تلاميذ قسنطينة أدخلووا

Rima mimi25 · 2013-09-06, 20:36

السلام عليكم
موضوعي يتعلق عن أفضل أساتذة الدروس الخصوصية في قسنطينة أردت الاستفسار اكثر خاصة بعد حصولكم على الشهادة 2013 المهم انا سأجتاز الباكالوريا 2014 وحبيت نستفسر مرة اخرى
هاذي المرة على المحاسبة كاين أستاذ يقولولو عيساوي و أخر رقوق أيهما افضل وأي واحد تنصحوني بيه علما أنهم يديرو في سيدي مبروك لانفاريور
و الرياضيات قالولي على أستاذ قيطوني يدير في جمعية علماء المسلمين في سيدي مبروك
والمواد الاخرى هل تحتاج لدروس خصوصية مثل العربية و الفلسفة و أصحاب باك 2014 قررتو عندمن ديرو ليكور ممكن تقلولي على الأساتذة لي خيرتوهم بلاك نعرفهم و مدا بيا تزيدوني بأسماء بعض الاساتذة الممتازين أنا نسكن في سيدي مبروك مي ميهمش إذا كانو الأساتذة يديرو في بلايص أخرين أفيدوني برك
نسيت مقلتلكمش لدا الباك مبروك عليه ولي مداش لعقوبة للعام االقادم

سلالالالالالالام

ツღعـصُـ♥ـوِݦۑツღ · 2013-09-07, 00:07

آخٍتٍيْ على حسب رٍآيي ، تسـتـفسري أنت شخصياآ لتلآميذ باك 2013.
دروس خصوصية ظرورية جداا في محاسبة و رياضيات

ربي يوفقك الجميع

Rima mimi25 · 2013-09-07, 11:32

شكراا أخي أنا قلت بلاك كاين لي يعرفو أساتذة ملاح في قسنطينة

أين أنتم

ツღعـصُـ♥ـوِݦۑツღ · 2013-09-07, 13:21

ربي يسهلك أختي

sara قسنطينة · 2013-09-07, 19:54

اختي انا تلميذة من قسنطينة و متحصلتش على باك 2013 واما فيما يخص الدروس الخصوصية فالمحاسبة فرقوق اغلبية التلاميذ يديروا عندوا ويقولوا مليح وعندي اصدقائي دارو عندو ونجحوا اما الرياضيات انا درت عند نادير وهو استاد مليح وانا درت عندو ليكور فالنوفال
او زيدي سقسي كاش مايفيدوك الزملاء فالمنتدى
وبالتوفيق للجميع ان شاء الله

Rima mimi25 · 2013-09-08, 17:04

شكراا أختي لعزيزة و الله قالولي على رقوق و قررت ندير عندو أما الرياضيات نزيد نخمم

و ربي ينجحك هذي المرة إن شاء الله

sara قسنطينة · 2013-09-08, 17:41

على الرحب والسعة وان شاء الله ننجحوا كامل هذا العام

ツღعـصُـ♥ـوِݦۑツღ · 2013-09-08, 18:28

إن شاء الله

اختي سآرةٍ إنت نظام القديم؟

sara قسنطينة · 2013-09-08, 19:35

لا انا نظام جديد

conviction · 2013-09-09, 17:35

الأخت ريمة ،،، رقوق مليح ويفهم فور المحاسبة ،،، المشكل أنو عندو بزاف الغاشي ،، المهم هو ماهوش بعيد عليك،، راه يدير ليكور في البوسكي ،،، أما قيطوني ،، ننصحك ديري في الجمعية وديري عند أستاذ خلاف تاني ،، هكذا تعاوني روحك مليح في الرياضيات ،،، عموما الجمعية ما فيهاش بزاف الغاشي وتفهمي مليح فيها ،،، العام لي فات كانو 15 شخص عند قيطوني ،، عموما ربي ينجحك أختي

aissa89 · 2013-09-28, 11:02

أنا أنصحكم بالأستاذ خطوف فهو أفضل أستاذ في مادة المحاسبة، فلقد درست عنده سابقا وبالاضافة إلى كل هذا فهو مفتش المادة الوحيد في ولاية قسنطينة أنصحكم به كما أنه عادة يشارك في الفريق الذي يحضر أسئلة البكالوريا وله خلفية كبيرة حول أسئلة البكالوريا، هو يقدم الدروس الخصوصية في منطقة المنظر الجميل "بالفي" بنادي الشطرنج وذلك يوم السبت انطلاقا من الساعة 8:00 صباحا، وأفضل ما يميزه هو أسلوبه في الشرح وأضمن لكم أن لا تخرجو من عنده الا وأنتم هاضمين المحاسبة.
كما يوجد أيضا بنفس النادي أستاذ الرياضيات "بونعاس" وهو مشهور أيضا، كما يوجد الأستاذ "عالية " أستاذ بثانوية يوغرطة يقدم الدروس الخصوصية في مادة الرياضيات لمختلف الشعب وذلك بحي الدقسي أستاذ وعليه الكلام.