راني في ورطة عاونوني

نورانيات · 2013-10-12, 07:43

السلام عليكم، صباحكم سعيد أخواتي راني حبيت تعاونوني في طريقة تحضير الفطاير كيما تاع برا راجلي دايما يقولي علاه السفنج تاع الدار ما يجيش كيما تاع برا وراه حطني في اختبار صعيب باش نديرلو الفطاير خفاف كيما اللي يتشراو ما علابليش كيفاه راني معولة عليكم كشما تفيدوني زعما زعما قدام راجلي راني نعرف ندير كلشي مارانيش حابة نتبخس قدامو المرة هاذي. عاونوني واعطوني السر في طريقة تحضير الفطاير راني نستنى .

bsiham · 2013-10-12, 08:59

واش راكي تقصدي بالفطاير اذا كنتي تقصدي سفنج الزيت نقدر نعاونك بويسك التسمية تختلف من منطقة لاخرى

نورانيات · 2013-10-12, 10:15

ايه اختي سفنج الزيت اللي يجي كبير ورقيق في الوسط ربي يخليك

bsiham · 2013-10-12, 15:49

اسمحيلي اختي هدا وين شفت المشاركة نتاعك
هداك يا ختي تدلكيه مليح طبعا ومن بعد السر يكون في انك متجريهش ياسر يعني تخليه شوي يابس على واش موالفة تديريه ومن بعد كي تقرصي الحبة تلوحيها في الزيت وفورا تبداي تكبي عليها الزيت بالمغرفة من المقلة وهذا تاني سر باه يطلعلك لكن اهم شئ انك متحلحليهش وهذا السر عطاتونا مرت خالي الله يجازيها خير ومن داك دائما رجع السفنج تاعنا يجي توب والله يجي خفيف وفرغان من الداخل يجي هايل ان شاء الله نكون فدتك وان شاء الله يصلحلك ويحمرلك وجهك قدام راجلك وكامل الي يدوقوه
واذا مفهمتيش اكتبيلي نعاود نشرحلك