م ك خميرة شحال فيها من غرام ????????

خيط الروح · 2014-09-04, 11:37

السلام عليكم

ممكن تقولولي ملعقة كبيرة من الخميرة الفورية شحال فيها من غرام

لاني حبيت نجرب وصفات فيها الكمية بالغرام .. وانا استعمل الخميرة الطازجة ..وماعرفتش بشحال نستبدلها

عرفت فقط ان 15غ من الخميرة الطازجة تساوي 7 غ بمقدار الخميرة الفورية
وجدتها في موضوع للاخت fatimazahra09 بارك الله فيها

ربي يجازيكم كل خير

~ السلطانة ~ · 2014-09-04, 12:48

ملعقة كبيرة خميرة فورية فيها 15 غ
لكن واش هي الخميرة الطازجة ؟؟ تقصدي خميرة الخباز ؟

خيط الروح · 2014-09-04, 12:55

بارك الله فيك اختي
ايييه هي خميرة الخباز
هاذي هي

يعطيك الصحة و العافية
شكراااااااااااااااااااااا

~ السلطانة ~ · 2014-09-04, 13:05

العفو ... باينة رايحة طيبي خبز و لا بريوش بالدقيق للي جبتيه من البلاد ... ما تنسايش تخليلي سهمي ...

خيط الروح · 2014-09-04, 13:10

ههههههههههههههه فقتيلي
لالا .. انا الخبز ندير عيني ميزاني يعني عندي عبر موالفاتو
بصح حبيت نسيي كرواسون

~ السلطانة ~ · 2014-09-04, 13:12

بصحتك الكرواسون ... انا قلت حابة ديري خبز الدار ... قلت نمدلك طريقتي ههههههه

خيط الروح · 2014-09-04, 13:12

في الحقيقة سييتو مرة جاني هايل
بصح غدوة من داك مابقاش طري كيما كان
على هذا حبيت نعاودو بمقادير مضبوطة

خيط الروح · 2014-09-04, 13:13

مانقولش لالا .. افيديني بطريقتك اذا مافيش ازعاج

هههههه مانطلقكش

~ السلطانة ~ · 2014-09-04, 13:17

انا في كل انواع الخبز صراحة لا اثق في المعلومات العربية ديما نشوف تاع فرنسا ...
انا جربت الرايب في كل انواع الخبز يعطي نتيجة روعة لكن ما نسخنوش على النار نحطو في مكان دافئ و نخليه نستعملو فقط للخبز ...
الكرواسون جبرتو مرة لكن ما كنتش راتبتلو مليح جاني شوية شوية ...

خيط الروح · 2014-09-04, 13:22

تستعمليه في مكان الماء
ولاّ تديري شوية وتكملي بالماء

~ السلطانة ~ · 2014-09-06, 09:50

اقتباس:

المشاركة الأصلية كتبت بواسطة louparadisa

تستعمليه في مكان الماء
ولاّ تديري شوية وتكملي بالماء

صباح الخير ... نعم في مكان الماء ... ما نستعملش الماء خلاص.

خيط الروح · 2014-09-06, 09:54

السلام عليكم
شكرا اختي
ربي يجعلها في ميزان حسناتك ان شاء الله

خيط الروح · 2014-09-06, 10:06

كي شفت الكوس اللي في الصورة الرمزية
تاعك تفكرت انك انت صاحبة موضوع اللي تحب الخياطة تتفضل ...
كنت دايما نتبعكم ونطل عليكم نشوف اذا بديتو.. ماحبيتش ندخل معاكم لاني ماعندي ادنى فكرة على اساسيات الفصالة

نعرف نخيط برك حاجات simple كيما les rideaux et les draps

ربي يوفقكم
ويجعلها في ميزان حسناتك