ونسقسي ادا كاين عمل ولا لاء بصراحه كانو ينضرو لينا نضرت احتقار

وشمئزاز بمجرد لما نقلهم راني جايا نحوس علي خدمة من طرف L'anem مباشرتاا يقابلوني برفض كاين الي نصحني وقالي لازمك

معريفه باش تلقاي مؤسسه تمضيلك الكونترا ولكن انا رفضت هاد المبدأ المنحط نتاع المعريفه وتكولت علي ربي وكملت البحث

المهم بعد بحث طويل وعريض في المؤسسات لقيت الي يمضيلي علي الوثيقه حمدت ربي وشكرتو

اخدت الوثيقه وتجهت الي L'anem باش يخدمولي كونترا بعد ما جهزت ملفي المتكون من شهاده التكوين وشهاده الميلاد ونسخه عن بطاقه

التعريف وبطاقه الزرقاء .......الخ

بعد ماسلمت الملف كامل خبرني الموضف نرجعلو بعد 15 يوم باش يوجد كونترا بعد مررو 15 يوم رجعتلو قالي عاودي ارجعلي بعد اسبوع

نفس شي بعد المده المحدده الي قاهالي موظف رجعت ولكن مالقيش نفس الموظف قالولي في اجازه ولكن الكارثه لما سألت علي كونترا نتاعي ادا وجدت ولا لااء قالولي الملف نتاعك مش موجود ...!!!!!!!!!!!!!!!!!؟؟؟؟

يعني الملف نتااعي ومجهود التعب الي تعبتو في البحث عن العمل وبهادل وووو ................ضاع في كلمة ملفك ماكنش ما لقناهش

درك عندهم اكترمن اسبوع وهما يجريو فيا كل مره يقولولي ارجعي اسبوع الي جااي نلقاولك حل ...

من يأسي الشديد قررت اني اكتب هاد المعانات وهاد احباط الي صرالي للأعضاء المنتدي

لعلا وعسااا ان اجد عندكم حل لهذه المشكله الي ما لقتهاش حل

تقبلو تحياتي

lalib40 · 2013-10-27, 12:56

هذي هي الجزائر

ام محمد أدم · 2013-10-27, 13:19

هاذي هي باتنة
ربي يفرج عليك و يرزقك من حيث لا تحتسبين

soumiya maria · 2013-10-27, 16:34

انا من باتنة يا اختي وصراطلي نفس المشكل روحي للموديرية اللي لاصقة في لانام وروحي لرئيس المصلحة يحلك مشكلك وربي معاك نشاء الله

HOUARI.A · 2013-10-27, 17:04

ادخلي عند مدير الوكالة و فهميه الوضع لان هدوك خدامة حاسبي رواحهم بزاااااف نفس الامر بالنسبة الي عندما اردت امضاء عقد قالولي مش ممكن انت خارج التخصص بلا بلا بلا الحمد لله نصحني احد الاصدقاء بالدخول عند المدير و امضيت العقد يعني لازم طلعي المشكل للمدير وديريلهم الفوضى و الله هادا ما لازم في بلادنا و الله يجيب الخير

~~عضوية تحت المراقبة~~ · 2013-10-28, 10:00

مام انا حتى لاداس ضيعولي ملفي واللى ورقة الشاك ههههههههه