ساعدوني ارجوكم فيما يخص شواء العيد

mari_boutole · 2013-10-12, 17:14

هدخ اول مرة نوفت عيد لاضحى في بيتي مع زوجي لجد لها وقع خاص لي و لي زوجي وخاصة اننا في الغربة لدا اردت ان يكون يوم مميز نحس يجد راني في العيد ادت اردت ان اعمل طبق شواء لكن لا نملك شواية وهدا لانها غير عملية في منزلي لدا اريد طريقة اخرى اشوي بها مع نصائح لنجاح العملية ايضا اريد اطياق بالدوارة وصحي عيدكم وكل عام وانتم بخير

*عاشقة الجنة* · 2013-10-12, 17:26

أولا ربي يهنيك مع راجلك ويرزقكم الذرية الصالحة ان شاء الله

شوفي حنونة احنا ماما تحط شواية هذي يعني تقدري تستعمليها انت
في بيتك

وحطي تحتها صحن باه الدم اللي يخرج من اللحم تحتفظي بيه

مبعدا قطعيه قطع صغيرة وديريه في مطارق الشواء اي الاعواد

وشويهم شوي تاني فوق هذيك اللي نطيبو فوقها المحاجب و الرقاق
والترييييييدة ......نظن فهمتيني

وكي تكملي حطيهم فوق صحن مغلف بورق الالمنيوم وفرغي
فوقهم هذاك الدم اللي احتفظتي بيه

شوفي يمكن هذو المواضيع يزيدو يفيدوك ف العيد
https://www.djelfa.info/vb/showthread.php?t=1136382
https://www.djelfa.info/vb/showthread.php?t=1137151
https://www.djelfa.info/vb/showthread.php?t=1136760

وصح عيدك حنونة

تعيشي دعوة خير تكفيني .......ربي ييسر أموري
ويشفيني عاجلا غير اجل

ام الهضاب · 2013-10-12, 17:34

ربي يعينكم أختي
حطي طاجين المفرمسة انتاع لحديد فوق الطابونة و شعلي النار قوي و حطي فوقو شحمة الردا و ادهنيه املييح و خليهم في لحواشي باش ماينشفش الطاجين ثم لوحي الكبدة انتاعك أو أي حاجة حتى ليكوت ايطيبو و الله ايجي ايهبل كم الشواء و في الاخير خذي جمرة و حميها و لوحيها في النص و فوقها قطرات زيت و اغلقي أعلى الطاجين الي داخلو اللحم و كانه مشوي

mari_boutole · 2013-10-12, 17:39

الله يشفيك ويعطيك متتماني لكن مزلت مفهمتش الفكرة جيدا كيف يخرج الدم على الصحن في العملية لاولى وايضا اضع الدم على الشواء بعدما ييطيب ونزيد نطيبوه بعدها ام مادا

*عاشقة الجنة* · 2013-10-12, 18:06

اقتباس:

المشاركة الأصلية كتبت بواسطة mari_boutole

الله يشفيك ويعطيك متتماني لكن مزلت مفهمتش الفكرة جيدا كيف يخرج الدم على الصحن في العملية لاولى وايضا اضع الدم على الشواء بعدما ييطيب ونزيد نطيبوه بعدها ام مادا

لالا اختي
شوفي كي نشوي اللحم بالطبع يقطر منو الدم ملا نحط تحت الشواية اي تحت الطابونة
صحنة ونجمع هذاك الدم
وكي يوجد الشواء وتحطيه في صحن التقديم حطيه فوقو بلا متزيدي اطيبيه

mari_boutole · 2013-10-12, 18:20

نعم انها فكرة بجد رائغة لكن لالاسف حتى طابونة لا لملك عنديةغير فزينيار

mari_boutole · 2013-10-13, 13:51

اين الردود ]]]]]]]]]]]]]]]]]]

فريال88 · 2013-10-13, 14:11

اختي ديري اللحم في الطاجين او الطاوة اذا عندك يجي بنين حنا نديروه كل عيد و يجي روعة يعني اذا حبيتي تشويه فهمتي هذي طريقة تاع شواء و اذا حابة مقلي ديريه عادي في المقلة و شوية زيت

الدنيا · 2013-10-13, 14:43

اختي يلا عندك كرلاجة او غرانيطو ديريها فوق الفرن و نقصي النار و اشوي فوقها هذي طريقة وراتهالنا اخت من بسكرة

وبشر الصابرين · 2013-10-13, 18:24

تقدري تشوي في الفرن تحطي لحم المتبل فوق الشباك نتاع الفرن و تشعلي من الفوق فقط وتوضعي بلاطو تحت الشباك باش يقطر فيه لحم و ما يتوسخش الفرن و صحي عيدك

mari_boutole · 2013-10-13, 20:54

اقتباس:

المشاركة الأصلية كتبت بواسطة فريال88

اختي ديري اللحم في الطاجين او الطاوة اذا عندك يجي بنين حنا نديروه كل عيد و يجي روعة يعني اذا حبيتي تشويه فهمتي هذي طريقة تاع شواء و اذا حابة مقلي ديريه عادي في المقلة و شوية زيت

شكراااااااااااااااااا لكي وصحى عيدك

mari_boutole · 2013-10-13, 20:56

اقتباس:

المشاركة الأصلية كتبت بواسطة lamisse3

تقدري تشوي في الفرن تحطي لحم المتبل فوق الشباك نتاع الفرن و تشعلي من الفوق فقط وتوضعي بلاطو تحت الشباك باش يقطر فيه لحم و ما يتوسخش الفرن و صحي عيدك

انها فقكرة تشتحق التجريب شكرا لكي وصحى عيدك

ميرال هبة الرحمان · 2013-10-14, 09:05

السلام عليكم و ربي يهنيك ............يا اختي ديري اطراف اللحم في الكيكوط و تبليه و حطي شوية ماء و اغلقي الكيكوط و نقصي عليه النار و خليه يطيب اذا كان اللحم تاع خروف راه يطيب بالخف و بعد حمريه في مقلة ...................و حطيه في صحن جميل و تكليه بالصحة و الراحة .https://www.djelfa.info/vb/showthread.php?t=1136760