ما تفهم والو في المدرسة لأنك ما تسقسيش...كي ما تفهمش حاول تفهم بأي طريقة...روح للقرايين و ألصق فيهم...روح لأساتذة ملاح في مؤسستكم و قوللهم يفهموك في أي حاجة ما فهمتهاش....حتى و لو كنت ما فهمت والو روح للأساتذة و التلاميذ الملاح و ألصق فيهم حتان تفهم الفكرة...من بعد روح للدار وحل تمارين عليها باه تتوسع مفاهيمك عليها
بالاك تحشم ولا تقول :" بزاااف نضل نروح للأساتذة لي ميقرونيش ونسألهم , هكذا نقلقهم "...ماكانش منها...طلب العلم مافيهش حياء...و هذا واجبهم , واش قاعدين يديرو في المدرسة كي ميفهموش التلميذ ؟؟!!....اتفكر بكري كيفاش كانوا يطلبو العلم...يروح من المغرب حتى العراق باش يجيب معلومة وحدة.....ونتا من كلاسة لكلاسة ماتروحش !!!!!
ما ترجعش لداركم حتى تهز الفكرة وتفهمها.......
مثلا مفهمتش مبرهنة القيم المتوسطة....في وقت الراحة هز ورقة وستيلو وروح لكشما أستاذ رياضيات مليح (مش شرط يقري الثالثة ثانوي) وسقسيه :"أستاذ كيفاه نثبتو بلي معادلة تقبل على الأقل حل واحد في مجال معين...أستاذ كيفاه نثبتو بلي تقبل حل وحيد ....الخ
واعر باه تقرا كلش وحدك....مليح تلقى لي يوريلك و يعلمك...
بالتوفيق
( تقرير عن مشاركة سيئة )، و الموجودة أسفل كل مشاركة .
2013-10-21, 21:57
أريد ترك المدرسة؟؟
العرض المتطور
