ساعدوني حبوباتي :)

"راجية الجنة" · 2013-09-10, 19:13

سلام عليكم

اولا وقبل ما ندخل في الموضوع
نشكر وليد مولودية الي عاوتني نلقى القندورة هذي

محبتش نقلقك بأسئلة اخرى جبتها في موضوع هكة نتعانوا كامل و نلقاو اجابة

ندخل في الموضوع

شكون فيكم عندها الباترون نتع هذي لبياسة الي لاصقة في القندوة

لقيت موضوع الاخت ام معاذ ولكن الباترون مهوش واضح و على ما أظن مهوش هو نتع هذي القندورة

ومن فضلكم كفاش نلصقهم بلصقة الخاصة نتع القماش ؟
ايضا القالون هذاك يلصق باللصقة ثاني ؟

عمبالي نسقسي ياسر اني حابة نخيطها لماما ربي يحفظها عليها نسقسي

سلامي حبوباتي

نهال13 · 2013-09-10, 19:31

شوفى هدى

"راجية الجنة" · 2013-09-10, 19:40

اهلا نهال

هذي نتع ام معاذ نفسها زعمة ؟ ندير عليها و نتوكل على ربي ؟

نهال13 · 2013-09-10, 20:07

اتكلى على ربى وخدميها تخرجلك تحفة

"راجية الجنة" · 2013-09-10, 20:33

ان شاء الله

قوليلي نهال كفاش ندير بش نغلف الدوائر بالخيط نتع الكروشي ؟

نهال13 · 2013-09-10, 20:43

اخدم بماى سيرى ضك نحطلك كفاه

"راجية الجنة" · 2013-09-10, 21:16

نعم حبوبتي بماي سيري ولكن معرفتش كفاش الطريقة بالظبط
اني نسنى فيك و سامحيني على الاسئلة الكثيرة

نهال13 · 2013-09-10, 21:27

تعقدى المرة الاول الخيط وبعد دخلى لكرشيه فيى لانو تجبدى الخيط ادا مفهمتيش نوضحلك اكثر

"راجية الجنة" · 2013-09-10, 21:33

شوفي غدوة نجرب و نرجعلك خبر منيش حابة نتعبك معيا مدابية بالتفصيل

نهال13 · 2013-09-10, 21:41

شوفى او عندى انو غدو بادن الله نصولك كفاه يتخدم وما كاين حت تعب انا في الخدمة نقلك شفتى كما تبغى ديرى ناب وديرى مرة لولة سلسلة وبعد تعمرها بالماى سيرى في بلاسة السلسلة لانو اعتبريه سلسلة وسكرتها

Kati70 · 2013-09-10, 21:45

اختى راجية الجنة عمرى الحلقة بماى سيرى و الخياطة تكون نصف الحلقة اسفة منعرفش نحط الصور و الا حطيتلك مدال مليح و ساهل

"راجية الجنة" · 2013-09-11, 11:34

اقتباس:

المشاركة الأصلية كتبت بواسطة نهال13

شوفى او عندى انو غدو بادن الله نصولك كفاه يتخدم وما كاين حت تعب انا في الخدمة نقلك شفتى كما تبغى ديرى ناب وديرى مرة لولة سلسلة وبعد تعمرها بالماى سيرى في بلاسة السلسلة لانو اعتبريه سلسلة وسكرتها

شكرا اختي ربي يحفك