كوفرولي سموكس

amirasimsim74 · 2013-09-21, 14:36

السلام عليكم حباباتي
كيف الحال نتمنى تكونو bien
راني حطيت موضوع كيما هذا بصح حتى وحدة ما ساعدتني راني في حيرة
بغيت نخدم كوفرولي سموكس لعروس و ما عرفتش مقاسات القماش
الله يخليكم قولولي شعال تنقاملي من متر بالشراشف
ما نطولش عليكم
تهلاو في رواحكم و راني نستنا ف الردود

اسماء الجنه · 2013-09-21, 18:44

نتمنى الاخوات الى عمل الكفرولي يفيدوك

tiziri2 · 2013-09-21, 23:06

اختي اميرة حتى انا راني حاطة موضوع و حتى واحدة ما ردت و عاونتني

على كل اذا راكي ريحة تخدمي في الsimple نقدر نفيدك مثلا بغرزة الضفيرة هاديك الي ديري فيها ضفاير و ما بيناتهم لفراغات تشري 9 مترات 7 للكوفرولي بالخدمة بالتشرشيف و 2 للمخايد راهي دايرة واحد الخت موضوع مفصل وسمها نجود
اما ادا خدمت بغرزة الياسمينة مثلا او المقلوبة تاخدلك الضعف تماما يعني البنك تاع تاع 2/1.5 يشدلك 4/3 معناته 8 مترات خدمة برك بلا التشرشيف

و احسن حل ديري كيما انا ما جاوبونيش في موضوعي راني نجرب بشوية قماش و نشوف شحال يتكمش باش نقدر ندير القياسات لكبار فيها شوية خدمة ولكن واش تحبي الله غالب لازم نعتمد على نفسي
سلامي ليك
و الله يعاونك

Afakmax · 2013-09-22, 01:51

اختى الكريمة ان شاء الله نفيدك انا خدمت واحد فى الوردى اذا راكى حابة تتشوفيه راهو فى المنتدى
ك
فىى الاول استعملت غرزة الياسمينة وحشيتو بالبونج شريت ١٢ متر

ثمانية للكوفر واثنان متر للتشرشيف و المخاد كبرتهم شويا ١٤٠ سم وقسمتهم على اثنين جاتنى فى المخدة سبعين سم هذا بعد الخدمة على خاطر دائما قسمى الخدمة على اثنين و اى سؤال رانى هنا

ملاحظة اختى الكوفر تقسمى الثمانية امتار على اثنين وخيطى فى النصف. يولى عندك اربعة طول وثلاثة عرض

amirasimsim74 · 2013-09-23, 17:14

شكرا خواتاتي ربي يخليكم

crono · 2013-09-24, 23:05

: فن السموك يتطلب دائما الضعف من القماش الكوفرولي فيه 2م طول و1.5م عرض ،استخدمي 8م من القماش وقسمه على 2 ثم خيطته من الوسط
تحصلي على قطعة قماش طولها4م وعرضها 3م في نهاية العمل تبقى تقريبا 1م من الطول(يعني الغرزة ما تستهلكش في الطول بل في العرض)
بالاظافة ل4م استعملتها للشرشف[/color

fifiarch · 2013-09-26, 12:55

اطلعي على هاذ الموضوع فيه كل التفاصيل
https://www.djelfa.info/vb/showthread.php?t=1079015