انا اخر من يعلم

[مشكلتي]

السلام عليكم

مشكلتي هي صديقتي
العام هاذا طحنا في نفس القسم ونقراو مع بعضانا المهم هي بغات تبدل القسم وما قالتليش عرفت بالصدفة
خترماكش جات وقالتلي هاتيلي بورتابلك بغيت نبعث ميساج لماما واعطيتلها وكتبت مساج لماماها وبقات تزن ع راسي فاسيه امحيه
وقلتلها خلاص اني محيته ووانا حكمني الفضول وممحيتوش ولقيتها كتبت اماما قولي لبابا يجي المدير او هنا باش يبدلني

انا انصدمت يعني وكتاش في قولها تقولي كي تجيها ورقة التبدال ؟؟ وﻻ كي نقولها هيا نروحو نقراو تقولي اسمحيلي اني بدلت وﻻ يجيو البنات منهيه يقولولي صاحبتك وﻻت تقرى معانا
يا جماعة ما غضنيش الحال علاش بغات تبدل بصح غاضتني علاش انا اخر من يعلم ع الاقل تقول

ظرك راهي دارت روحها غضبت ﻻني قريت المساج اصلا دايما تهرب كي يكونو المشاكل وكي واجهتها ناظت تغوث وتعيط قالت مبغيتش يعيطوا عليا العباد قصدها يحسدوني
وعلابالي فيها هايشة ومتقصدش حاجة بهدرتها ممكن ﻻني باغيه نعذرها وحتى متقولوش راني مالفة نحسدها وﻻ نهدر عليهﻻ وعلى اخبارها
ربي يشهد عليا انها الاقرب وعينيا ما يغلاوش عليها والي يقيسها هداك نهاره

تخبط راسها للحيط بصح والله حبها ربي كي عرفت ظرك خير من مبعد ع الاقل التهيئة النفسيه