كسرة بالدواء تاع لفطير

[نزيف القلب]

السلام عليكم ورحمة الله تعالى وبركاته
اليوم جبت لكم وصفة من وصفاتي وهي كسرة بالدواء صحيح انو الاسم يجيعم غريب شوية هذه اكلة نديروها في الاغواط كي يعدو البرد
القارس والله روعة نتمنى تعجبكم
العجينة:
مشيربة ونصف تاع سميد
مشيربة ونصف فرينة
ملح
ماء دافئ للعجن
الحشو:
2كغ جزر
2حبات بصل مفرومين
راس ثوم مفروم
نصف رطل لحم مرحي
شوية شحم
راس الحانوت
الهريسة
ملعقة سكر
ملح
ملعقة طماطم مصبرة
طريقة التحضير:
نلم كامل المكونات تا لعجين ونخليهم شوية يرتاحو ومبعد نعركهم مليح ونريد الملح ونعاود نعرك ومبعد نريد في طبسي
نرحو ا للحشو مبعد ما تغسلي الجزر وتخرطيه تقطعيه دوائر وتديريه يفور حتان يطيب ومبعد ترحيه وتخليه بجهة
في كوكات تحطي شوية تاع الشحم والبصل والثوم المفرومين واللحم تقليهم حتان يطيب اللحم والبص ومبعد تزيدي الجزر والتوابل والمكونات الاخرى وتخلطي مليح وتزيري الكوكات وتخليهم مدة10 دقائق وتطفي عليها
اما العجين
نقرص العجين كيما راه في الصورة


ومبعد تفردي لعجينة كيما في الصورة

وتعادوي تفردي عجينة اخرى على خاطر رايحة تغطي بها لعجينة الاخرى
تحطي مقدار ملعقة ونص من الحشوة نتاعك فوق العجينة الاولى وتغطيها بالعجينة الثانية وتنحي الزوائد بالجرارة
وتطيبها في طاجين لمسمن
وتكرري العملية حتان يخلاص الحشو والعجين
نتمى انو الوصفة نتاعي تعجبكم