بحاجة راي محامي او قاضي

مشكلتي · 2013-09-30, 17:42

يا خاوتي انا امي تزوجت بواحد ماشي جزائري الي هو ابي
ابي جا للجزائر و كان سنو 18 سنة و كي ولا في الثلاثينات تزوج امي و قعد هنا في لجزائر بجنسيتو و حنا دينا جنسيتو
توفى الله يرحمو من قبل 20 سنة
تعذبنا حنايا هنا لانو زدنا هنا و تربينا هنا و ما نعرفو حتى حاجة على البلاد الاخرى الا انو جنسيتنا منها
المهم جا قانون بوتفليقة في 2005 الي عطا الحق للابناء الجزائريات بالجنسية الاصلية
و الحمدوالله دينا الجنسية الجزائرية و الحمد الله الدزاير بلاد الخير رانا لباس علينا
ليوم حبيت نعاود بطاقة التعرييف الوطنية تاعي
و تفاجات انو كاين سؤال يقول الجنسية الحالية :....................
سنة اكتساب الجنسية : .......................
ثم الجنسية الاصلية :........................
في هادي الحالة و انا اخذ الجنسية الجزائرية الاصلية ماذا اجاوب
هل اجاوب على سنة الاكتساب و اكتب الجنسية الاصلية جزائرية
ام اكتب سنو اكتساب سنة 2005
و الجنسية الاصلية جنسية ابي ؟
اذا كتبت انو النسية الاصلية هي جنسية ابي
اذا جنسيتي الجزائرية ليست اصلية ؟
و في قسم الاب هناك ايضا
جنسية الاب الحالية جنسية الاب الاصلية
في حالة انو متوفي هل اجاوب على هته الاسئللة ام اكتب متوفي ؟

imane bela · 2013-09-30, 20:15

madam yemak 3andha jensiya asliya w babaha tani
alr tektasbou eljensiya eljazayriya elasliya nrml makayen hata ichkal

مناد بوفلجة · 2013-09-30, 20:27

فعلا الجنسية الجزائرية تساعدك في تسوية بعض أمورك الإدارية

و بما أنك تملك الجنسية الجزائرية

فلا يهم جنسية السابقة

أكتب عادي ،

جنسيتك السابقة ، و الحالية

دون أن تبالي

يعني : أكتب الحقيقة

أحيانا عندما تكون لك جنسيتان ، تكون الأوفر حظا في عدة ملفات إدارية بالجزائر

ما فهمت والو · 2013-09-30, 22:57

يا اختي راكي تجري على الجنسية الجزائرية ؟

نورسين.داية · 2013-10-01, 07:18

السلام عليكم

بالنسبة لي هذا الموضوع ليس فيه لا محامي و لا قاضي .....أنت لست في إطار منازعة قضائة .....لديك مشكل إجرائي بحث

توجه الى الإدارة المعنية .....و إسأل في الموضوع .............

الجنسية الجزائرية ........لأنها دايرينها سبيل .................تكتسب حتى لو كان يهودي بمجرد إثبات الإقامة لمدة عشر سنوات فقط .......يعني مثلا ممكن راه جارك لي ساكن بجنبك يهودي ...................نورمال سياسة التطبيع المستترة
فالجنسية الجزائرية تكتسب بسهولة يكفي إثبات أن احد الوالدين جزائري ....أو حتى لو لم يكن الوالدين جزائريين بمجرد الولادة بالجزائر تمنحك الجنسية الجزائرية ......هذا إدا إرضى علينا و حب يأخد الجنسية الجزائرية .......راني قتلك سبيل .

بإستثناء ريئس الجمهورية الدي يشترط فيه الجنسية الجزائرية الأصلية أما بالنسبة للإدارات المحلية لا يشترط الجنسية الأصلية يعني مثلا .....عضو المجلس الشعبي البلدي ......أو عضو المجلس الشعبي الولائي ...............
قد يكون يهودي تاني هو .............نورمال .........................حتى في أعضاء البرلمان ............. لا تشترط الجنسية الأصلية ......................................
وفقك الله أخي

السيدة كرمين · 2013-10-01, 09:41

يعتبر جزائري، كل من ولد من أب أو أم جزائرية، "المادة السادسة من المنشور رقم 05/01 المؤرخ في 27 فيفري 2005 المتعلق بقانون الجنسية الجزائرية"
هذا يعني أن جنسيتك جزائرية أصلاً وليست بالاكتساب
اذن في الوثائق تكتب أن جنسيتك الجزائرية هي الأصلية
ولاشئ غيرها

مواطنة · 2013-10-01, 10:37

من الاحسن التوحه الى الداءرة و التكلم مع احد المسؤولين المختصين لمعرفة كيفية ملأ و معنى كل العبارات لانهم ادرى بما كتب كذلك ادرى بقوانين الدولة و الجزئيات المتغيرة في بعض المواد

أمة المجيب · 2013-10-01, 16:06

الجنسية الجزائرية في حالتك هذه هي جنسية أصلية بمعنى أنّ منحك للجنسية بعد 2005 له أثر رجعي إلى يوم ميلادك