أعصابي و المكينة الجديدة

الأترجة · 2013-09-22, 15:58

السلام عليكم

عندي مشكلة مع مشينتي الجديدة تقطعلي الخيط كل مرة وفي بعض الاخيان إذاما تقطع الخيط تتكسر الإبرة،يعني ماخيطت بها حد الآن,, في رايكم ويـــــــــــــــــــــــــــن المشكلة ؟

أستنى ردودكم

wiwi la blande · 2013-09-22, 23:00

okhti yabra raki mrakbatha bel makloub lazam win msatha tkoun ladakhal
wala raki ralta fi tarkib khit madjawaztihch ala kamal marahil

أم بدر الدين · 2013-09-22, 23:52

تأكدي من طريقة تركاي الخيط و الابرة و كيفية وضع الكانات اي البوبينة تيع الخيط لتجي من تحت ولازم الخيط اكون معمر بطريقة منظمة و الكانيت تركب في حاملة الكانيت بطريقة عكسية لعقارب الساعة ة موفقة

Afakmax · 2013-09-23, 00:55

انا كان عندى نفس المشكل فى تقطاع الخيط اكتشفت انوا من الخيط نتاع البوبينا الصغيرة ما يمشيش فيها حتى شريتلها نتاع الكبة الكبيرة باه مشاة وما ولاتش تقطعلى الخيط جربى وشوفى بالنسبة للابرة ديرى الابرة رقم 11 هى المخيرة رانى نقولك عن تجربة

koukou23 · 2013-09-30, 11:20

أنا صرالي نفس المشكل ومعرفتش وش ندير معاها مالا ديتها عند محل لي يخدم الماكينات المكسرة وهو ريقلاهالي والحمد لله... اديهالو اختي يريقليهالك وراهي متسقامش صوارد ياسر انا ريقلهالي ب400 دج

amiramirna · 2013-09-30, 13:24

حبيبة ركبي الخيط و قبل ما تدخليه فالابرة اجبدي الخيط بيدك اذا مشى الخيط عادي ماشي مشكل
اذا تقطع الخيط يعني لاتونسيو مزيرة ارخيها شوي شوي

ركبي الخيط فالبرة
الابرة فيها جهة مسطحة لازم تكون ف مكانها
هنا لازم الابرة تكون فمكانها الصحيح كل مكنة و كيفاه بصح اغلبها هكذا
https://www.youtube.com/watch?feature...&v=Z6ExD8Zhqto

الابرة غير مناسبة للخيط.

asma123 · 2013-09-30, 21:49

أختي ممكن الشفرات لي تحت الإبرة حادة أنا ديتها خدمتها لقاو هادا هو المشكل