لبــــاس شفـــاف يبهدل

hakeem · 2013-09-21, 11:46

غريب أمر النساء في هذه الفترة الأخيرة فاغلبهن إتفقن على نوع جديد من اللباس ذو القماش الشفاف و بعضهن ترتدي شيئ ما قصير أسفله و أخريات لا شيء و كأننا في عصر الجاهلية الاولى، هن نساء تردن الحصول بأجسادهن على ما لم توفقن في الوصول إليه عن طريق شخصياتهن و دينهن و أخلاقهن؟؟؟؟

حتى و إن لم نتحدث عن جانب الدين و التبهديل و تحدثنا عن جانب الحطة و الأذواق و الجمال فهذا النوع لا علاقة له بالحطة و لا الجمال و لا حتى الذوق فأي ذوق في لباس تلبسه معظم النساء (عناد)...... هو لبس من لباس ما يسمون بـــ(el kwava) و اعتذر عن هذه الكلمة و هو و غجر رومانيـــــــا

ربي يهدينا و إياكم و رسالتي للرجال أن تتوقفوا لدقيقة و راجعوا ألبسة نسائكم و بناتكم

ريمة14 · 2013-09-21, 11:54

عندك الصح الله يهدينا رانا نشوفوا العجائب و الغرائب

~~نايفز55~~ · 2013-09-21, 11:55

وليت نكره نخرج لشارع بسبت هذا مناظر صدقني نساء متزوجات يلبسوا لبسة كل شيئ مكشوف وعادي تمشي عادي بيها

زينة نور · 2013-09-21, 12:37

الله يهدي الجميع

ange02 · 2013-09-21, 13:13

rabi yahdina wyastorna

thamourth · 2013-09-21, 13:28

الله يهدينا.........يا حسراه بكري كي كانت البنت تحشم شعرها ماتطلقوش فالدار.....دوك السي الراجل يشري لبنتو السيري و الميني
الام في عوض تحرس بنتها وش تلبس لا لا تقولك نعرف وش ربيت
الاسبوع الماضي تبلاو بنت جاري قدامي جامي هدرت معاها هادي...جاو جدد....غاضتني عمري لان في الحومة انا درت ليهم كانو في سيارة ايا راحو ...بقيت وحدي حمدت ربي لي ما درت والو لانو قدام دارنا.......كانت مرة حسب بعض المصادر لعجوز نتاعي قالت ليماها مشي هكدا يلبسو البنات....الجاب كان انا نعرف وش ربيت.........استغفر الله

نورسين.داية · 2013-09-21, 13:45

صح فعلا مع بداية شهر سبتمبر ....دخلت بعض الموظفات يرتدينه و هو يجي شكلو plissé و خصوصا اللون البرتقالي ...................

يعني دوق غريب و تفكير أغرب ...و فوق هذا تضع خمار

ربي يهدينا و يصلح احوالنا يا رب

AMINA.Z · 2013-09-21, 14:09

كل واحد يعس النساء تاعو

و كي يمشي برا يخلي عينيه في الارض

هذا هو الحل

حضنية28 · 2013-09-21, 14:17

بارك الله فيك اصبت كبد الحقيقة المرة للاسف ربي يهديهم ويهدينا

أيادي الأمل · 2013-09-21, 14:27

عند الحق والله ،
المشكل لي يلبسو معاه الخمآر !

الله يهدينا و يصلح أحوآلنا

diyaa2013dz · 2013-09-21, 14:37

اقتباس:

المشاركة الأصلية كتبت بواسطة amina.z

كل واحد يعس النساء تاعو

و كي يمشي برا يخلي عينيه في الارض

هذا هو الحل

بارك الله فيك
اللهم لا تآخذنا بما فعله السفهاء منا

rofaidamath · 2013-09-21, 14:48

الله يهههههههههههههههههههههدي

biti · 2013-09-21, 15:57

مرات نكره كوني مراة

moslihe29 · 2013-09-21, 16:03

السلام عليكم ورحمته وبركاته

الله يهدى ما خلق بعد ماكنا نخاف على بناتنا صرنى نخاف على ازواجنا كثرت المنكرات والعرى فى الشارع ربى يرحم ويستر على لبنات فى اعتقادى الوازع الدينى 0000 وما بقاش الرجال اسمحلى لكلامى هذا لان الاب راه يشرى ويلبس لبنته والاخ راه يشوف ويسكت =سى لامود =وتركها تعمل واش تحب رانى عارفة شتى ربيت حتى تاتيها بكارثة ربى يهدى برك

سماح الجيجلية · 2013-09-21, 19:45

لباس صح يبهدل أنا فالدار نحشم نلبسو وكي رجعت للحدمة لقيت التلميذات كامل بيه والغريب أنهن يرتدينه على أساس حجاب ربي يلطف بقيت نهدر مغ أستاذات على هذا الباس الجديد واش هاد الموضة اللعينة حتى نلقى أستاذة دخلت للقاعة وهي جديدة لابساتو لونو أخمر ولحقت الأخرى بيه أحضر و لأخرى برثقالي ما لقيت مانقول الا لاحول ولا قوة الا بالله

ربي يهدينا