هذي هي الحياة

[سارة ^-^]

سلام عليكم


علاش بزاف حاجات ما نعرفو قيمتها حتى كي نخسروها و ضيع منا ؟؟؟ صحا علاش نتقلقو كي خسرناها ؟؟ ... كون

جينا نحبوها ما نخلوهاش تضيع منا؟ صحا بعد ما ضاعت علاش نتقلقو و ضيق علينا الدنيا .... بالاك ربي مخبيلنا حاجات

ماخير ؟؟ علاش منصبروش؟ علاش منتفاؤلوش ؟؟ ممكن يطول علينا الوقت و احنا نستناو في الفرج من عند ربي ..

ممكن نفدو .. ممكن نحسو رواحنا وحدنا و ماكاين حتى واحد نشكولو ... حتى و كون حكينا و فضفضنا ماش باش نحكو

الحاجة اللي مقلقتنا نتاع الصح .. ولا نحكو لكن نحسو حتى واحد فاهممنا ولا راح يفهمنا ... المهم انو القلق و المشكل

باش يبقى دخلاني و ماشي باش يوجعنا احنا .. هذا حالنا الناس الكل ... لكن نفرقو على بعضانا من طريقة تعاملنا مع

حالتنا النفسية بحيث كاين الي ضيق بيه و يكره حياتو و كاين لي يولي منطوي حدو حد روحو مايحب يحكي مع حد ..

كاين لي يحاول يهرب من مشكلتو و يعمل مشاكل مع العباد الي دايرة بيه و يولي قاسي و اناني معاهم و كاين الي

يكبر مخو يحاول ينسى روحو و يعبي الفراغ بحاجات اخرين يحبها حتى يسهل ربي و يفرج عليه من المحنة الي هو


فيها .....


المهم ,, لازم كلنا نكبرو مخاخنا هكا و نتوكلو على ربي و ان شاء الله ما يكون غير الخير

[غني عن التعريف]

ساعات الحرص الشديد هو لي يخلينا نخسرو هذيك الحاجة