و الله حرت عاونوني في القرار

[Meriemchawiya]

السلام عليكم راني نكتب من عند اختي مريم شاوية
انا انفال صديقتها
حبيت تعاونوني انا عندي 30 سنة في عمري
تفدم لخطبتي واحد يعني دلوه عليا انا مستوايا جامعي و نعمل و هو قالي يخدم في فلاحة و عندهم صياغة و مقاولة يعني مع خاوتو و دارهم شوية متشددين في التعامل بيعني الخرجة و الدخلة
و تاني نتزوج معاهم و عندو 2 خواتاتو كبار مش متزوجين و 5 خاوتو رجال تاني مش متزوجين
و الله راني حايرة نقبل و الا لالا حنا من النوع الي نخرجو و نسافرو
و عمري ما توقعت نتزوج في العايلة شورو عليا مع العلم هو مصلي و ولد فاميليا

[شيماء الهادئة]

انا اراه مناسبا وعلاش لا صلي صلاة الاستخاارة عدة مراات وما تضيعيش من يديك اذا انتي موافقة مبدئياا وهاذوك الصوالح يجي بالمفاهمة معاه نصيحتي مترفضيهش بدون سبب .وكيما قلتي راه لاباس بيه يقدر يدير لك دارك وحده ولو ماشي من نهار الاول يمكن من بعد .ربي يسهل عليك اختي ويقدم لك اللي فيه الخيير

[achwak crazy girl]

انا تاني نوافق الاخت شيماء يعني علاه تضيعي فرصة جوهرية كيما هااادي نورمال مراحتش خواتاتو 10 ولا 15 لكن المهم الهناء اومبعد يفرج ربي راكي تولي تخرجي وتسافري كيما تحبي انا راني قتلك وانت دبري راسك الاخت

[مراد سابقا2]

سنك 30

حذار

[جويرية الإيمان]

أنتي أول صل الإسخارة

يعني اسخيري ربنا أولا

و إنشاء الله يديرلك مخرج إما تقبلي أو ترفضي

و أقول لك أن المكوب هو لي يغلب

أنا مرة خطبني واحد جي نقول إيه قلت لالا

و لما اخطبني زوجي قلت إيه و لما رحت لصديقتي قلتلها و أنا مرعوبة

راني معرفتش كيفاش قلت إيه حسيت وحدة أخرى هي لي قالت إيه

و أكيد هذا راهو المكتوب هو لي ينطق .

و ربي يهنيك إنشاء الله .

[مريم الصابرة]

السلام عليكم اختي
كان واحد عاقل ومتربي وناس ملاح واش دخلك كان هوما كازيرنة فالدار
اما هذي نتاع المستوى ماكانش منها يا ختي اعطيهوني فاهم والله لا قرا علاه اللي عندهم شهادات كامل رجال او النسا كامل نسا الدنيا تقاس بالاخلاق مش بالشهادات
وزيد على حرية الدخول والخروج هنا راكي غالطة تكوني في داركم امر راكي في حماية اهلك اما عند راجلك راه ثم هدرة الناس تولي عليه وراكي حاملة إسمو وانا والله نحب ناس هكذا ما عندهم لا دخلة ولا خرجة
من رأي إستخيري وأقبلي وربي يهنيك سقسو عليه كان هو ناس ملاح واهلو ايضا اقبلي دارك وبيتك وزوجك واولادك واش تخرجي تحوسي برا او تسافري او تحوسي ياخي حوست في داركم ورحت وين حبيتي راه الوقت ديري دارك وتجيبي اولادك وتربيهم موفقة

[Meriemchawiya]

انا الوالدة هي الي خلاتني نتردد قاتلي لازم تصيفي كل عام و انساي اللبسة الي موالفتها لازم ديما مغطية في الدار و برا قاتلي متقدريش تخرجي ممكن باباه الي يحكم في الكل و الله هذم حوايج واقعين صح و من جهة اخرى كي سفتو ارتحتلو و تاني عملو مش موضف راني في حيرة

[hodahodahoda]

يا اختي
عليك ان تكوني صريحة مع نفسك
اذا تظني انك تكوني محبوسة في دار زوجك و ما تخرجي الا بالحساب
فكري ثم فكري
المهم ما تقبليش الان و بعدين تعملي من الخرجة مشكلة

[Some1]

لازم تتشاورو على الدار
المعيشة مع دارهم يعني الحجاب 24سا/24سا هه

[أم عامر]

قرار كيما هذا انت اللي تقرريه
استخيري و شاوري أهلك
و تفكير أمك منطقي

[bellaluna]

لا تتسرعي و لا تجعلي من عمرك عقدة ترميك لأوّل خاطب إسألي عن أهله و تصرفاتهم مع المرأة و استخيري الله و ربي يوجهك الخير.

[AMINA.Z]

المشكل في خاوتو الذكور

اشرطي دارك وحدك