الله يستركم مانيش حاب نظيع عامين فلارمي القاولي حل

hamza touazi · 2013-09-28, 12:45

حياتي ظاعت من نهار وصلني الاستدعاء قالك البرواقية راها تعيط انا نخدم فبودواو ونسكن فالعاصمة البارح وصلني الاستدعاء تاع لارمي مع انو ماسجلت موالو انا جوزت الباك ومجبتوش بالمراسلة وراح نعاودو هاد العام نقدر نديلهم شهادة مدرسية تاع المراسلة يقبلوها يعني او لا منيش حاب نروح القاولي حل الله يستركم

hamza touazi · 2013-09-29, 08:43

حلبونا ياناس

جمال الدين · 2013-09-29, 09:19

هل قمت بإجراء الفحص الطبي الإنتقائي على مستوى مركز الخدمة الوطنية عندما بلغت من العمر 18 سنة
ـ هل تعاني من مرض ما
ـ هل لديك وثيقة تثبت أن لك مدخول
ـ هل لك إخوة في الجيش سواء مجندين أو يؤدون واجب الخدمة الوطنية
ـ هل أنت كبير العائلة
ـ هل سبق لكم و أن كنتم من ضحايا الإرهاب

أجبني على هاته الأسئلة بالقدر الكافي و أتمنى أن أكون لك عونا للحصول على إعفاء أو إرجاء تجنيد

hamza touazi · 2013-09-29, 11:23

هل قمت بإجراء الفحص الطبي الإنتقائي على مستوى مركز الخدمة الوطنية عندما بلغت من العمر 18 سنة لا لم اقم لانني لم اسجل نفسي مكنتش كامل سامع بيهم
ـ هل تعاني من مرض ما لالا الحمد لله ماعندي والو
ـ هل لديك وثيقة تثبت أن لك مدخول كيفاش مافهمتش تخد فحانوت واش من وثسقة زعما
ـ هل لك إخوة في الجيش سواء مجندين أو يؤدون واجب الخدمة الوطنية والله ماعندي عندي اخ تان جابولو الاستدعاء اكبر مني مراح محوس عليهم مع انو عندو مرظ في ظهرو محبش يخدم كوارطو لاه غالب كما نقوقلو معندوش راي كامل
ـ هل أنت كبير العائلة لالا انا الثاني في العائلة بعد اخي
ـ هل سبق لكم و أن كنتم من ضحايا الإرهاب لالا اخي الحمد لله ياودي مدينا والو من البلاد هادي وعلاش نروح نظيع عامين في باطل

أجبني على هاته الأسئلة بالقدر الكافي و أتمنى أن أكون لك عونا للحصول على إعفاء أو إرجاء تجنيد
الله يسترك يااخي في الله عاوني القالي حل تعيش انا من براقي حبيت ندخل لابوليس ولا كاش حاجة وزيد كنت قالولي ماركي ستاج ميدوكش البارح اخر اجل تماركي فالتكوين كفاش ندير انا البرية جابوهالي لي جوندارم روطار بوسك نومارمو نلتحق لمركز العبور فبليدة موزاية منذ عشرين يوم ومبعد يبعتوني واقيل للبرواقية ماني فاهم والو

thamourth · 2013-09-29, 21:06

روح للبرواقية تدرب جيدا كل جيدا و مارس الرياضة ما يوحوش 18 شهر باطل هدا هو الحل اللي درتو انا.......ادا انت من الناس اللي تمشي بدراعها تخدم و ماتطلبش هكدا و ادا العكس عليك و على التليفون

أميرة الجزائر · 2013-09-29, 23:28

وشم فالمعصم تاعك 3 نجمات

thamourth · 2013-09-30, 11:01

اقتباس:

المشاركة الأصلية كتبت بواسطة أميرة الجزائر

وشم فالمعصم تاعك 3 نجمات

كيدكن عظيم يا أميرات.......علاش ماتحبوش الراجل؟؟؟؟من الشما و خلاصو النجوم.....النسا ياه..........

hamza touazi · 2013-10-01, 12:20

اه ياربي الله ستركم واش ندير قتلكم عاونوني مشي استشفاو فيا

zakk · 2013-10-01, 16:58

نعطيك حل شوف كاش خيط وشريها هدي بلاد ...

lydia1990 · 2013-10-01, 17:11

اقتباس:

المشاركة الأصلية كتبت بواسطة hamza touazi

اه ياربي الله ستركم واش ندير قتلكم عاونوني مشي استشفاو فيا

rouh jawzou ya khouya o thana atkal ala rabiiii bonne courage

bilel0522 · 2013-10-01, 18:05

و الله يا أخي كثرو بزاف الي يدبرو عليك باه تعقبها و حتى البنات ولاو يتدخلو هنا هي بالها بلي كي تعقب العكسر راك تولي خير منها لكن الواقع العكس تربحك هي في قضية الوقت انت 18 شهر الي تفوتها كيما قاللك جاكي شان الي راه حابنا نعقبوها ذراع تفوتها جريان كل يوم و تدرب على سلاح تاع وقت العدوان الثلاثي على مصر إذا شفيت عليه كثر ربي غير الجهلة في هذه البالد و حبو يرجوعهم واجب بالسيف راهو تشوفوا واشهم حقوقكم و مباعد أهدروا على الواجبات و أنت يا خويا العزيز ما خاسر والو روح لمركز الخدمة الوطنية إذا كان الإستدعاء الي في يدك ماشي الأخير و أدي معاك شهادة مدرسية بما أنه هذا هو مستواك لانه الجامعي هو الي ميقبلوش عليه المراسلة لكن في حالتك راهو مستواك و حاب تطلع فيه لذلك بإذن الله يقبلوه منك و إذا مقبلوش يمدولك سورسي عندك حلين إما تروح تعقبها و تخلي الخدمة متخافش كاين البنات مختاجين الخدمة يخدمو في بلاصتك و لا متروحش و متديرش عليهم و راك خدام لأنك إذا متحتاجهاش مكلاه تروح أوكي و بالتوفيق خويا العزيز

~~بن ثابت3~~ · 2013-10-01, 18:48

اقتباس:

المشاركة الأصلية كتبت بواسطة hamza touazi

حياتي ظاعت من نهار وصلني الاستدعاء قالك البرواقية راها تعيط انا نخدم فبودواو ونسكن فالعاصمة البارح وصلني الاستدعاء تاع لارمي مع انو ماسجلت موالو انا جوزت الباك ومجبتوش بالمراسلة وراح نعاودو هاد العام نقدر نديلهم شهادة مدرسية تاع المراسلة يقبلوها يعني او لا منيش حاب نروح القاولي حل الله يستركم

عندك حل مليح
وهو ان تسجل في التكوين المهني بكشف النقط السنة الثالثة وتستخرج شهادة دراسية من التكوين
وتعمل بها تأجيل
ربي يسهل لك
الله يسلكنا منها جميعا

moh_alg · 2013-10-01, 22:13

سجل في تكوين وجيب شهادة مدرسية واجل
ولا عبز ديركت قاجي راهي بقات غير الكاسكيطة

sido milano31 · 2013-10-01, 23:08

سجل في التكون المهني تضمن تلات سنوات من السورسي ومبعد ربي يحله ربي عندما تروح دير سورسي بالتكون المهني لن تمون متابع

وفي الاخير هدي بلاد النساء فقط الرجال راهم في الارض وطيحولهم نيفهم الله ينعلهم

تخرجت من الجامعة وراني حياط + قالك ارواح لارمي والمادامات يخدمو نوررمال يخي بلاد هدي قولو

hamza touazi · 2013-10-02, 08:07

التكوين المهني راهو خلاص اخر اجل للتسجيل انا راح نسجل باك ليبر هاد لعام وادا قدر الله ورحت انا نكاجي مي فهموني كفاش وواش معنتها تكاجيي تعيشو