زواج الأقارب !!!

[كادي12]

يا خاوتي في هذا الجو والعصر الذي تغزوه التكنولوجيا وزيد عليها الشك وكلام الناس حاب نسقسيكم وش رايكم في الزواج ببنت قريبة لك؟؟

[oum anas 69]

أخطيك منو فيه المشاكل بزاااف
أنا متزوجة بوليد عمي تمنيت في يوم من الأيام أنو هذا زوجي يكون براني عليا
الحمد لله ضرك عايشة أنا وياه مليح بصح قبل ذلك في أولى زواجي دارهم قريب خرجوني من حبال عقلي وليكن في علمك أنو بيناتنا بحر ... مزية جا البعد و جيت أنا عاقلة ودرنا مايردوش المنكر و صبرت حتى فرج عليا ربي

[حميد.ص]

هناك بعض المشاكل الصحية مرتيطة بهذا النوع من الزواج

[الجيل الجديد]

غير اخطيـــــــــك منو ينتج عنه بعض المشاكل الاجتماعيـــة والصحيـــــة

[مواطنة]

اذا كانو اهل الزوج و الزوجة ملاح بزاف و كذلك الزوج و الزوجة يعيشو بطريقة رائعة لكن غير يكون طرف من الاطراف مختلف من حيث الطيبة
هن تبد المشاكل الصعيبة لانو فيها صلة الرحم
على العموم اذا اراد الشاب الزواج بفتاة صالحة يحاول يشوف الجيران البعاد او معارف الاخوات او الام و يبعد قدر المستطاع عن العائلة لانو فيه مسؤولية الزواج و مسؤولية احفاظ على صلة الرحم
اما اذا كان الشاب يفكر في الزواج ببنت معينة من العائلة فهذا شيء اخر يحاول ما يسكنش الزوجة بين اهلو باش يبقاو محترمين بعضهم ويبقى هذا رايي الشخصي و عن تجربة

[خالد1971]

اسأل طبيبا أظن لا بد من بعض التحاليل لسلامة صحة الأبناء و الله أعلم .

[زرقـآء اليمآمـة]

السلام عليكم
يقول المثل: القرب يجيب الكلام والبعد يجيب السلام
من الاحسن اجتناب الزواج من الاقارب لما ينجر عنه من مشاكل وامراض
اعرف الكثير تزوجوا من اقاربهم انجبوا اطفال مرضى ذهنيا وحركيا

[كادي12]

شكرا على المرور وردودكم المحترمة

[aymen01]

الدين نتاعنا ما حرمش زواج الاقارب ماتقعدوش تتفلسفو

مشي مليح كي يعودو الاهل مش ملاح

و قادرا تدي من غير الاقارب و كاين مشاكل

[Delka]

شرط الاساسي في اختيار شريكة العمر هو الصلاح ( الرزانة ’ الدين’ الثقافة) .


توكل على الله و احزم أمرك .

[ايمان نور الجزائر]

اذا كانت العائلات متفاهمة ومكانش مشاكل اجتماعية في بعض الحالات وزواج الاقارب لا يشجعها
سيكون هناك بالتاكيد جملة من المشاكل الصحية
لذلك....لا انصحك

[samir.sami]

أنصحك بصلاة الاستخارة لقول الرسول عليه الصلاة والسلام"ما خاب من استخار وما خاب من استشار"