احتاج رأيكن بخصوص ملابس حريم السلطان؟؟

*قلبي ملك ربي* · 2014-07-07, 16:46

السلام عليكم و رحمة الله تعالى و بركاته
اتمنى ان تكن بخير اخواتي الغوالي

حابة نسقسيكم على موديل حريم السلطان ،،وشنو هو القماش اللي نستعملوه؟و شحال يدير بالتقريب؟
لانو سقسيت الخياطة قاتلي satin تاع القفطان وشنو غالي شوية حوالي 140 الف (مع العلم انو الحانوت يغلي شوية)

هل نقدر ندير بقماش وحدوخر بحيث السعر يكون معقول،
لانو بهادا اللي قتلكم عليه مع هي دومونداتلي 3 متر و نصف و زايد الخياطة يخرج حوالي 700 او 800
مارأيكن؟؟
شكرا مسبقا

]

fatma1977 · 2014-07-10, 11:20

روحى شوفى ورشة السطايفية نتاع قفطان حريم السلطان والمسابقة نتاع تألقى بالقفطان راهى فيها لمودال شابين وزيد زيادة هذ الحانوت غالى بالزاف أنا شريت القماش ستا قومى ب40ألف المتر برك وكاين الى يعملوه من البيزو بيزو ولا قماش الجلد تانى يجيك هايل وكاين ستا منور حتى هو باهى إن شاء الله تلقاى مرغوبك

*قلبي ملك ربي* · 2014-07-17, 18:43

اقتباس:

المشاركة الأصلية كتبت بواسطة fatma1977

روحى شوفى ورشة السطايفية نتاع قفطان حريم السلطان والمسابقة نتاع تألقى بالقفطان راهى فيها لمودال شابين وزيد زيادة هذ الحانوت غالى بالزاف أنا شريت القماش ستا قومى ب40ألف المتر برك وكاين الى يعملوه من البيزو بيزو ولا قماش الجلد تانى يجيك هايل وكاين ستا منور حتى هو باهى إن شاء الله تلقاى مرغوبك

صح غالي مي هو ساتا ماشي الواقف هدا زعم genre مليح،،،لكن كيما قلتي غالي
معليش توضحيلي وشنو قماش الجلد؟؟اكيد ساعمل بنصيحتك معليش ايدا ممكن تضعي لنا الرابط
شكرا اختي نورتي الموضوووووووووووع
بارك الله على الافادة

fatma1977 · 2014-10-01, 07:08

إسمحيلى هذا وين رديت عليك روحى تصفحى قسم الخياطة الموضوع مثبت للاخت كرونو راح تلقاى ورشة قفطان حريم السلطان وورشات أخرى منقولة من منتدى مغربى ربى معاك وصباحك فل ويسمين