علاج الغازات

[yousofi]

السلام عليكم انا عندي بنت عمرها شهر و عشرين يوم و هي تعاني من الام جد حادة بسبب الغازات منذ الولادة لدرجة انها لا تنانم لا ليلا و لا نهار كانت ترضع حليب biomil و اخذتها مرتين عند طبيب الاطفال و غيرولها الحليب biomil LF لكن بدون فائدة ارجوكم ساعدوني واش من حليب يساعدها على التخلص من هذه الغازات . و شكرا.

[ندى خليل]

اختي العزيزة انا ننصحك ما تغيريش ليها الحليب على خاطر BIOMIL مليح بالزاف و يطلع على الرضيع و يهز صحتو
أعطيها تيزانة نتاع كمون أخضر و زريعة البسباس و حبة حلاوة كل ليلة ديريها خفيفة و راح تنفعها و اشريها سيرو ديبريدات للرضيع و سيرو خاص بالغازات اسمه stop collic أو baby gaz انا استعملتهم لإبني عطاهملو الطبيب و نفعوه بالزاف

[نجمة ساطعة]

كنت راح نجاوب نفس اجابة الاخت ندى

هاذ التيزانة رائعة اغلي الماء و حطي كاس فيه مغرف صغيرة من هاذ الخيط و كي يغلي الماء حطيه فوق الخليط

و غطيه حتى يعود اصفر و ديريه في البيبرون و اعطيها كل ليلة ربي يشافيها ان شاء الله

[yousofi]

انا نشكركم على اهتمامكم لكن راني نشربها التيزانة من يوم الولادة و زيد راها كملت قارورة تاع ديبريدات و بدات الزاوجة و راني نشربها stop colique لةن بدون فائدة و كاين لي نصحوني بحليب nursie confort زاش رايكم فيه؟

[DASARA]

اختي العزيزة الغازات عند الوليد طبيعية الى غاية 5 اشهر هكذا قال لي الطبيب .عندي طفل عمره 3 اشهر في البداية كان يعاني من الغازات و يبكي كتيرا لاكن الان الحمد لله اصبحت قليلة و عليك بتتبع نصائح أخت ندى خليل فانها جد مفيدة

[yousofi]

شكرااااااااااااااااااااااا

[السراب الحالم]

أنا ايضا ابني عمرو 3اشهر ونصف ومازال يعاني من العازات خاصة في المساء والمشكل انو ماخبش يشرب التيزانة كل ما نمدهالو يزيد يبكي ويتقياها شربتو ديبريدات و ستوب كوليك بصح مادارلو والو قالولي الغازات ما عندهومش حل لان الجهاز الهضمي نتاعو مازال لم يكتمل وايضا يدخل الهواء عندما يرضع اصبري الى ان يبلغ 4 اشهر ورايحين يروحو وحدهم
الحليب ماتبدليهش لانو بيوميل مليح وخفيف يعني المشكل ماهوش في الحليب

[فايزة1207]

وصفة الاخت ندى ناجحة جدا وتساعد في نوم ونمو الطفل

[diyaa2013dz]

نعم استعملي حليب nursie comfort او حليب الصحة comfort اذا كان موجود في السوق لانني كنت اعمل في الصيدلية و كان ينصح بهذا الحليب لعلاج الغازات وخاصة اذا كان مصحوبا بامساك فهنا من الافضل تغير الحليب
مشكلة الغازات سوف تنتهي ان شاء الله بعد الشهر الخامس لان الرضيع لم يتعود على نوع الغذاء الجديد و لهذا ينصح بتغيير الحليب الى الحليب سهل الهضم من نوع comfort