وكيلها ربي

مشكلتي · 2013-09-14, 21:08

جيت نفرغ همي و اسمحولي اذا طولت
وليت كي المهبولة تركت العمل و الدراسة و ضيعت وقتي في النوم قالولي يا طفلة كنتي كي النحلة وش بيك هكا ضعفتي
قالولي راكي مسحورة
ذهبت الى الراقي
و ليتني لم اذهب
بنت خالتي اللي تربات معايا اللي هي فقيرة و انا غنية اللي تحبها نشريهالها
كانت كاختي بل افضل
ابكي على حالها و الله كل صلاة ندعيلها نقول يااا ربي كون معاها و اعطيها من خيراتك ...
لاجدها سحرتني نعم هي السبب في كل شيء
يا ناس انا مايهمنيش العمل و الدراسة الحمد لله ربي عطاني 20سنة عندي فيلا و سيارة و نلبس و ناكل غير الغالي
اللي غاضتني و هبلتني
بنت خالتي اللي تجي ليا تبات عندي ب الشهر نعيشها la belle vie
علاه يا ربي علاه
و الله كنت نحبها و نتمنالها غير الخير و الله اللي تسخف عليها نشريهالها
علاه واش ربحت كي دارتلي هكا
و الله متمنية نعود كيما كنت نعمل ندرس نصلي

الان اصبحت كي نكون رايحة نصلي تحكمني الغمة
الحمد لله راني نرقي و راني في تحسن

يا ناس ادعيو معايا
اللي سحرني و شارك في اللي راني فيه الان
وكيلو ربي
و ربي يهديه و يغفرلو

الدنيا هاذي راهي دقيقة و مايدوم غير الصح خافو ربي علاه هكا تخربو بيوت الناس

نطلب من المشرفين او الادارة نشر الموضوع كما هو
باه الناس ماديرش لامان و ماتمشيش بالعاطفة
و البنات ماتامنوش الصحابات
جزاكم الله خيرا شكرا على مجهوداتكم ان شاء الله تلقاوها في ميزان حسناتكم
و السلام عليكم

aymen01 · 2013-09-14, 21:50

عاودي ابدي من جديد

مازالك صغيرة

أيادي الأمل · 2013-09-14, 22:10

هاذو ناس مراض في قلوبهم يا أختي ،
راهي حالتها أخطر من حالتك ( ان كان فعلا هي)
أنت رايحة تبراي إن شاء الله وهي صعب انها تشفى ربي يهديها

ويا اختي تعلمتي شيء أساسي ومهم مشي انك ماتزيديش ديري الخير لآآآ ،
لانو الانسان لي قلبو ابيض و يدير الخير و داير النية في تعاملو مع الناس عمرو ما يضيعو ربي وانشاء الله يرجع عليه هاذاك الخير عاجلا ام آجلآ،
ولي يتعامل بالحيلة ربي يوكلو لنفسوا وحيلتو تنقلب عليه يوما ما عاجلآآ ام آجلآآ

وانما لما تديري الخير ديريه في وجه ربي وحدوووو رايحة تآخذي الأجر وماتندميش لما يقابلك هذاك الانسان بالنكران لانو الناس عمرها ما ترضى،
+ اياك تنساي أذكار الصباح والمساء ..

خــــآصة في هاذ الوقت الناس قلوبها مريضة الا من رحم ربي،
لي يحسد ولي يغير ولي يحقد ولي مايقولش ماشاء الله .. ولي يكيدلك وخلي وخلي ...

لو أنك كنت تداومي عليهم عمرو واحد ما يصيبك بسحر ولا حسد ولا عين ،
ولي يداوم عليهم و يقولك اصابني شيء نقولو راك تقراهم لكن مراكش وااثق في كلام ربي وكلام رسولو عليه الصلاة والسلام
ومتاكد ، راك تجرب وربي ما ينفعش معاه تجربو

صدقيني خذي ورقة واكتبي فيها اذكار وكل صباح ومساء إقرايها وكوني متأكدة ووآثقة من انه لن يصيبك شيء ،
رايحة تحسي بالامان والراحة لانك في حماية الله

هذا من وجهة نظري والله اعلم
وربي يشافيك في القريب العاجل

لقرع بوكريشة · 2013-09-14, 22:13

[QUOTE=مشكلتي;1054358531]جيت نفرغ همي و اسمحولي اذا طولت
وليت كي المهبولة تركت العمل و الدراسة و ضيعت وقتي في النوم قالولي يا طفلة كنتي كي النحلة وش بيك هكا ضعفتي
قالولي راكي مسحورة
ذهبت الى الراقي
و ليتني لم اذهب
بنت خالتي اللي تربات معايا اللي هي فقيرة و انا غنية اللي تحبها نشريهالها
كانت كاختي بل افضل
ابكي على حالها و الله كل صلاة ندعيلها نقول يااا ربي كون معاها و اعطيها من خيراتك ...
لاجدها سحرتني نعم هي السبب في كل شيء
يا ناس انا مايهمنيش العمل و الدراسة الحمد لله ربي عطاني 20سنة عندي فيلا و سيارة و نلبس و ناكل غير الغالي
اللي غاضتني و هبلتني
بنت خالتي اللي تجي ليا تبات عندي ب الشهر نعيشها la belle vie
علاه يا ربي علاه
و الله كنت نحبها و نتمنالها غير الخير و الله اللي تسخف عليها نشريهالها
علاه واش ربحت كي دارتلي هكا
و الله متمنية نعود كيما كنت نعمل ندرس نصلي

الان اصبحت كي نكون رايحة نصلي تحكمني الغمة
الحمد لله راني نرقي و راني في تحسن

يا ناس ادعيو معايا
اللي سحرني و شارك في اللي راني فيه الان
وكيلو ربي
و ربي يهديه و يغفرلو

الدنيا هاذي راهي دقيقة و مايدوم غير الصح خافو ربي علاه هكا تخربو بيوت الناس

نطلب من المشرفين او الادارة نشر الموضوع كما هو
باه الناس ماديرش لامان و ماتمشيش بالعاطفة
و البنات ماتامنوش الصحابات
جزاكم الله خيرا شكرا على مجهوداتكم ان شاء الله تلقاوها في ميزان حسناتكم
و السلام عليكم

الاخت الكريمة اولا صار الي صار..وهاته الحياة...تجارب.... انت كنت صادقة ومحبة للخير في مساعدة الغير.. مثل ابنة خالتك الفقيرة..وكيف كنت تغدقين عليها كما ذكرت....ليتملكها الحسد والغل والعياذ بالله....وتؤذي اليد التي امتدت لها.....لكن ايتها الاخت لازم تعلمي علم اليقين ان الله عليم بصير....خبير.... يمهل ولا يهمل...وما جرى لك الا امتحان في نفس الوقت.....لكن ربي ما فيه الا الخير....

لذا انصحك ايتها الاخت الكريمة الفاظلة ان تتقربي الى الله اكثر فاكثر .... طهارة. وصلاتا. وتلاوة القرآن. واستغفارا آناء الليل واطراف النهار.....وااكد لك بالاكثار من تلاوة القران لانه شفاء للنفوس.....لابشرك انا اعرف الكثير ممن كانو مثلك لهم مس او سحر شفيو بهاته الطريقة التي داومو عليها وايضا بالرقية الشرعية عند رقاة متمكنين.....فمشكلتك ليست عويصة ابدا ابدا ابدا فاطمئني.... لاضيف لك اختي .. عليك بالصدقة من حين لاخر لان الصدقة علاج للامراض مصداقا لقول الحبيب المصطفى :عالجوا مرضاكم بالصدقة.....
وفي الاخير ايتها الاخت لا تهولي الامر فما اصابك بسيط لانه عندنا دواءه الا وهو كتاب الله..........

اتمنى من العلي القدير ان يشفيك ويذهب باسك وربي يهدي ما خلق...........امين امين امين يا رب العالمين....................................... اقرع

ilosa23 · 2013-09-14, 22:20

غلط في غلط في غلط
شكون اللي قالك بلي بنت خالتك هي اللي سحراتك؟؟؟؟؟؟؟؟؟؟؟؟؟؟؟؟؟؟
ماتقوليليش شفتيها في الرقية؟؟؟؟؟؟؟؟؟؟؟؟؟؟؟؟؟؟؟؟؟؟؟
الصور اللي تجيك في الرقية كامل لا اساس لها من الصحة
انا صرالي نفس المشكل نتاعك وشفت في الرقية اشخاص من عائلتي وشكيت فيهم ومن بعد لقيت بلي ماكانش منها خلاص
الشخص المسحور اللي يكون بيه مس اثناء الرقية الجن هو اللي يوريلو صور باش يدير الفتنة ومستحيل يوريلو الساحر الحقيقي بالعكس يديرلو تمويه وفتنة
هاذ الكلام راني نقولك فيه عن تجربة شخصية عشتها وعانيت منها
اكثري من الدعاء واطلبي السماح من بنت خالتك لانو ماعندكش دليل ملموس
وربي يجيبلك الخلاص ان شاء الله

أمّ عبد الودود · 2013-09-14, 22:20

كيف عرف الراقي أن ابنة خالتك من سحرتك

والله أنصحك من القلب لا تصدقي ما يقوله لك الراقي
من أن من سحرتك فلانة أو علانة
ستخسرين كل شيء كل الخير الذي فعلته باتهامك لها إن كانت ليست هي
الراقي مخلوق لا يعلم الغيب
أكيد أختي هو يتعامل مع الجن وكلام الجن لا يصدق في اغلب الأحوال
يا أختي كم من بيوت تهدمت بسبب هذا الأمر
لا تصدقيه إلا إذا كان عندك دليل او اعترفت هي

عائشة قطر الندى · 2013-09-14, 22:21

rabi ychafik wyba3ad 3lik 3adyan hadi hya denia pas de confience

أم احمد3 · 2013-09-14, 22:27

لا يعلم الغيب الا الله
الا اذ ا وجدت سحر بعينك ورايتها هي من دسه لك

حرام عليك ايضا

سيدة القصر الهام · 2013-09-14, 22:27

موفقة اختي ربي يفرحك و يعطيك ما تتمناي

وكلي ربي حنّونة و باذن اله تعيشي احسن حياة

لكل شيء حكمته و للبلاء لذته حينما نثق بالرب و نلجأ اليه

موفقة و ربي يفرحك و كيما قالولك

ممكن مش بنت خالتك

استخيري الله و ديما استعيني به و كتري من الذكر باش تتحصني