منهارة و محتارة

[مشكلتي]

سلام انا كتبت بزاف فهاد الركن عن مشكلة الخيانة و سمعت نصائح و طبقتها لكن للاسف زوجي لا يتوب ابدا بل العكس راه يزيد يتمادى و كل يوم نكشف حاجة جديدة صبرت بزاف و حملت بزاف و هو لا حياة لمن تنادي كيفاش نعيش مع انسان زاني دعيت ودعيت ودعيت قلت ماعليش ما نخربش داري و نيتم بنتي بصح للصبرحدود راني نخمم فالانفصال و حتى هاد الشي ما هوش ساهل و هو عمرو ما يعترف بالخطا ديما ينكر و يقول انت مشكاكة و انا عارفة وكاتمة نقول عيب نفضحو مهما كان يبقى ابو بنتي بصح علاش ولا الزمان هكا لي ادير المستحيل عليه و تعطيه حياتك يغدرك سؤالي خاصة للمتزوجات لو كنت مكاني واش اديري تصبري على جال الولاد ولا تطلقي و زعم التهديد بالانفصال يقدر يردو للطريق كلمة منكم او دعوة يمكن تفيدني اذن ما تبخلوش عليا جزاكم الله خيرا