تحليل و تفلسف فيما يخص لونساج ..

[منير265]

السلام عليكم و رحمة الله تعالى و بركاته

راح نتفلسف شوية و ندير تحليل شاااااامل فيما يخص لونساج و الشعب الجزائري و الدولة و كل شيء

أول شيء راح نمدو تعريف مبسط عن الدولة الجزائرية الديمقراطية الشعبية هي دولة تقع في شمال افريقيا لغتها العربية و دينها الاسلام .....و هناك الأمازيغ كذلك ...
و التي بها ثروة كبيييرة و الحمد لله و تملك حوالي أكثر من 40 مليون ساكن و تعتمد على مصدر البترول في كل شيء و حسب الدراسات الاقتصادية و أخصائيين اقتصاديين فإن ثروة الجزائر مقسمة على حوالي 9 بالمئة من سكان الجزائر فقط و الله أعلم

المهم نرجع لموضوع الشباب الجزائري بعد الدراسة لأعواااااااااااااام فهو مجبر على الخدمة الوطنية المقدرة بعام و 8 أشهر و بعد كل هذا يخرج الشاب صفر اليدين و بمصير مجهووووول يلزملو يجري أعوام أخرى باش يلقى حاجة خفيفة و تبقالو كيفاش يلم و كيفاش يجيب سكن يعني بعد حوالي أكثر من 10 سنوات باش يضمن حياتو مليح .........
و هناك أصناف أخرى و هي : الاعفاء من سيد الرئيس أو كفيل أو مريض أو يشري لاريفورم أو يجيبها بالمعارف أو مايسمعش أصلا بلي كاين الخدمة الوطنية في الجزائر من الأساس

للشباب الجزائري إمكانية اقتراض مال من الدولة بما يسمى بلونساج ... و هو قرض تمنحه الدولة لعمل مشاريع شبانية و عمل ورشات و مؤسسات صغرى و كبرى و لكن المشكلة فهي ربوية لذا نجد أغلب شباب الجزائر لم يفكر بعمل قروض ربوية عن طريق لونساج حتى و لو تكفلت الدولة بدفع الزيادة فيبقى القرض ربوي من الاساس و لكن هناك من عمل بهذا القرض فمنهم من نجح و الاخر فشل و بعضهم سرق على كل حال فقرض لونساج من جانب الديني حرام بحكم أنه ربوي و بعد تكفل الدولة بدفع الزيادة صار هناك اختلاف في القضية بالرغم من الزيادة عن الطلب بالنسبة للشباب و الله أعلم ...

و لكن خلينا نتكلم بكل صراحة أنا كتموذج لشاب جزائري سأحكي لكم عن حالتي 25 سنة تخرجت في 2011 عملت عند الخواص و لم أفلح أرهقتني مشكلة الخدمة الوطنية كثيرا تعبت نفسياااا حتى جاء الفرج بالنسبة للخدمة الوطنية و لكن وجدت نفسي أتقدم بالسن بدون نتيجة تذكر ؟؟؟؟؟؟

بعد كل هذا فكرت في لونساج و أخذت أحلل فوجدت أن ثروة الجزائر هي ملك للرحمن و ليس ملكهم و كلنا لنا الحق في هاته الثروة التي تأتينا من تحت رمال صحرائنا الشاسعة من أرضنا الحبيبة التي ضحى عنها مليون و نصف شهيد كيف أسمح من حقي و أنا نيتي صافية أنا أرى قصص مثل قصة شكيب خليل و بعض المبذرين في حفلات المجون و السيارات الفاخرة و و و ........

و بعد تعمق في الموضوع وجدت أن حتى حكامنا و مسؤولينا لهم بعض الحق فيما يفعلونه فللجزائر شعب صعب المراس تمدلو قرض يبيع كل شيء و يهرب أو يبذر و يبقى يلعب ؟؟؟؟؟؟

و بعدها تذكرت والدي العزيز الذي كرس حياته في سلك التعليم و يملك سكن وظيفي و هو مرغم كي يدفع الزيادات و هناك تأمينات بها الربى و أدخلونا كثيييرا في أمور الحرام رغما عن أنفنا

بعد كل هذا احترت كثيييييييرا فلم أجد الجواب الشافي لحد الان و مالعمل فالكل خاطئ و الكل صحيح ههههههههه
و الله الجزائر غريبة بشعبها و حكومتها و كل شيء فيها
أترك الكلمة لكم الان ...

[سابق ساو]

مشكور أخي على الموضوع وبارك الله فيك
والحقيقة أن مشروع لونساج لم ينجح بنسبة كبيرة لعدة أسباب أهمها سوء التسيير والتنظيم ونقص المراقبة والمتابعة

[libanarim]

أخي الكريم
بالنسبة لمشروع لونساج ، لا يهم القيمة المادية بل الفكرة والنشاط
لربما قد تنجح بمشروع 200 مليون ويعود عليك بالنفع ولا تنجح بمشروع 900 مليون
هناك عقلية عند الشاب الجزائري أن المال مال الدولة وهدا حقي
وهدا في نظري خاطئ
شكرا لك على الموضوع

[amdi]

ان دولتنا لاتملك الامكانيات الازمة للنهوض لان جميع اعين الناس جميعا نحو البترول لكن في السنوات الاخيرة قررت الجزائر انشاء لونساج و مسح الغرامات وهذا كله من اجل دعم التنمية ولكن بعد كل هذه السنوت لم تسترجع الدولة مالا يتعدى 48بالمئة ومعظم مستعملي اللونساج خاصة السيارات معظمهم قد تعرضوا للحوادث وها يعني ان الله غير راض عنه وبما ان نبني في دولة تزول بزوال الرجال ولو حققت الجزائر منذ الاسقلال الى الان مشروعا واحدا وهو مصنع الحديد والصلب في جيجل لاصبحنا اقوى دولة عربية وسامحوني على صراحتي نحن شعب فاسد اذا كثر ماله فيفتخر بحاله اما اذانقص فيوجه اللوم الى السلطات على تقصيرها

[brahim tahri]

بارك الله فيك

[" أبو عبود"]

كل هذا الشيء باش نخلينا نشجعوك ترفد دراهم لونساج وما ترجعهمش؟؟؟؟ خاف ربي يا هذا في روحك اتقي الله في روحك وفي الناس الحرام حرام ولو كل الناس دارتو راه حرام. كل الناس تتكيف الدخان مع انه حرام، كل الناس تشرب مع انه حرام كل الناس تزني مع انه حرام كل الناس تكذب مع انه حرام ن لهذا قال تعالى : "وما اكثر الناس ولو حرصت بمؤمنين" يعني الاغالبية الساحقة. امالا انت طيح روحك في جهنم لان الاخرين طاحو فيها؟ علاش ما تفكرش كيما الناس اليل راهي تنوض وطيح وتعرق وحقق المعجزات؟ والرسول صلى الله عليه وسلم قال ".... وتسعة اعشار الرزق في التجارة". نقلك حاجة ترفد لونساج وما تحقق بيه والو في عام زوج ترجع على الحديدة والدولة مش رايحة تسمح راه يجي رئيس ويقلك تحطهم دورو دورو بيع روحك مش مشكلتي وفي الاخير تلقى روحها شينتها مع ربي. روح توب على روحك وخليك من فتاوى الجلهة وعبدة ابليس. الله يهديك ويرزقك الحلال انت وكل من يقول امين

[أسامة غليزان]

واش نقولك خويا اأولا لونساج راهي تقريبا حرام
وأنت الله يعطيك ماتتمنى وربي يجيب الخير لهذه البلاد لاخطرش النار راهي تشتعل على كل حدودها وكثرة الفتن والله يهدينا طريق المستقيم والسلام عليكم

[منير265]

المشاركة الأصلية كتبت بواسطة riyad552

كل هذا الشيء باش نخلينا نشجعوك ترفد دراهم لونساج وما ترجعهمش؟؟؟؟ خاف ربي يا هذا في روحك اتقي الله في روحك وفي الناس الحرام حرام ولو كل الناس دارتو راه حرام. كل الناس تتكيف الدخان مع انه حرام، كل الناس تشرب مع انه حرام كل الناس تزني مع انه حرام كل الناس تكذب مع انه حرام ن لهذا قال تعالى : "وما اكثر الناس ولو حرصت بمؤمنين" يعني الاغالبية الساحقة. امالا انت طيح روحك في جهنم لان الاخرين طاحو فيها؟ علاش ما تفكرش كيما الناس اليل راهي تنوض وطيح وتعرق وحقق المعجزات؟ والرسول صلى الله عليه وسلم قال ".... وتسعة اعشار الرزق في التجارة". نقلك حاجة ترفد لونساج وما تحقق بيه والو في عام زوج ترجع على الحديدة والدولة مش رايحة تسمح راه يجي رئيس ويقلك تحطهم دورو دورو بيع روحك مش مشكلتي وفي الاخير تلقى روحها شينتها مع ربي. روح توب على روحك وخليك من فتاوى الجلهة وعبدة ابليس. الله يهديك ويرزقك الحلال انت وكل من يقول امين

الله يهديييييييييك خويا رياااض أنا ماقلتش حلال ولا راح نجبد و لوكان راهي في بالي نجبد لونساج لوكان درتها منذ 2011 و انا شومار و نطيح و نوض و انما حكيت بصفة عاااااااامة و ماقلت حلال ما قلت حرام حكيت واش كاين و واش شفت
و ربي يكفينا و يقنعنا و يرزقنا الحلال ياااااااارب

[eclipsdelalune]

لونساج .. هو التحايل على القانون بصفة قانونية ...

ناس تخرج في الماشينات و تبيع ..ناس تمد الرشوة .. ناس تمد لبعضاها ...

بلادنا غابة و ولد فلان و فلتان حطابة مهيش تاع الزواليا ...

بلادنا تاع كتاف و بنعميست و رشوة و تشيبة و اعطيني و نعطيك .....

نهار يكون عندنا عدل و حق في بلادنا اي مشروع نديروه ننجحو ... بصح مادام الفطريات عايشين على ظهر الشعب عمرنا ولا نروحو بعيد .......

واحد يسرق مليارات يخلوه ولاخر يسرق عشرلاف يحبسوه .. واحد يهرب قنطار كيف يطلقوه ولاخر يتكيف قارو يحكموه ...

واحد حياتو كامل قرايا يكالي الحيط و كي يدير كونكور يديها عليه لي عندو الباي و لي عندو الكتاف و لي عندها pاpاها كالكان ....





صحيت خويا