أولا صح عيدكم تعيدو بالصحة والهنا
هذو نكت عن الخرفان بمناسبة عيد الأضحى
ان شاء الله تضحكو معانا
- قالك واحد الراجل شرى كبش للعيد , وقال لمرتو : شوفي هذا اللحم نصو شوا والباقي مرقة ,
والصوف نديروه زربية , والجلد نديروه دربوكة , والمصارن بكبوكة , والراس نديروه مفور
والكرعين هركما , والوسخ نديروه غبار للجاردا , وعضامو نمدوهم للكلب .
شاف فيهم الكبش وراح ليهم قالهم : امالا نزيدلكم حاجة وال"البااااااااااااع" ديروها صونغي
-----------------------------
- هذا واحد الكبش شاعر قالك : علاش تتفكروني وقت ماتذبحوني علاش تخلوني ألعن في اللي جابوني
ماتفككو مني وتخلوني , كل عيد تخوفوني وتقولولي راح تذبحوني ,أنا عايش في حالي وماني عارف
واش يصرالي, من رجلي تشدوني وتعلقوني يانااااااااس خلووووووني ورحمووووني ماعلاباليش
انا رايح وين ولا في كرش مين أيا كلووووني وهنووووني وفي الاخير أنا في خدمة البني ادمين
وكل عام وانتم بخير 
---------------------------
- قالك واحد راح للسوق باش يشري كبش .لقى واحد راسو كبيييييييييير وجسمو صغيييييييييير .
قالوا : ااااااو واشي هذا الكبش . شاف فيه هذاك الكبش وقالوا : أنت ضرك على واش راك تحوس لاطاي ولا العقلية .
---------------------------
- قالك واحد لخروف قال لماماه : ماماااااااااااع وين باباااااااااااااع
قالتلو باباااااااااااع صايي راه اتبااااااااااااااع .
---------------------------
- واحد السيد جا راح يذبح الكبش تاعو, بدى هذاك الكبش يضحك . قالو الراجل: واشبيك تضحك هبلت
قالو الكبش :الموس راه مقلب هههههه
-----------------------
أكد خبراء في الأرصاد الجوية وعلماء في الفضاء أن ثقب الأزون سيعرف توسعا كبير...... وستكون له أكبر تشريكة في الجزائر......بسبب الشوا وحرق البوزلوف
هههههههه مساكن يغيضو
( تقرير عن مشاركة سيئة )، و الموجودة أسفل كل مشاركة .
2010-11-17, 03:25
نكت عيد الأضحى ......... مع سيفاو
العرض العادي
