شبح الخطبة 2

[مشكلتي]

السلام عليكم

https://www.djelfa.info/vb/showthread.php?t=1426630

لكل من سألني انا اعاني من السكري

شكرا لكل دعواتكم

صح بالاك كيان الي اونديكابي و تزوجو و الي بيهم مرض خطير ,,,وووو لكن مشكلتي في الاثنين الي تقدمولي ورفضت لانهم ما شاء الله شابين عاملين بمرتبات جيدة جدا يملكون كل المؤهلات لاختيار اجمل زوجة في العالم

صح الحمد لله امن الله عليا بالجمال و ليس غرورا بل بشهادة الجميع الناس الي ماتعرفنيش كلهم يقولو يا سعد الي يديك عائلتنا محترمة ابي عندو قدر و قيمة في المجتمع و هو الي دارلنا قدر حتى قصدتنا الناس لملاح

لكن هدي مشكلتي مقدرتش نصارح الاثنين رفضتهم لنفس السبب و قد اتوني في اوقات متباعدة عن بعضهم البعض لانو كي يكون انسان ما شاء الله وسيم بخدمتو الف وحدة تتمناه كي يقصدني انا و نقلو انو معي مرض مزمن اكيد رايح يعاود احساباتو و ممكن جدا يرفض

كاين الي قالي كي يكون يحبك ومن بعد تصارحيه مستحيل يتخلى عليك ...يحبني يعني يعرفني و نعرفو وووو و انا رافضة ندخل في علاقات عاطفية وامي قالتهالي مرة قاتلي مانخدع حتى واحد كي يجي واحد يخطب نقلهم من الاول واذا قالت من الاول اكيد اول الرافضين يكونو والدته

لنكن واقعيين مكاش ام تتمنى تجيب لوليدها فتاة مريضة حتى لو كان مرض بسيط تقلو نشوفو غيرها احسن

انا تمنيت لو يكون الامر بيني بين الزوج فقط يعني حتى والديه مايسمعوش بصح مكاش كيفاش كي تتقدم العيلة مراحش يجي الخطيب راح تجي يماه و باباه في الاول واذا قالولو لا مراحش يصر عليا لانو مايعرفنيش ماشي متعلق بيا او ما شابه هدي وجهة نظري

انا حساسة جدا وهذا الامر اصبح يجرحني خاصة كي يشوفوني الناس و يمدحوني و يسألوا اذا كنت مخطوبة او لا

على كل حال رفضت و انتهى الامر

شكرا لكل دعواتكم يا طيبين