الزوالية ..قصتي..مشكل الطول..و 20الف منصب المنتظرة...

سمير-س · 2013-09-24, 10:43

السلام عليكم ورحمة الله تعالى وبركاته
اللهم صل وسلم على النبي المصطفى

واش نحكيلكم يا جماعة ...ولغير راني نكتب والدمعة على شفاري في عيني...علاه يا الرب الزوالي وين ايروح يرجعوه... تلقاهم يدخلوا غير في الاقارب نتاعهم علاه... في قطاع التربية غير هوما ، في السلك العسكري في الادارة في ..في ...نفس الشيء ... او منبعد يا الرب العالــــــــي تلقى مرأة حاكمة منصب او قاعدة ...علاه المنكر ...مانيش ضد ماتخدمش ...مي لي بكيف حالتي يعرفوا يفسروها ...علاه والله غير عيب مرأة في لابوليس يا العجب المعجب ! والرجالة .اقسم بالله العلي العظيم بمستوى الليسانس و الماستر او حاكمين الحيوط ...قاتلهم غير التخمام ...يفكروا في الانتحار بعد هذا المشوار... نتاجهم تزوجوا او ختنوا اولادهم او هوما ...لا اله الا الله محمد رسول الله ...يشوفوا غير بالعين .....خلينا انا رحت للكاسكيطة ناوي ندفع كي الراجل ماهي مرة ماهي زوج ...ناوي نخدم ...نسمح في دارنا وكل شي ...اوو النتيجة ارجع من حيث اتيت ...قالي بالحرف الواحد ..انت ماكش مقبول كامل في الجيش ..الجماعة عندهم جنسية جزائرية .او لاسوابق عدلية والصحة الله يبارك والمستوى ،واحد مجنون يحاول يخسرهم .. يدير سوابق ويحاول يبدل الجنسية بالحرقة ..ويدمر صحتوا ..الجماعة علا بالهم باش يدمرها ..ديجا غير التخمام يقتل ....والمشكل سنتيم ولا اثنين في الطول ...علاه ...كاين لي ناوي يدخل يخدم على دارهم ...كاين لي كره القراية من المصاريف ..كاين لي صحابوا كامل راحوا ..كاين لي الله غالــب عليه ...وكل واحد او كيفاه ...نعرف جماعة ..ولغير فيهم 1 متر او زوج دقايــق اوو دخلوا و جماعة والله مايسعى المستوى اوو دخلوا اووكاين ادبيين اوو والله غير في مناصيب علمية او الصحة العسكرية اوو ..علاه ... علاه المنكر .. وعلا بالي كاين جماعة والله غير كثر من هكذا ولكن المشتكى الى الله و صابرين ...وش يديروا ..تعبوا ..حليلهم مساكن .. ضرك راجل تسقسيه وش راك حاب ..يقولك خديمة برك ...شوف حتى الاجابة نتاعوا فيها تصغير ...ولكــــــــــــــــــن الزوالي يبقى صابر لربــــــي سبحانوا وحنا لينا ربي والقلب ما زال معمر اووو ليجان هاذوا ان شاء الله يديرولهم شروط في متناول الجميع ..على الاقل الطـــــــول 67 68 .. يقدروا يدخلوا ...سمعنا انوا راح يفتحوا 20 الف منصب والمشكل تنوي يقولوا لك * صب* ..هاذي *صب * يقولوها للقط كي يتوشي شي حاجة باش يبعد .. والله المستعان.
والسلام ختام ونشكركم على القراءة اوو ديروا ربي في بالكم وين تروحوا لأنه .. لي خلق ما يضيع ..

sofff28 · 2013-09-24, 10:51

قضاء و قدر يا اخي انت مؤمن لا تقنط من رحمة الله فهو واسع عليم الطول ياخي 1.70م لا يوجد لديك امل لا تضيع وقتك فهناك امل كبير عندي صديقي 1.69م دفع دوسي وضيع حياتو باطل لا انصحك بهذا

ندرومة49 · 2013-09-24, 12:00

أخي الحمد لله راك داير ربي في بالك
ولا تنس بأن الله متكفل برزقك
الانسان بطبيعته عجوول
يعني يحب يتعجل ويتسرع في طلب الرزق
لكن تذكر بأن رزقك مكفوول ولن ينقص منه سنتيم
المهم انا مثلك لحد الساعة عمري فايت 26 سنة وراني نقارع
المهم الحمد لله احيانا نتقلق وبعدها نستغفر ونقول راها مازا ل برك
والحمد لله على نعم الله

skilerdz · 2013-09-24, 16:55

kolchi bel mektoub
nta au moin 3andek seba tA3 tooul
kayen nas fihom ga3 mo2Ahilat w madakhlouch w mazalhom yejrou
3la koli hal rabi iwafakna jamiii3

حكيم 62 · 2013-09-25, 00:22

لا يااخي ادا كان طولك 1.69 عندك امل انا طولي 1.69.5 يعني 69 وشي حاجة وراني فت في جميع الفحوص وبدون معرفة
انت جرب خاصة ادا مكنتش اقل من 1.69 لانو سنتيم ممكن يتغاضاو عليه وكلنا يعرف ان الشرطة عندها سنة برك كانت تدخل على 1.68

HAKIM HA · 2013-09-25, 01:06

متقلقش روحك خويا

مين تشوف هموم الناس تهون عليك همومك

انا جريت على الكاسكيطا 5 سنين كل عام نروح و نروح و ربي كاتب لي في جهة أخرى كامل

و قريت في الجامعة و تخرجت و راني في نص خدمة مرات نقنط و مرات نقول الحمد لله و درما الحمد لله

الرزق ربي مقدره كامل في الخدمة الزواج الذرية في كلشي مقدر و مكتوب و و الله ما تخرج من الدنيا حتى تكمل كامل واش كتب ليك ربي

فقط نطلبوا من ربي الستر و الصحة و العاقبة الحسنة برك اما الباقي فهي دنيا زائلة

sadik ziaya · 2013-09-25, 01:13

khawti fahmona plz l3more ta3 les agent mazelou 25 wla 9lbouh 23 jawbouna lah ya7fedkom

HAKIM HA · 2013-09-25, 14:25

اقتباس:

المشاركة الأصلية كتبت بواسطة sadik ziaya

khawti fahmona plz l3more ta3 les agent mazelou 25 wla 9lbouh 23 jawbouna lah ya7fedkom

25 سنة للضباط

فارس القسنطيني · 2013-09-26, 00:06

حسبنا الله و نعم الوكيل ، حسبنا الله و نعم الوكيل ، حسبنا الله و نعم الوكيل

modritch · 2013-09-26, 13:38

والله غي رانا كيف كيف خويا انا تاني دفعت شحال من دوسي وماكان والو

الرزق على ربي ماتعمرشي راسك رزقك يوصلك يوصلك يا لوكان تكون في المريخ

سمير-س · 2013-09-26, 15:01

السلام عليكم ورحمة الله وبركاته
اللهم صل وسلم على الحبيب المصطفى
يا جماعة نشكركم على الكلمة الطيبة: sofff28 وناس المسيلة ، نردومة49 خيي طالب العلم ، ,skilerdz
حكيم 62 وناس ميلة الجميلة،و hakim h وسعيدة بعيدة والماشينة غالية ،و sadik ziayaوشعب قالمة
الزينة والزوينة ، وفارس القسنطيني ..واه خويا حسبنا الله ونعم الوكيل ،و modrtch اوو وهران الباهية
وش نقوللكم ..ربي يقول: ...* قل يا عبادي الذين اسرفوا على انفسهم لا تقنطوا من رحمة الله * ..والحمد لله
على كل حال اوو كيراكم صابرين ..يا جاعة مادام الواحد مازال يشوف او يهدر ويتحرك ويصلي ..الدنيا
و مافيها ..الحمدوووو لله عدد ماكان وعدد مايكون وعدد الحركات والسكون ..ونزيد نشكركم والله غير
فرحتوني ..لكن وش تحبوا صاحب الخبزة اصبح يطمع في صاحب النصف ..اوو هاذي هي الدنيا
..وتلك الايام نداولها بين الناس ..اوو ماتخموش يا الخاوة الدنيا تدور اوو ان شاء الله يفتح علينا ربي كامل
والله يحفظكم ويجازيكم خيراا وتهلاو في الوالدين والسلام ختام

ابراهيم العادي · 2013-09-27, 09:39

اخي نتا قداه الطول نتاعك بالضبط

وينا ثكنة اللي رحت ليها ومقبلوكش؟؟

ph_solide · 2013-09-27, 21:12

والحمد لله
على كل حالاخي اجعل ثقتك كبيره في الله والخير فيما اختاره الله امتنى لك التوفيق والنجاح